Ɛfesesebi 4:31 - EBƆRƐ BE KAWƆL

³¹ Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

Ɛfesesebi 4:31 ပူးပေါင်းရင်းမြစ်များ

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 37:21

Ruben ka nu loŋ nɛ e wora ania a fin kananɛ e beeŋ wora m mɔlga Josɛf ashi bumo be enɔ to nseŋ kaŋɛ bumo le: “Men sa maŋ shin nɛ an lara mbe ŋkpa.

Jɛnesis 37:4

Mo daana ka wu fanɛ bumo tuto bee sha Josɛf a chɔ bumo na nɛ b kishi mo nsaa maŋ naa malga mo kutɔ kashaso.

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

2 Samuɛl 13:22

Absalɔm daa maŋ tuge Amnɔn shɛŋ ama e daŋ kishi mo nna, ŋkpal e ka pur mo sipoche Tamaa so so.

2 Samuɛl 19:27

E daŋ ya ku efɛ nna deŋi ma n sa fo. Yiramu, ama ŋkpal fo ka du fanɛ Ebɔrɛ be kabɔ so, fo wora kusɔ kama nɛ k par fo.

2 Samuɛl 19:43

Nɛ Israɛlebi na malɛ kaŋɛ le: “Hale nɛ menyi nɛ ewura Deevid la kukoŋwule gba, ŋkpal an ka la nnaŋ kudu so, an kɔ mo so eleŋ alɛ kudu a chɔ menyi. Amoso manɛ nna nɛ menyee keni anyi jiga? Men sa maŋ teŋ so fanɛ anyi e daŋ kenya nfɛra fanɛ anyeeŋ ya keta ewura na m ba!” Ama Juda be basa na daŋ nyaŋɛto na ga m malga m pɔɔ Israɛl be basa na so.

Nshɛ 101:5

M maaŋ sa ekama nɛ e bee nite a ji basa be asheŋ ekpa nɛ e baa wora loŋ. Ma alɛ maaŋ sa kamoowuwura ŋko keŋkenshiwura kashuli kikɛ nɛ b baa du loŋ.

Nshɛ 140:11

Sa maŋ shin nɛ basa nɛ baa ku asheŋ a deŋi beko e nya kusɔ nɛ baa sha kasawule ere so kikɛ. Shin nɛ asheŋ lubi e ba basa nyaŋnyaŋso so m mur bumo cheche.

Nshɛ 15:3

nsaa maa ku efɛ a deŋi bumo braana, ŋko a malga asheŋ lubi a gbiti bumo na; nɛ bumo nɛ baa sa basa bunyaŋ na,

Nshɛ 37:8

Saa maa nya agbo ŋko a wora asheŋ agbo so. Agbo bee yɛra esa alubi to nna.

Nshɛ 50:20

Men tase nna a kuli men kurgepoana nsaa jija men niopibiana gbagba be atre.

Nshɛ 64:3

Bumo be atuwebi bee besa nna fanɛ b ka ŋe esa kasaŋɛ na, nɛ bumo be mmalga du fanɛ b ka da esa ketanyembi na.

Aŋasa 10:12

Kekishi bee bar kamɔrɔji nɛ kebagato nna, ama kasha bre bee kplaŋ aworandeso kikɛ so nna.

Aŋasa 10:18

Esa kama nɛ kekishi wɔ mo to la efɛpo nna. Ewulpo e naa ta b yɛ b yɛ a shuŋ.

Aŋasa 14:17

Esa nɛ e bee nya agbo manaŋ manaŋ maa kraa wora a foe. Enyiashempo bre bee wushi eyur nna a wora asheŋ.

Aŋasa 18:8

Ŋkuli wɔ ebel ga; nɛ basa bee sha kumo.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aŋasa 25:23

Kananɛ kebɔrɛfito be afu bee bar bɔrɛ na, aloŋ nɛ ŋkuli bee bar agbo.

Aŋasa 26:20

Ndibi baa maŋ wɔ edɛ to edɛ na bee duŋ nna, aloŋ nɛ ŋkuli baa maŋ wɔtɔ kolu bee ku.

Aŋasa 29:22

Esa nɛ e bee nya agbo manaŋ manaŋ bee bar kebagato nna, nsaa wora a foe ekpa manaŋ manaŋ.

Aŋasa 29:9

Enyiashempo baŋ yɛr ewulpo ewurkpa, ewulpo na beeŋ ya kaa mushe chilchil n jija demu na.

Aŋasa 6:19

nɛ shɛdajipo nɛ e bee ku efɛ a deŋi abar so nɛ edebɔrpo nɛ e bee ta beteri be amu a ŋmɛa abar.

Kaŋinichiŋgeliŋ 7:9

Bewulpo e naa nya agbo manaŋ manaŋ nsaa ta asheŋ a wɔtɔ kagbene to.

Jɛremaya 6:28

Bumo kikɛ la ŋgbene kpakpaso wuraana nɛ b maa shuli fanɛ esa e baa wɔ bumo nna. Bumo be ŋgbene du kpakpa nna fanɛ danyaŋ ŋko kenyembi. Eda lubi nɛ bumo kikɛ kɔ a wɔtɔ a ku efɛ a kulti.

Jɛremaya 9:4

A daga fanɛ ekama e baa de mo teriana be asheŋ woraso so, nsaa maŋ yirda mo kurgepoana be asheŋ woraso gba. Ŋkpal manɛ so, bekurgepoana na be ekama maa ji kashenteŋ fanɛ men nananyɛn Jeekɔb; ekama malɛ wɔtɔ nna a ku efɛ a jija mo teriana be atre.

Ashuŋ Shunso 21:30

Ndoŋ nna nɛ kadegboŋ na to ebi kikɛ luri kebagato to nɛ basa na kikɛ shile m ba abar so m ba nyaŋ Pɔɔl ŋ gberge mo n lar bɔrɛlambu na to nseŋ ti bɔrɛlambu na be mbuna epul na to.

Romebi 3:14

Abar be kebaamelgi kpakpaso e bɔlɔ bumo be nnɔ to a wɔtɔ.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.

2 Kɔrintebi 12:20

K bee wora ma nna fanɛ ŋ kaŋ ba men kutɔ meeŋ ba wu fanɛ mannɛ kananɛ mee sha fanɛ men baa du na nɛ men du, nɛ menyi alɛ gba e wu fanɛ mannɛ kananɛ menyee sha fanɛ m baa du na nɛ n du n sa menyi. Mee lɔ kufu nna fanɛ shere meeŋ ba wu nlu nɛ kayurbesaana nɛ agboana ka bee kaa nɛ kejimuniana nɛ kategeana nɛ ŋkuli nɛ kamoowu nɛ kebarga to menyi to.

Galeeshaebi 5:20

nɛ agbirshunsheŋ nɛ kegbaya nɛ kekishi nɛ nlusheŋ nɛ abar be asɔ be kebaayɛlga nɛ kanya agbo nɛ nfɛragboŋ be kebaafɛ nɛ amu be kebarga a wɔ ntuŋ so be kebaawɔtɔ.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

Kɔlɔsiebi 3:19

Bekulana, men baa sha men be beche, men sa maa nyaŋ bumo.

Kɔlɔsiebi 3:8

Ama naniere, men yige asheŋ lubi be kebaawora n yige kebaakɔ agbo, kebaanya agbo kenyɛnso, kebaala basa lubi, basa be kebaakuli nɛ kusɔ jigaya be kamalga.

1 Timoti 3:11

Bumo be beche gba e baa kɔ da lela nsaa maa ji bumo braana be asheŋ. A daga fanɛ b baa fɛ nfɛra dede a la beshenteŋjipo.

1 Timoti 3:3

E sa maa nuu nsa ga ŋko a la esa brembreŋ, ama a daga fanɛ e baa du boeŋ nsaa maa la elushapo ŋko a ta mbe kagbene a wɔtɔ amansherbi to.

1 Timoti 5:13

Kumo be kaman b wɔtɔ nna a jija bumo be saŋɛ a na basa pe, kumo alɛ be buushi nɛ b fara a ji asheŋ nsaa luri basa be asheŋ to a wɔtɔ a malga mmalga nɛ a maŋ nya bumo.

2 Timoti 2:23

Baa gelge kawuliso nɛ chilchil be emɔrɔ fuloŋ, ŋkpal manɛ so, fo nyi a ka bee bar nlu.

2 Timoti 3:3

Basa maaŋ ba kaa kɔ kasha nseŋ lar kuwɔr to nsaa kɔ efɛ be eshɛda. Baaŋ ba kaa wɔtɔ a diewu, bumo alɛ nsaa la basa ŋana so nseŋ ba kaa kishi kelela be yiri kikɛ.

Taites 1:7

A daga fanɛ asɔri to be enimu ŋinipo nɛ e bee keni Ebɔrɛ be asɔri to ebi so na e sa maa kɔ kulubi kikɛ mbe kebaawɔtɔ to. A maŋ daga fanɛ e baa sha mo nawule be aparsheŋ ŋko a nya agbo manaŋ manaŋ ŋko a sha nsa ga ŋko a du nyaŋnyaŋ ŋko a ŋana a wɔ alubi be ekpa ko to a fin amansherbi.

Taites 2:3

Loŋ koŋwule na e daga fo ka kaŋɛ bechekparana na fanɛ b baa kɔ kebaawɔtɔ cheembi. A maŋ daga fanɛ b baa la emalaŋfiki ŋko n shin nɛ kasanuu e baa pɔɔ bumo so.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 3:14

Ama fo kama nɛ fo la kumukpakpasowura nsaa kɔ yurkishi a fɛ fo nawule be asheŋ so, kumo ere fo sa maa ji njɔŋ a ku efɛ a kaŋɛ fanɛ fo kɔ kanyiasheŋ.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

1 Jɔn 3:15

Esa kama nɛ e kishi mo niopibi la emɔpo nna, menyi alɛ nyi fanɛ emɔpo kikɛ maŋ kɔ ŋkpa nɛ k maŋ kɔ ekar na mo to.

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.