Ɛfesesebi 4:23 - EBƆRƐ BE KAWƆL

²³ A daga fanɛ men be ŋgbene nɛ nfɛra kikɛ ka ki asɔ popɔr nyam.

Ɛfesesebi 4:23 ပူးပေါင်းရင်းမြစ်များ

Nshɛ 51:10

Shin nɛ n nya nfɛra niŋiso nseŋ shin nɛ n naa ji kashenteŋ.

Ezikɛl 11:19

Meeŋ lara bumo be ŋgbene nɛ a du kpakpa fanɛ ajembu na bumo to nseŋ sa bumo ŋgbene nɛ nfɛra popɔr, nɛ b maaŋ naa sha keshuŋ agbirana.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 36:26

Ade be kaman, nɛ n lara menyi be ŋgbene kpakpaso fanɛ kejembu na nseŋ sa menyi ŋgbene popɔr nɛ a beeŋ shin nɛ men baa wora ma kasonu.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Romebi 6:4

Anyi nɛ mo alɛ nɛ b puli saŋɛ nɛ b bɛr anyi kabɔrɛbɛr a ŋini fanɛ anyi nɛ mo koŋwule na e luri mbe luwu na to na, saŋɛ na so, kananɛ Etuto na baŋ ta mbe eleŋgboŋ n shin nɛ Kristo na tiŋi luwu to na, anyi alɛ gba beeŋ nya kebaawɔtɔ popɔr a wɔtɔ.

Romebi 8:6

Keshin nɛ kapɔr lubi ere e baa wɔ fo nfɛra bee yɛr fo luwu to nna nɛ keshin nɛ Kiyoyu na e baa wɔ fo nfɛra malɛ bee yɛr fo ŋkpa nɛ kagbenewushi to.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Taites 3:5

E mɔlga anyi nna ŋkpal mo gbagba ka bee wu kuwɔr na so. E bɔla kabɔrɛbɛr nɛ Kiyoyu Cheeŋ bee bɔla kumo so a sa anyi kakurge popɔr nɛ kebaawɔtɔ popɔr na so nna m mɔlga anyi.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.