Ɛfesesebi 5:2 - EBƆRƐ BE KAWƆL

² A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ɛfesesebi 5:2 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Ɛksodɔs 29:18

n chɔɔ bɔrɛsure na so n lara sarga n sa ma. Loŋ be sarga chɔɔso na be efɛa bee par ma, Enyɛnpe Ebɔrɛ na nna.

Ɛksodɔs 29:25

Kumo be kaman nɛ men sɔ amo bumo kutɔ n chɔɔ bɔrɛsure na so ashi kakpa nɛ baa chɔɔ sarga chɔɔso na. Loŋ be sarga be efɛa bee par ma, Enyɛnpe Ebɔrɛ na nna.

Levitikɔs 1:13

A daga e fɔr apuntosɔ nɛ kaman to be aya na so nɛ bɔrɛmatapo na e chɔɔ amo alɛ gba bɔrɛsure na so. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 1:17

Kumo be kaman nɛ e pɛ kabuibi na be aba to m baŋɛ kumo to nsaa maŋ chuge aba na to, nseŋ chɔɔ kumo kikɛ bɔrɛsure na so. Ŋkpal manɛ so, k la sarga chɔɔso nɛ kumo be efɛa bee par Enyɛnpe Ebɔrɛ na nna.”

Levitikɔs 1:9

Nɛ esa nɛ e bee lara sarga na e fɔr kusɔbɔya na be apuntosɔ nɛ kaman to be aya kikɛ so nɛ bɔrɛmatapoana na e chɔɔ amo kikɛ bɔrɛsure na so m mur. Ŋkpal manɛ so, sarga na la sarga chɔɔso nɛ kumo be efɛa bee par Enyɛnpe Ebɔrɛ na nna.

Levitikɔs 3:16

Bɔrɛmatapo na beeŋ chɔɔ amo kikɛ bɔrɛsure na so fanɛ ajibi be sarga nɛ k bee par Enyɛnpe Ebɔrɛ na. Nfɔ na kikɛ la Enyɛnpe Ebɔrɛ na peya nna.

Eemɔs 5:21

Enyɛnpe Ebɔrɛ yɛ: “Ŋ kishi menyi be kabɔrɛshuŋ be kejigboŋana be asheŋ alegaiso.

Matiu 20:28

fanɛ kananɛ ma, Nyiŋgbasa Pibinyɛn gba maŋ ba nɛ b ba shuŋ ma na. M ba nna nɛ m ba shuŋ nseŋ ta ma ŋkpa n sɔ basa damta n yige.”

Baru lela nɛ Jɔn kute na 13:34

Ama kamalga naseso popɔr nɛ mee sa menyi e la fanɛ men baa sha abar. Kananɛ mee sha menyi na e daga fanɛ menyi alɛ gba e baa sha abar loŋ.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 4:25

Ebɔrɛ shin nɛ b daŋ ta mo nna n sa nɛ e wu ŋkpal anyi be alubi so nseŋ naŋ shin nɛ e tiŋi luwu na to nɛ an baa la belelapo Ebɔrɛ be anishito.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Kɔrintebi 16:14

Kusɔ kama nɛ menyee wora, men shin nɛ k baa shi kasha to.

1 Kɔrintebi 5:7

To, loŋ nɛ kulubi gba du. Amoso, men lara kulubi kikɛ menyi to nɛ k maaŋ tiŋ n sɔ kaplɛkama. Loŋ e naaŋ shin nɛ men ki basa popɔr. Kashenteŋ malɛ nna fanɛ men la basa cheembi nna, ŋkpal manɛ so, Yesu Kristo wu n sa anyi. Mo e la emo nɛ baa tre Kebansonchoŋ be Kpakpafɔlbi nɛ b ta n lara sarga na.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

2 Kɔrintebi 2:15

Ŋkpal manɛ so, an du fanɛ Kristo be efɛa belbelso nna a sa Ebɔrɛ a wɔ basa nɛ baa nya kumɔlga nɛ bumo nɛ baa mur bumo be alubi to to.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Galeeshaebi 1:4

Mo Yesu Kristo na e kpal kumɔlga anyi ashi alubi be jemanɛ be kebaawɔtɔ ere to so n nu n sa anyi be Ebɔrɛ nɛ Etuto na n ta mbe kumu n lara anyi alubi be kewora be eleŋ to.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Ɛfesesebi 3:17

nɛ Kristo e tiŋ m bɔla men be yirda so a wɔ men be ŋgbeneana to. Ma alɛ nseŋ naa kule mo fanɛ e shin nɛ men tɔl to m pɛ kasha to a yil kpakpa fanɛ nliŋi na.

Ɛfesesebi 3:19

Kashenteŋto esa ba maaŋ tiŋ m pin mbe kasha na to n ya loge, ama kumo nɛ mee kule mo fanɛ e shin nɛ men ba pin nɛ k tiŋ n shin nɛ Ebɔrɛ e bɔlɔ men be kebaawɔtɔ kikɛ to nyam.

Ɛfesesebi 4:15

Ama anyeeŋ baa la basa nɛ baa ji abar kashenteŋ kashaso, loŋ na nɛ anyeeŋ yɔ anishito ashi kebɛso na to n duli Kristo nɛ e la an be kumu na ekpa kama so nyam.

Ɛfesesebi 4:2

Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Ɛfesesebi 5:15

Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ɛfesesebi 5:25

Benyɛn, men baa sha men be becheana fanɛ kananɛ Kristo sha asɔri na nseŋ ta mbe kumu n sa kumo na.

Ditɛronɔmi 27:6

Ŋkpal manɛ so, ajembu nɛ b maŋ shɛl a daga fanɛ men baa ta a pɔr ebɔrɛsure a sa Enyɛnpe menyi be Ebɔrɛ na, nsaa lara esarga chɔɔso

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Kɔlɔsiebi 3:14

Ade kikɛ be buushi men ta kasha n wɔtɔ men be ŋgbene to, kasha e naa sa anyi kikɛ kɔnɔkoŋwule.

1 Tɛsalɔnikaebi 4:9

Kananɛ menyeeŋ baa sha men braana beyirdapo bre maŋ naŋ daga an ka naŋ sibɛ ŋ kaŋɛ menyi kumo be asheŋ. Ebɔrɛ teŋ ŋ ŋini menyi gbagba kananɛ menyeeŋ baa sha abar.

1 Timoti 2:6

Mo e ta mbe kumu n sɔ basa kikɛ n yige. Kumo e naa ŋini kumo be jemanɛ na gbagba chap fanɛ Ebɔrɛ bee sha basa kikɛ ka nya kumɔlga.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Hibruwebi 9:23

Asɔ ere la ebɔrɛso be kaduli be asɔ nna nɛ a daga b ka bɔla le be aworbi ere so n fɔr amo so. Ama ebɔrɛso be asɔ bre gbagba, esarga nɛ k chɔ ade peyaana ere nawule e naaŋ tiŋ n fɔr amo so.

Hibruwebi 9:26

Nɛ mannɛ aloŋ nna e daa beeŋ yili kasɔto be jemanɛ na kikɛ n ji tɔrɔ ale damta loŋ m ba fo kabre. Ama kumo alɛ, kela koŋwule pati nɛ e lar efuli so saŋɛ nɛ jemanɛ kama to be ekar beeŋ fo na nseŋ ta mo gbagba be kumu n lara sarga nɛ k kpra alubi ashi basa kikɛ so.

1 Pita 4:8

Ade kikɛ be kaman, men baa sha abar kashenteŋto, ŋkpal manɛ so, kasha e naa buu alubi damta so.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.