Ɛfesesebi 5:21 - EBƆRƐ BE KAWƆL

²¹ Men baa bar men be amu kaseto a sa abar ŋkpal men be bunyaŋ nɛ men kɔ a sa Kristo na so.

Ɛfesesebi 5:21 ပူးပေါင်းရင်းမြစ်များ

Jɛnesis 16:9

Nɛ Enyɛnpe be malaika na kaŋɛ mo: “Bɛta n yɔ mo kutɔ n ya ka la mbe kebita.”

1 Kronikɛls 29:24

Benimuana nɛ benapo na nɛ ewura Deevid be mbinyɛnsobi na kikɛ daŋ nase kɔnɔ fanɛ baaŋ baa nu a sa mo fanɛ bumo be ewura.

2 Kronikɛls 19:7

Men baa bunyaŋ Enyɛnpe Ebɔrɛ na nsaa de so, ŋkpal manɛ so Enyɛnpe nɛ e la anyi be Ebɔrɛ na maa sha kapuni nɛ ŋkpɛato nɛ brɔbu be asheŋ.”

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nehemaya 5:9

Ndoŋ nna nɛ n naŋ kaŋɛ le: “Kusɔ nɛ men wora na maŋ daga kuraa! A daga fanɛ anyi be kebaawɔtɔ e baa sa Ebɔrɛ bunyaŋ, saŋɛ na so nnyamase na maaŋ wu kulubi anyi to.

Aŋasa 24:21

M pibi, baa ŋana Enyɛnpe Ebɔrɛ na nsaa ŋana bewura gba, sa maa tu amukpakpaso wuraana a wora asheŋ.

1 Kɔrintebi 16:16

Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

2 Kɔrintebi 5:11

Ŋkpal anyi alɛ ka nyi kusɔ nɛ baa tre Ebɔrɛ be kaŋana na so, anyee wora ania nna ga a chɛ basa to nɛ b pin kusɔ nɛ k wɔtɔ. Ebɔrɛ e nyi kananɛ an du nɛnɛ nɛ ma alɛ bee tama fanɛ loŋ nɛ menyi alɛ gba nyi anyi ashi men be ŋgbene to.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 5:13

Ŋ kurgepoana, Ebɔrɛ tre menyi ere nna nɛ men ba kaa wɔ men be amu. Ama men sa maŋ kaŋ shin nɛ le be kamoowɔ ere e sa menyi ekpa nɛ men shin nɛ men be eyur to be ayɛlgasɔ e baa wɔ menyi. Ama men shin nɛ kasha e baa shin nɛ men baa shuŋ abar.

Ɛfesesebi 5:22

Beche kilpo, men baa bar men be amu kaseto a sa men kulana fanɛ kananɛ menyee wora a sa Enyɛnpe na.

Ɛfesesebi 5:24

Amoso, kananɛ asɔri bee bar kumo be kumu kaseto a sa Kristo na, loŋ koŋwule na e daga fanɛ bechekilpoana e baa ta bumo be amu a sa bumo kulana kusɔ kama to.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

1 Timoti 2:11

A daga fanɛ beche e baa yɔɔ bumo be amu a lo to boeŋ a nu keŋini.

1 Timoti 3:4

Ama a daga fanɛ e baa tiŋ a keni mbe eche nɛ mbia so nsaa tiŋ a shin nɛ mbe mbia e baa nu a sa mo bunyanso.

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

1 Pita 2:13

Men baa kpal Enyɛnpe so a nu a sa kenimuji kikɛ nɛ k wɔ basa to. K beeŋ tiŋ a la men be efuli so be ewurgboŋ nɛ e la ejuŋkparpo ashi kenimuji kikɛ to na

1 Pita 2:17

Men baa sa basa kikɛ bunyaŋ nsaa sha bekurgepoana na kikɛ. Men baa ŋana Ebɔrɛ nsaa bunyaŋ men be efuli so be ewurgboŋ na.

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.