Ɛfesesebi 4:25 - EBƆRƐ BE KAWƆL

²⁵ Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Ɛfesesebi 4:25 ပူးပေါင်းရင်းမြစ်များ

1 Bewura 13:18

Ndoŋ nna nɛ anebi nimuso na kaŋɛ le: “Ma alɛ gba la anebi nna. Enyɛnpe Ebɔrɛ be malaika e kaŋɛ ma fanɛ n yɛr fo ma laŋ to nɛ fo ya fin kusɔ ko n ji.” Ama anebi nɛ e shi Juda na daa maŋ nyi fanɛ anebi nimuso na daa ku efɛ nna.

Nshɛ 119:29

Shin nɛ m baa gelge kafulesheŋ; wu ma kuwɔr nseŋ ŋini ma fo mbra na.

Nshɛ 15:2

Basa nɛ baa wora Ebɔrɛ kasonu kusɔ kama to na, nɛ bumo nɛ bumo be asheŋ woraso niŋi akpa na, nɛ bumo nɛ baa ji kashenteŋ ashi bumo be ŋgbene to

Nshɛ 52:3

Fee sha asheŋ lubi a chɔ asheŋ lela; nsaa sha efɛ a chɔ kashenteŋ be keji.

Ɛksodɔs 23:7

Men sa maa ku efɛ a deŋi basa so, ŋko a ji demu a kaŋɛ fanɛ basa nɛ b maŋ wora n jija daga luwu. Esa kama nɛ e wora loŋ maaŋ ji n lar ma anishito kikɛ.

Aŋasa 12:17

Fo baŋ ji kashenteŋ, basa bee wora asheŋ a niŋi ekpa nna, ama efɛ bre bee shin nɛ basa bee wora asheŋ a gbɛto nna.

Aŋasa 12:19

Efɛ maa chɛr nsaa fo ekar, ama kashenteŋ bre wɔtɔ nna mbaanaayɔ.

Aŋasa 12:22

Enyɛnpe Ebɔrɛ kishi befɛpo be asheŋ ga, ama mbe kagbene bee fuli bekama nɛ baa ji kashenteŋ so nna.

Aŋasa 21:6

Kebirkɔshi be kanya maa chɛr nsaa mur, amo alɛ maa chɛr nsaa yɛr esa luwu to.

Aŋasa 24:28

Sa maŋ kaŋ ji efɛ be shɛda ŋ gbiti fo barkasa ŋko ŋ ku efɛ ŋ deŋi mo.

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Aŋasa 8:7

Kashenteŋ nɛ mee ji, maa sha efɛ.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Zakareya 8:16

Asɔ nɛ a daga fanɛ men baa wora e la kebaaji abar kashenteŋ nsaa ji asheŋ nɛ amo be ekpa so ashi menyi be demujikpaana saŋɛ na so kayurwushi beeŋ baa wɔ menyi to.

Zakareya 8:19

E yɛ: “Ekishi nɛ menyee kishi kufɔl nasopo nɛ kenusopo nɛ keshunusopo nɛ kudusopo to na beeŋ ki kayurji nɛ kagbenefuli be nchɛgboŋ n sa Juda be efuli so ebi. Amoso a daga fanɛ men baa sha kashenteŋ nɛ kayurwushi.”

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Romebi 12:5

To, loŋ koŋwule na nɛ anyi nɛ Yesu be kefɛato du. An shi, ama an la eyur koŋwule nna ashi mo to nɛ ekama malɛ wɔ mo barkasa to.

1 Kɔrintebi 10:17

Bodobodo na bee kaa la kukoŋwule nna nɛ anyi basa damta bee tu abar a we kumo, amoso, an la eyur koŋwule to ebi nna.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.

Ɛfesesebi 4:15

Ama anyeeŋ baa la basa nɛ baa ji abar kashenteŋ kashaso, loŋ na nɛ anyeeŋ yɔ anishito ashi kebɛso na to n duli Kristo nɛ e la an be kumu na ekpa kama so nyam.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

Ɛfesesebi 5:30

Anyi alɛ la mbe eyur na be mba ko nna.

Kɔlɔsiebi 3:8

Ama naniere, men yige asheŋ lubi be kebaawora n yige kebaakɔ agbo, kebaanya agbo kenyɛnso, kebaala basa lubi, basa be kebaakuli nɛ kusɔ jigaya be kamalga.

Kɔlɔsiebi 3:9

Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

Taites 1:12

Bumo gbagba to be eko nɛ baa tre anebi na e daŋ kaŋɛ le: “Saŋkama Kriitebi la befɛpo nɛ asɔbɔya lubi nɛ ajibishapo tɔlpoana nna.”

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.

Demujipoana 16:11

Nɛ Samsɔn kaŋɛ: “Nɛ b baŋ ta amamprɔŋ popɔr nɛ b maŋ naŋ ta n wora shɛŋ ŋ kre ma kpakpa, ma eleŋ beeŋ lar ma to nɛ ŋ ki fanɛ dimɛdi kikɛ.”