Ɛfesesebi 4:29 - EBƆRƐ BE KAWƆL

²⁹ Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ɛfesesebi 4:29 ပူးပေါင်းရင်းမြစ်များ

Nshɛ 45:2

Enyɛn kikɛ maŋ walɛ keyɛrbi fanɛ fo. Mmalga belbelso nawule e naa shi fo kɔnɔ to. Amoso nɛ Ebɔrɛ bee nɛfa fo.

Nshɛ 5:9

M maaŋ tiŋ n yirda kusɔ nɛ ma doŋana bee kaŋɛ. Esa be kejija nɛ baa fin. Efɛ e bɔlɔ bumo be mmalga to fanɛ kemaŋ chiŋgeliŋ nɛ asɔ buu so. Bumo be adonduloŋ malɛ bee ku efɛ nawule nna.

Nshɛ 52:2

Asheŋ lubi nɛ fee kre saŋkikɛ; fo kudonduloŋ fɛpo na bee ji fanɛ bɔrfɔ nna.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Aŋasa 12:13

Belubiworapo gbagba be mmalga e naa kilgi a kre bumo, ama beshenteŋjipo bre bee lara bumo be amu asheŋ to nna.

Aŋasa 15:23

Keshuli n wora kesheŋ saŋɛ nɛ k daga nɛ kananɛ k daga e naa bar kagbenefuli.

Aŋasa 15:7

Benyiashempo be atuwebi e naa sa basa kenyi, mannɛ bewulpo peya.

Aŋasa 16:21

Enyiashempo e naa pin asheŋ to manaŋ manaŋ, nɛ kamalga lela malɛ bee chɛ to a shin nɛ esa be keŋini asheŋ bee nite nɛnɛ.

Kaŋinichiŋgeliŋ 10:12

Enyiashempo be mmalga bee bar mo kemaŋkura nna, ama ewulpo bre be kɔnɔ to be mmalga e naa mur mo.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Luuk 4:22

Mbe asheŋ daŋ bɔlɔ basa na be kenishi ga nɛ mbe kubɔya belbelso na be asheŋ chinchiŋ bumo ga nɛ b bishi abar: “Mannɛ mo e la Josɛf pibi na a?”

Baru lela nɛ Jɔn kute na 1:37

Bebɛsopo anyɔ na ka nu kusɔ nɛ e kaŋɛ na nɛ b ta m bɛ Yesu so.

Romebi 14:19

Amoso, men shin nɛ an baa wora ania saŋkikɛ a wora asheŋ nɛ a bee bar kagbenewushi nɛ asheŋ nɛ a beeŋ tiŋ n chɛ to n shin nɛ an baa leŋ abar to.

Romebi 15:2

Anyi be ekama e baa wora mo braana bebɛsopo asheŋ lela nɛ a bee par bumo nɛ loŋ e tiŋ n sa bumo eleŋ nɛ k beeŋ yɛr bumo anishito ashi yirda na to.

1 Kɔrintebi 14:19

Ama nɛ m baa wɔ asɔri to mee kaa sha kemalga mmalga anu mo nɛ basa beeŋ tiŋ n nu to nna nɛ n ta amo ŋ ŋini basa na asɔ, a chɔ ŋ ka gbar mmalga ŋgboŋ kudu mo nɛ a wɔ ŋgbar mo nɛ b maa nu to.

Ɛfesesebi 4:12

E wora loŋ nna nɛ e chɛ Ebɔrɛ be basa kikɛ to nɛ b nya eleŋ kabɔrɛshuŋana na to, saŋɛ na so loŋ beeŋ chɛ Kristo be eyur to ebi na to nɛ b nya eleŋ n yɔ anishito ashi kebɛso na to.

Ɛfesesebi 4:16

Mo to nɛ eyur na kikɛ to m pɛ to kpakpa a wɔ abar so a du fanɛ kananɛ awibichɛkpa nɛ achin bee pɛ esa be eyur a wɔ abar so nɛ mbaana na be kekama bee nya a shuŋ kumo be ashuŋ nɛnɛ na. Nɛ loŋ malɛ baa wora, eyur na bee bɔla kasha be kebaawɔtɔ kikɛ to nna a daŋ a yɔ anishito.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

1 Tɛsalɔnikaebi 5:11

Amoso, men baa leŋ abar to a chɛ abar to fanɛ kananɛ men chɛr a wora na.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:1

Beche, menyi alɛ gba e baa nu a sa men kulana, saŋɛ na so nɛ bumo be ekama maŋ yirda kamalga na, nɛ men maŋ malga n sa bumo gba, baaŋ wu men be kebaawɔtɔ nseŋ ba yirda.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.