Ɛfesesebi 5:18 - EBƆRƐ BE KAWƆL

¹⁸ Men sa maa boo nsa, ŋkpal manɛ so, loŋ bee jija kumu nna. Kusɔ nɛ k daga e la fanɛ men shin nɛ Kiyoyu Cheeŋ na e luri m bɔlɔ menyi to kiŋkiŋ.

Ɛfesesebi 5:18 ပူးပေါင်းရင်းမြစ်များ

Jɛnesis 9:21

Asɔrso na ka ba bel nɛ b ta amo n wora nsa nɛ Nowa nuu amo be ako m boo nseŋ delge so a dese mbe wajɛbu to.

Nshɛ 69:12

Bejuŋkparpo nɛ demujipoana bee kuli ma nna, nɛ basa nɛ baa nuu nsa a boo, bee boŋ nshɛ a wora ma eyurto.

Aŋasa 20:1

Nsa bee ta esa nna a ki elushapo, a shin nɛ e bee nite a puchi. Esa kama nɛ nsa wɔ mo la ewulpo nna.

Sɔlɔmɔn 1:4

Keta ma nɛ an nya manaŋ n yɔ; Ma ewura, keta ma n yɔ fo ebu to manaŋ. Ndoŋ nɛ anyi be ŋgbene beeŋ fuli anyi, nɛ an nuu nsa nseŋ ji anyi be amu. Nɛ beche bee sha fo, kumo be ekpa so nna.

Sɔlɔmɔn 7:9

Kepipe fo kɔnɔ bee wora ma ebel a chɔ nsa belbelso nɛ baa tre wain na. Amo be kenuu e wɔ ebel ga na.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Aizaaya 5:22

Asheŋ maaŋ nyalɛ n sa menyi! Nsa be keta n wea abar to n nuu bre be kaplɛa so, men la egoni nna nɛ esa kikɛ maŋ fo menyi so!

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Levitikɔs 10:9

“Fo nɛ fo mbinyɛnsobi e sa maŋ kaŋ nuu yabra ŋko nsa booso be yiri kikɛ nseŋ ba luri wajɛbu na to kikɛ. Men baŋ wora loŋ menyeeŋ wu. Kede la mbra nna a dese n sa fo nɛ fo kaman to ebi kikɛ.

Matiu 23:25

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee fɔr mba nɛ nwiebi be mmanto nɛ amo be epun to bɔlɔ kasuge nɛ kejimuni be asɔ a yil.

Matiu 24:49

nseŋ fara a bri mo braana anya nɛ b ka na nɛ mo nɛ nsanuupo wɔtɔ a ji a nuu,

Luuk 1:15

Ŋkpal manɛ so, e beeŋ ba kaa la esagboŋ Enyɛnpe be anishito. Yili jemanɛ nɛ e wɔ mo nio be epun to, Kiyoyu Cheeŋ na e naaŋ bɔlɔ mo to. E ba koso e maaŋ nuu nsa be yiri kikɛ.

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Luuk 12:45

Ama nɛ fanɛ kenya na kaŋɛ mbe kumu le: ‘N nyɛnpe beeŋ chɛr ga pɔɛŋ nseŋ bɛta m ba’, nseŋ fara a bri anya nɛ b ka na, benyɛn nɛ beche kikɛ nsaa wɔtɔ a ji a nuu nsaa nuu nsa a boo,

Luuk 21:34

Ama men baa de menyi be amu so nsaa maa wɔ kebaawɔtɔ jiga nɛ kasanuu nɛ durnya ere to be kasɔsha be kebaawɔtɔ to nɛ menyi be aba e pɔ menyi nɛ kachɛ nɛ ma, Nyiŋgbasa Pibinyɛn beeŋ ba na e purgi menyi fanɛ kejigbelɛ na.

Baru lela nɛ Jɔn kute na 2:10

“Keni, yabra belbelso lela nɛ ekama yaa fara a bar nɛ basa bee nuu bumo be keparso pɔɛŋ nɛ baa bar amo nɛ a maŋ wɔ ebel fanɛ ade na kaman. Nɛ manɛ e ba nɛ fo ere yaŋ ta alela na n yili loŋ m ba kaa chige amo naniere?”

Ashuŋ Shunso 11:24

Baanabas daa la esa ga a kɔ yirda nɛ Kiyoyu Cheeŋ na bɔlɔ mo to. Ŋkpal loŋ so, basa damta daŋ ba pin Ebɔrɛ bumo be ŋgbene to.

Romebi 13:13

Men shin nɛ an baa bii kebaawɔtɔ lela nɛ k daga basa nɛ b wɔ kapaso be kefulto be kebaawɔtɔ na to. An sa maŋ naa wɔ kasanuu be nshɛr jijigaana to nɛ kusɔjigaya ŋko amɔmɔshiasheŋ be kebaawɔtɔ to nɛ nlu ŋko kayurbesa be kebaawɔtɔ to.

1 Kɔrintebi 11:21

ŋkpal manɛ so, men ka bee kaa ji na, ekama baa ji mo peya nna a maŋ naa jo esa kama. Amoso, beko wɔ akoŋ to nna nɛ beko malɛ nuu nsa m boo.

1 Kɔrintebi 5:11

Kusɔ nɛ n daa de e la fanɛ men sa maŋ shin nɛ menyi nɛ esa kama nɛ e bee tre mbe kumu ekurgepo, mo alɛ nsaa wɔ kesakalea be kebaawɔtɔ to ŋko ŋkaa kɔ kejimuni ŋko emo nɛ e wɔtɔ a shuŋ agbir ŋko a na a tege basa ŋko emo nɛ e bee nuu nsa a boo ŋko emo nɛ e la eyu e baa kɔ kɔnɔkoŋwule be kebaawɔtɔ. Menyi nɛ loŋ be esa e sa maŋ bɔ enɔ n wɔtɔ kawie koŋwule to gba n ji.

1 Kɔrintebi 6:10

Beyu ŋko kejimuniwuraana ŋko nsanuupoana ŋko bumo nɛ baa tege bumo braana ŋko besugepoana maaŋ nya Ebɔrɛ be kuwura na to n luri kikɛ.

Ditɛronɔmi 21:20

Kusɔ nɛ baaŋ ya kaŋɛ nde: “An pibinyɛn ere kpeŋ nna nsaa maa nu a sa anyi. E la esa nɛ e bee boo nsa nsaa jija amansherbi nna.”

1 Tɛsalɔnikaebi 5:7

Kanyɛso nɛ bediipo bee di nɛ nsanuupoana malɛ bee boo nsa, ama anyi ere, kapaso ŋko kefulto to be basa e la anyi.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.