Ɛfesesebi 4:32 - EBƆRƐ BE KAWƆL

³² Kebaawɔtɔ nɛ k daga fanɛ men baa kɔ e la fanɛ men baa la basa a wu abar kuwɔr nsaa ta abar be alubi a paŋ abar fanɛ kananɛ Ebɔrɛ bɔla Kristo so n ta men be alubi m paŋ menyi na.

Ɛfesesebi 4:32 ပူးပေါင်းရင်းမြစ်များ

2 Samuɛl 7:21

Fo keparso nɛ fo wora le be kesheŋ tumase ere; fo alɛ wora loŋ nna nɛ fo ŋini ma

Nshɛ 112:9

Baa bugi ŋgbene nna a kɛ betentaŋasepo asɔ nɛ bumo be kelela be kewora malɛ maŋ kɔ ekar. Amoso basa bee nyiŋi bumo jemanɛ kikɛ nna.

Nshɛ 145:9

Enyɛnpe Ebɔrɛ na bee wora ekama kelela nsaa kɔ kashagboŋ a sa mbe asɔ to so kikɛ nna.

Aŋasa 12:10

Basa lela bee keni bumo be asɔbɔya gba so nɛnɛ nna, ama basa lubi bre be shɛŋ maŋ wɔ bumo be asɔbɔya to.

Aŋasa 19:11

Kanyiti be keji la kanyiasheŋ nna. Esa baŋ wora fo kulubi nɛ fo kplaŋ mo so, k la kemaŋkura nna n sa fo.

Aŋasa 19:22

Kusɔ nɛ dimɛdi bee fin e la kashenteŋji; K baa la etirpo bɔ k baa la efɛpo.

Aizaaya 57:1

Basa niŋiso bee wu nɛ ekama malɛ be shɛŋ maŋ wɔtɔ bumo to. Ama nɛ b baŋ wu malɛ b maŋ naa luri alubi to.

Jɛremaya 38:12

Kumo be kaman nɛ e kaŋɛ ma fanɛ n ta achɛbi na n ta ma aba to, saŋɛ na so efɔl na maaŋ doro ma. Ndoŋ nna nɛ n wora loŋ,

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Maak 11:25

Nɛ men ya kaa yil a kule Ebɔrɛ, men baa kɔ nfɛra niŋiso a sa esa kama nɛ e wora n da menyi so na nsaa ta a paŋ mo nɛ men Tuto nɛ e wɔ ebɔrɛso na e ta menyi alɛ gba be alubi m paŋ menyi.

Luuk 1:78

An be Ebɔrɛ la kuwɔrwupowura a du cheembi nna,

Luuk 11:4

Ta anyi be alubi m paŋ anyi, ŋkpal manɛ so, anyi alɛ gba ta m paŋ ekama nɛ e wora n da anyi so. Sa maŋ shin nɛ an luri kechɔŋkeni to.’ ”

Luuk 17:4

Nɛ e wora n da mo so ale ashunu kachɛ koŋwule nseŋ kilgi ale ashunu na kikɛ to ŋ kaŋɛ mo le: ‘N wora n jija’, a daga e ka ta m paŋ mo.”

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Luuk 6:37

Men sa maa wu abar be alubi nɛ Ebɔrɛ e sa maŋ ji menyi alɛ gba sheria. Men sa maŋ kaŋɛ fanɛ eko wora n jija n daga kasogberge nɛ Ebɔrɛ e sa maŋ kaŋɛ fanɛ men wora n da so n daga kasogberge. Men baa ta men braana be alubi a paŋ bumo nɛ Ebɔrɛ e ta men be alubi m paŋ menyi.

Ashuŋ Shunso 28:2

Ndoŋebi daŋ chɛ anyi to ga. Bɔrɛ daŋ fara nna a ba nɛ awo ko ba nɛ b puga edɛ n sa anyi nɛ an wɔl.

Romebi 12:10

Men baa kɔ bekurgepo be kasha a sha abar nsaa juŋkpar a bunyaŋ abar.

1 Kɔrintebi 13:4

Kasha la kanyiti nna nɛ kebaala esa. Kasha maa besa eyur, kumo alɛ maa maŋ kumu so. K maŋ la kumu be ketinto ŋko nfɛlso be kebaawɔtɔ.

2 Kɔrintebi 2:10

Nɛ esa baŋ wora kulubi nɛ men ta m paŋ mo, ma alɛ gba ta m paŋ amodoŋwura na. Nɛ kusɔ nɛ ma alɛ baŋ ta m paŋ, nɛ ketampaŋ be kesheŋ ko malɛ baa wɔtɔ nna na, n ta nna m paŋ ashi Kristo be anishito ŋkpal menyi so.

2 Kɔrintebi 2:7

Naniere kusɔ nɛ k daga fanɛ men baa wora e la fanɛ men ta m paŋ mo nseŋ leŋ mo to, saŋɛ na so mbe kagbenejija damta na maaŋ pɔɔ mo so.

2 Kɔrintebi 6:6

An bɔla an be kebaawɔtɔ nɛ k maŋ kɔ eyurpi so nɛ anyi be kanyiasheŋ so nɛ anyi be kanyitiso nɛ anyi be kebaala basa so ŋ ŋini fanɛ an la Ebɔrɛ be beshumpo nna ashi Kiyoyu Cheeŋ nɛ kashenteŋ be kasha to.

Ɛfesesebi 5:1

Ŋkpal men ka la Ebɔrɛ be mbia shaso so, men wora ania a du fanɛ mo gbagba.

Jeems 5:11

Basa nɛ b daŋ ji loŋ be kanyiti a yil to na nɛ anyee kaŋɛ fanɛ b wɔ nɛfa to. Job le, men nu kananɛ e daŋ ji kanyiti tɔrɔ to, nɛ amo be kaman kananɛ Ebɔrɛ daŋ shin nɛ e nu ebel na ŋko? Kashenteŋto, an Nyɛnpe bee shu anyi so ga nsaa wu anyi kuwɔr.

2 Pita 1:7

Kabɔrɛŋana malɛ be kaman men ta keniopibi be kasha n ti so nseŋ ta kasha gbagba malɛ n ti keniopibi be kasha so.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

1 Jɔn 2:12

Ma mbi shasoana, mee sibɛ nna a sa menyi ŋkpal Ebɔrɛ ka ta menyi be alubi m paŋ menyi ŋkpal Yesu so na.

Ruf be kawɔl 2:20

Ndoŋ nna nɛ Nawomi kaŋɛ Ruf le: “Enyɛnpe Ebɔrɛ nɛ mbe kelela shi n sa bumo nɛ b wu nɛ bumo nɛ b wɔ ŋkpa to kikɛ na e nɛfa mo.” E ka malga loŋ n loge nɛ e kaŋɛ Ruf le: “Loŋ be kanyɛn na la an kurgepo gbagba nna. E la ekurgepo mo nɛ k daga fanɛ e keni anyi so nna.”