Ɛfesesebi 4:28 - EBƆRƐ BE KAWƆL

²⁸ Ekama nɛ e daa yuri e yige kayu na naniere nseŋ fara a ta mbe enɔana a wora asheŋ lela a shuŋ, saŋɛ na so e beeŋ nya kusɔ nɛ k daga n tiŋ n chɛ bumo nɛ b maŋ kɔ to.

Ɛfesesebi 4:28 ပူးပေါင်းရင်းမြစ်များ

Job be kawɔl 34:32

Kumo be kaman nɛ fo kule mo nɛ e shin nɛ fo pin kulubi nɛ fo wora, saŋɛ na so, fo maaŋ naŋ wora kumo kikɛ.

Ɛksodɔs 20:15

Men sa maa yuri.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Aŋasa 13:11

Ekpa lubi so be kanya maa chɛr nsaa loge. Ama esa kama nɛ e bee fin gbrɛgbrɛbi be kanya bee ti so saŋkama nna.

Aŋasa 14:23

Kepere kenishi n shuŋ bee bar tɔnɔ nna, ama k baa tase a malga nawule bre bee bar ketir nna.

Aŋasa 21:26

ŋkpal manɛ so saŋkikɛ e bee fin kenya kusɔ ko nna. Ama esa nɛ e bee wora asheŋ niŋiso bre bee kaa kɔ asɔ nna a kɛ saŋkama.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aŋasa 31:20

E bee bugi enɔ nna a chɛ betirpo nɛ bumo nɛ asheŋ bee pɔɔ bumo so to.

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Zakareya 5:3

Ndoŋ nna nɛ malaika na kaŋɛ ma: “B sibɛ kɔnɔsho nɛ k beeŋ ba durnya be kasawule so kikɛ nna n wɔtɔ kumo to. Kawɔl sibɛso na be kaba ko so bee kute kananɛ baaŋ lara eyu kikɛ ashi kasawule so nna, nɛ kaba nyɔsopo malɛ bee kute kananɛ baaŋ ju esa kama nɛ e bee bɔ ntaŋ a ku efɛ be asheŋ nna.

Luuk 19:8

Nɛ Zakiyes niŋi to n yili nseŋ kaŋɛ Enyɛnpe le: “Enyɛnpe, keni, meeŋ barga ma asɔ to ntuŋ anyɔ so n ta barga to ko ŋ kɛ betirpo, nɛ esa kama malɛ nɛ m puni, meeŋ leŋi amodoŋwura be kusɔ na ntuŋ nna n sa mo.”

Luuk 3:8

Men baa wora asheŋ nɛ a bee ŋini fanɛ men lar men be alubi to n sa maa wɔtɔ a kaŋɛ men be amu le: ‘An nana e la Eebraham,’ a fɛ fanɛ menyeeŋ ji n lar. Ma e kaŋɛ menyi na fanɛ Ebɔrɛ beeŋ tiŋ n ta ajembu ere m pɔr kaman to ebi n sa Eebraham.

Baru lela nɛ Jɔn kute na 12:6

Mannɛ fanɛ betirpo be asheŋ ka tir mo so so nɛ e daŋ kaŋɛ loŋ, ama e daa la eyu nna. Mo e daa la katuŋ na be amansherbikenipo, amoso, e daa wɔtɔ nna a lara amansherbi na be ako a wɔtɔ mbe jifa to.

Baru lela nɛ Jɔn kute na 13:29

Ŋkpal Judas ka daa keni katuŋ na be amansherbi so so, bumo be beko daa fɛ fanɛ Yesu daa kaŋɛ mo nna fanɛ e ya tɔ Kejigboŋ na to be asɔ nɛ baaŋ baa sha m ba ŋko fanɛ e ta kusɔ ko n ya sa betirpo.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

1 Kɔrintebi 4:12

Anyi gbagba be enɔana nɛ an kɔ a shuŋ ga. Basa baŋ so anyi kɔnɔ, anyee nɛfa bumo nna, b baŋ tɔrɔ anyi, anyee ji kumo be loŋ be kanyiti nna.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

2 Kɔrintebi 8:2

B luri etɔrɔ damta kpakpasoana to n lar nɛ ketir pɛ bumo, ama bumo alɛ be ŋgbene daŋ fuli bumo ga. Kumo alɛ nɛ ketir gboŋgboŋi na shin nɛ b bugi enɔ ŋ kɛ nɛnɛ.

Galeeshaebi 6:10

Amoso, kananɛ an kraŋ baa kɔ ekpa naniere bre, men shin nɛ an baa wora basa kikɛ kelela, fɔnfɔŋ bumo nɛ b la an braana beyirdapo na.

1 Timoti 6:18

Ŋini bumo fanɛ b baa wora kelela nsaa la basa a bugi ŋgbene a sa basa bumo be asɔ na be ako.

Taites 3:14

Shin nɛ an peebiana na e ŋini bumo be amu alelasheŋ be kebaawora, saŋɛ na so, baaŋ baa tiŋ a nya karechɛ kama be asɔ nɛ a daga nsaa maŋ baa wɔtɔ jiga loŋ a maa bar asɔrso kama.

Taites 3:8

Kesheŋ ere la kashenteŋ nna. Mee sha fanɛ fo ta kenishipere nna n wɔtɔ le be asheŋ ere to nɛ bumo nɛ b ba yirda Ebɔrɛ na e baa wɔ ashuŋ lela be kebaawɔtɔ to. Le be mmalga ere la kashenteŋ nna nɛ a beeŋ chɛ basa to.