Ɛfesesebi 4:2 - EBƆRƐ BE KAWƆL

² Saŋkikɛ men baa bar men be amu ase a du boeŋ nsaa kɔ kanyiti a chɛ abar to a ŋini kasha nɛ k wɔ menyi to na.

Ɛfesesebi 4:2 ပူးပေါင်းရင်းမြစ်များ

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Aŋasa 16:19

Fo ki etirpo ŋkpal fo ka bar fo kumu ase so bɔ fo ka tu kamoowuwuraana m barga asɔ nɛ b suge to.

Aŋasa 3:34

Mo nɛ basa nɛ baa maŋ bumo be amu so maŋ kɔ shɛŋ, ama e bee shu basa nɛ baa bar bumo be amu ase bre so nna.

Kaŋinichiŋgeliŋ 7:8

Kusɔ kama be lalaloge bɔ kumo be sososo.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Zakareya 9:9

Ekama nɛ e wɔ Jerusalɛm to e baa ji eyur nsaa wora awɔr kagbenefuliso! Ŋkpal manɛ so menyi be ewura kɔ m pɔɔ so nsaa ba menyi kutɔ; e du boeŋ nna nseŋ dii kurmafɔlbi a ba.

Nɔmbɛs 12:3

Mosis daa kɔ kamubrase nna ga, e daa kɔ kamubrase a chɔ esa kikɛ durnya to.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Maak 9:19

Nɛ Yesu bishi bebɛsopo na: “O menyi mbreebi, nuso be basa e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nuso be kanyiti nɛ menyee sha fanɛ n naŋ ta ŋ keta menyi?

Ashuŋ Shunso 20:19

N daa shuŋ ma kushuŋ nna fanɛ kebɔrɛnya nsaa yɔɔ ma kumu saŋkama a wɔtɔ a nya kagbenejija a shu nchɛ nchɛ to ŋkpal Juwebi be nia nɛ b daa kre ma na so.

Romebi 15:1

A daga fanɛ anyi, bumo nɛ an kɔ eleŋ yirda na to na e baa chɛ bepɔshipo na to a keni bumo be asheŋ nɛ a bee pɔɔ bumo so to. An sa maa wɔtɔ a de anyi gbagba be aparsheŋ so.

1 Kɔrintebi 13:7

Kasha wɔ esa to e maa gben a yige kusɔ kama to, e bee yirda kusɔ kama nna a tama kusɔ kama nsaa yil to kanyitiso malɛ saŋkama.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Ɛfesesebi 1:4

Kashenteŋto, pɔɛŋ nɛ Ebɔrɛ to durnya ere gba, e lara anyi nna fanɛ an baa la mo peya ashi Kristo to, saŋɛ na so anyeeŋ baa du cheembi a maa kɔ kulubi kikɛ mbe anishito.

Kɔlɔsiebi 1:11

An be kabɔrɛkule e la fanɛ Ebɔrɛ e sa menyi eleŋgboŋ ashi mbe eleŋgboŋ na to nɛ men baa nyiti awurfoŋ kikɛ kagbenefuliso a chɔrɔ Etuto na ga,

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Jeems 1:21

Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

1 Pita 3:15

Ama men baa sa Kristo bunyaŋ fanɛ Enyɛnpe ashi men be ŋgbene to. Men baa wora shiriya saŋkikɛ a jo esa kama nɛ e beeŋ ba bishi menyi tama mo nɛ men kɔ ere be kifito, nɛ men kaŋɛ mo.

1 Pita 3:8

Kusɔ nɛ k baa wɔtɔ kikɛ e la fanɛ men kikɛ e baa kɔ kɔnɔkoŋwule a wɔ abar so. Men baa shu abar so a kɔ keniopibi be kasha a sha abar nsaa la basa nseŋ naa bar men be amu kaseto.