Ɛfesesebi 4:8 - EBƆRƐ BE KAWƆL

⁸ Amoso nɛ abɔrɛsibɛ na bee kaŋɛ le na fanɛ: “E ka daŋ dii n yɔ esoso na, e daŋ yɛr anya nna nseŋ kɛ basa ŋkɛana.”

Ɛfesesebi 4:8 ပူးပေါင်းရင်းမြစ်များ

Ɛsta 2:18

Kumo be kaman nɛ ewura na shin nɛ b wora kejigboŋ n sa benimuana na nɛ ekrachiana na ŋkpal Ɛsta so. Nseŋ sa ebɔl fanɛ kumo be kachɛ e baa la kewushiachɛ n sa mbe efuli so be basa kikɛ. Ewura na daŋ sa basa ŋkɛ damta gba n ti so.

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Aŋasa 30:4

Wanɛ e dii n yɔ Ebɔrɛ so m bɛta m ba? Wanɛ e tiŋ m pɛ afu n wɔtɔ enɔ to? Ŋko ŋ gbargbar nchu n wɔtɔ mbe kusɔbuuso to? Wanɛ e ta kasawule n yili kumo be eyilikpa? Loŋ be esa be ketre ŋko mo pibi be ketre e la nuso? Nɛ fo nyi, fo kaŋɛ ma.

Ɛfesesebi 4:11

Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

Kɔlɔsiebi 2:15

E ka wu kedibi largato na so na, e sɔ esoso be eleŋana nɛ kenimujipoana na kikɛ be eleŋ m pɔɔ bumo so ŋ ŋaba bumo ŋ ŋini durnya.

Demujipoana 5:12

Juŋkpar, Dɛbora, juŋkpar! Juŋkpar m pante kashɛ n wɔtɔ! Barak, Abinoam pibinyɛn, ba juŋkpar basa nɛ fo pɛ anya n yɔ!

1 Samuɛl 30:26

Deevid ka bɛta n yɔ Ziklag nɛ e ta asɔ nɛ b ya muu kena to na be ako n ya sa mo teriana nɛ Juda be bejuŋkparpoana na nseŋ kaŋɛ bumo le be kubɔya ere: “Enyɛnpe Ebɔrɛ mo doŋana na kutɔ nɛ n suge asɔ ere nɛ m ba sa menyi fanɛ kakɛ na.”