Ɛfesesebi 5:15 - EBƆRƐ BE KAWƆL

¹⁵ Amoso, men baa de men be kebaawɔtɔ so nɛnɛ fanɛ benyiashempo, mannɛ fanɛ bewulpo.

Ɛfesesebi 5:15 ပူးပေါင်းရင်းမြစ်များ

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

Job be kawɔl 2:10

Ndoŋ nna nɛ Job kaŋɛ mbe eche le: “Sa maa malga fanɛ ewulpo! Nɛ anyeeŋ sɔ Ebɔrɛ be nɛfa nɛ enɔgboŋ anyɔ, manɛ nna nɛ anyi maaŋ sɔ etɔrɔ bre mo kutɔ?” Asheŋ ere kikɛ to, Job maŋ malga ŋ gbiti Ebɔrɛ fanɛ e maŋ wora n nyalɛ.

Nshɛ 73:22

kawulisheŋ nɛ kebaamaŋ nyi asheŋ e daa kɔ ma, nɛ n daa wora asheŋ fo anishito fanɛ kusɔbɔya na.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Aŋasa 14:8

Enyiashempo be kanyiasheŋ e naa ŋini mo ekpa, ama ewulpo bre be kawuli bee fule mo nna n ya kaa lɛ.

Aŋasa 15:21

Kawulisheŋ bee fuli ewulpo kagbene nna, ama enyiashempo bre bee wora asheŋ niŋiso nna.

Matiu 10:16

Kede be kaman nɛ e naŋ kaŋɛ: “Kashenteŋto, mee shuŋi menyi nna nɛ menyi nɛ durnya ere to ebi e ya kaa wɔtɔ fanɛ mbolpɔ kaa wɔ ekuntuŋ to na. Men baa nyi asheŋ, a de men be amu so fanɛ awɔ nsaa du boeŋ fanɛ ali.

Matiu 25:2

Bumo be benu daa la bewulpo nna nɛ benu malɛ la benyiashempo.

Matiu 27:24

Pailat ka wu fanɛ e maaŋ naŋ tiŋ n wora shɛŋ she kebagato e naa shin nɛ k koso basa na to nɛ e ta nchu n fɔr mbe enɔana nseŋ kaŋɛ le: “Ma enɔ maŋ wɔ kanyɛn ere be luwu to, menyi be asheŋ nna.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

Matiu 8:4

Nɛ Yesu kaŋɛ mo: “Nu nfe! Sa maŋ kaŋɛ esa kikɛ kesheŋ ere, ama yɔ n ya ta fo kumu ŋ ŋini bɔrɛmatapo na nɛ e keni fo. E kaŋ loge, fo lara sarga nɛ anebi Mosis nase na ŋ ŋini basa kikɛ fanɛ naniere fo nyalɛ so.”

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Galeeshaebi 3:1

Ama menyi Galeeshaebi paŋ nfɛra pasaa! Wanɛ e wora menyi bre? To, men be anishito gbagba nɛ b bugi Yesu Kristo be kewu kedibi largato na so na be asheŋ n sa menyi. To nɛ mannɛ nna?

Galeeshaebi 3:3

Manɛ e ba nɛ men paŋ nfɛra loŋ? To, Kiyoyu be eleŋ to nɛ men fara men be kabɔrɛbɛso ere nseŋ naa sha fanɛ men bɔla men gbagba be asheŋ woraso to n loge asheŋ a?

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Ɛfesesebi 5:33

Ama a daga fanɛ men be ekama gba e baa sha mbe eche fanɛ kananɛ e bee sha mo gbagba be kumu, nɛ eche kama malɛ e baa bunyaŋ mo kul.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.

1 Tɛsalɔnikaebi 5:15

Men baa da so nɛ men be ekama e sa maŋ kaŋ ta kulubi ŋ ka kulubi be kukɔ, ama saŋkama men baa wora abar nɛ basa kikɛ kelela.

1 Timoti 6:9

Ama basa nɛ baa sha kedii dama bee luri kechɔŋkeni to nna n tɔr kawulisheŋ nɛ ayɛlgasɔ damta be kejigbelɛ to nɛ a doro bumo m mur bumo.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Jeems 3:13

Menyi to be emo e kɔ kanyiasheŋ nsaa nyi ashuŋ to? Amodoŋwura e ta mbe kebaawɔtɔ lela a du boeŋ nsaa wora asheŋ nɛ a daga.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.