Ɛfesesebi 4:9 - EBƆRƐ BE KAWƆL

⁹ Ama kekaŋɛ fanɛ e daŋ dii n yɔ esoso maŋ naa kɔ kifito n naŋ ti kede so fanɛ e daŋ gbelge nna m ba kasawule so be kaseto pɔɛŋ.

Ɛfesesebi 4:9 ပူးပေါင်းရင်းမြစ်များ

Jɛnesis 11:5

Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na

Nshɛ 139:15

Shɛŋ shɛŋ maŋ ŋana fo so a laŋɛ ma kaplɛa so! Jemanɛ nɛ ma awibi daa chuge abar so ashi n nio be kakurgesha to ashiri to na,

Nshɛ 63:9

Bekama nɛ baa fin ma ŋkpa be kelara na, beeŋ wu n yɔ nchaŋ to.

Nshɛ 8:5

Fo nawule e chɔ dimɛdi ashi fo asɔ toso kikɛ to. Fo alɛ e sa mo kemaŋkura nɛ bunyaŋ.

Ɛksodɔs 19:20

Kumo be kaman nɛ Enyɛnpe Ebɔrɛ na gbelge m ba Sainai be kebeegboŋ na be awɔlto nɛ Mosis dii n ya tu mo ndoŋ.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Ezikɛl 31:14

Amoso yili le be jemanɛ a yɔ, kanaŋkamaso nɛ kedibi kikɛ nya nchu, k maaŋ tiŋ n daŋ nteŋ fanɛ kumo. Amo be kekama beeŋ wu fanɛ kananɛ edimɛdi bee wu a gbelge kasawule to a yɔ bubuni to na.”

Matiu 12:40

Kananɛ Jona daŋ baŋ ji nchɛ asa nɛ nnyɛ asa kɔrɔtɔgboŋ na be epun to na, loŋ gbagba na nɛ ma, Nyiŋgbasa Pibinyɛn na beeŋ ji nchɛ asa nɛ nnyɛ asa kasawule to.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Baru lela nɛ Jɔn kute na 3:13

Esa kama maŋ naŋ yɔ ebɔrɛso she emo nɛ e shi ndoŋ m ba na nawule, mo e la ma, Nyiŋgbasa Pibinyɛn na.

Baru lela nɛ Jɔn kute na 6:33

Ŋkpal manɛ so, Ebɔrɛ be bodobodo na e la bodobodo nɛ k shi ebɔrɛso m ba kaa sa durnya ŋkpa na.”

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Baru lela nɛ Jɔn kute na 6:41

Ndoŋ nna nɛ Juwebi na fara a malga a gbiti mo ŋkpal e ka kaŋɛ fanɛ: “Ma e la bodobodo nɛ k shi ebɔrɛso m ba na” so.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Baru lela nɛ Jɔn kute na 6:58

Bodobodo nɛ k shi ebɔrɛso m ba na nde. An nananyɛnana daŋ we manna nna, ama b wu. Ama esa kama nɛ e we le be bodobodo beeŋ baa wɔ ŋkpa to hale mbaanaayɔ.”

Baru lela nɛ Jɔn kute na 6:62

To, nɛ men daŋ wu ma, Nyiŋgbasa Pibinyɛn ka bɛta a yɔ ebɔrɛso, kakpa nɛ n daa wɔ na ai?

Baru lela nɛ Jɔn kute na 8:14

Nɛ Yesu kaŋɛ bumo: “Hale nɛ n ji ma kumu so be shɛda gba, asɔ nɛ mee malga ere kɔ kashenteŋ, ŋkpal manɛ so, n nyi kakpa nɛ n shi m ba nseŋ naa nyi kakpa nɛ mee yɔ, ama menyi ere maŋ nyi kakpa nɛ n shi m ba nɛ kakpa nɛ mee yɔ.

Hibruwebi 2:7

Ŋkpal manɛ so, saŋɛ gbrɛbi ko fo daŋ shin nɛ emalaika daa chɔ mo nna. Keni, fo ta kemaŋkura nɛ bunyaŋ m buu mo fanɛ kuwura na,

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.