Ɛfesesebi 5:12 - EBƆRƐ BE KAWƆL

¹² Ŋkpal manɛ so, kemalga asheŋ nɛ basa ŋana a wora ere be asheŋ gba kɔ anishinyɔr nna.

Ɛfesesebi 5:12 ပူးပေါင်းရင်းမြစ်များ

2 Samuɛl 12:12

Fo ere ŋana nna n wora kulubi ama ma ere beeŋ shin nɛ kusɔ nɛ meeŋ wora ere e dii efuli nɛ Israɛlebi kikɛ e wu kumo.’ ”

Aŋasa 9:17

“Keyuri nchu wɔ ebel, ama ajibi nɛ fo ŋana n ji e wɔ ebel a chɔ amo”

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Jɛremaya 23:24

Kaplɛkama maŋ wɔtɔ nɛ esa e ŋana ndoŋ nɛ m maaŋ wu mo. Ŋkpal manɛ so, n wɔ ebɔrɛso nɛ kasawule so be kaplɛkama nna.

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ɛfesesebi 5:13

Kusɔ kama malɛ nɛ kefulto na ba kumo to bee dii efuli nna nɛ basa bee wu kumo. Nɛ kusɔ kikɛ nɛ k bee dii efuli nɛ basa bee wu kumo ki kefulto be kusɔ.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

1 Pita 4:3

Naniere bre a daga fanɛ men ka pin fanɛ asɔ nɛ nnyamase bee sha kewora nɛ menyi alɛ gba daa wora amo na be kewora kukwe. Asɔ nɛ men daa wora saŋɛ na e daa la kusɔjigaya be aworbi nɛ kesakalea be kayɛlga be aworbi nɛ kasanuu nɛ keshɛr abar n ji nseŋ boo ana be kebaawɔtɔ nɛ kushuŋ jiga fanɛ kagbirshuŋ be aworbi.

Kelaraŋŋini 20:12

Nɛ n wu bubuni, begboŋi nɛ bewurbi kikɛ nɛ b yil kuwurputi na akpa nɛ b bugi nwɔl. Amo be kaman nɛ b bugi kawɔl ko malɛ, kumo e la ŋkpa be kawɔl na. Nɛ b bɔla nwɔlana na to ŋ keni n wu asɔ nɛ ebuni kama daŋ wora n yili amo so n ji mo demu.