Ɛfesesebi 4:18 - EBƆRƐ BE KAWƆL

¹⁸ Alubi tegsi bumo nna n shin nɛ bumo be ŋgbene biri to tuum a maŋ naa pin asheŋ to ŋkpal bumo be ŋgbene kpakpaso nɛ kemaa nyi nɛ k bee ji kuwura bumo so na so. Naniere bumo nɛ ŋkpa nɛ Ebɔrɛ bee sa na barga abar cheche.

Ɛfesesebi 4:18 ပူးပေါင်းရင်းမြစ်များ

Nshɛ 74:20

Baa nyiŋi kɔnɔkoŋwule be ŋkre nɛ anyi nɛ fo wora na. Ŋkpal manɛ so, kebagato e sɔ durnya be kukɔlɔbi kikɛ to, n shin nɛ tentembiri sɔ kaplɛkama.

Aizaaya 25:7

Kebee ere so nɛ Enyɛnpe Ebɔrɛ na beeŋ lara kagbenejija nɛ k du fanɛ awɔlpa a buu efuliana na kikɛ so na.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Matiu 13:15

Ŋkpal bumo be ŋgbene ka du kpakpa so, b ti bumo be asoe so nseŋ buu bumo be anishi so. Nɛ mannɛ aloŋ, bumo be anishi beeŋ bugi asheŋ be kewuto nɛ bumo be asoe e bugi asheŋ be kenuto nɛ bumo be ŋgbene e bugi asheŋ be kepinto. Ebɔrɛ yɛ: Loŋ na, baaŋ ba ma kutɔ nɛ n lara bumo ashi bumo be kebaawɔtɔ dra to n sa bumo kebaawɔtɔ popɔr.’

Maak 3:5

Kumo be kaman nɛ Yesu keni bumo agbo nɛ kagbenejijaso ŋkpal b ka kɔ amu kpakpaso so nseŋ kaŋɛ kanyɛn na: “Teŋi fo enɔ to.” E ka teŋi kumo to nɛ mbe enɔ na nya eleŋ.

Baru lela nɛ Jɔn kute na 12:40

“N tan bumo be anishiana nseŋ ti bumo be ŋgbeneana, nɛ mannɛ aloŋ, bumo be anishiana beeŋ bugi asheŋ be kewuto nɛ bumo be ŋgbene e bugi asheŋ be kepinto nɛ b ba ma kutɔ nɛ n lara bumo ashi bumo be kebaawɔtɔ na to n sa bumo kebaawɔtɔ popɔr.”

Ashuŋ Shunso 17:30

Ebɔrɛ kplaŋ saŋɛ nɛ basa daa maŋ nyi na so, ama naniere e bee kaŋɛ ekama kaplɛkama fanɛ e lar mbe alubi to.

Ashuŋ Shunso 3:17

To, ŋ kurgepoana, n nyi fanɛ kusɔ nɛ menyi nɛ menyi be benimuana wora Yesu na daa la kamaanyi be kusɔ nna.

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 11:7

To, naniere manɛ e naa wɔtɔ? Kusɔ nɛ k wɔtɔ e la fanɛ kusɔ nɛ Israɛlebi daŋ pere kenishi a fin na, b fin kumo ŋ gben, ama Ebɔrɛ be basa laraso na bre nya kumo nɛ basa nɛ b ka malɛ nya amu kpakpaso.

Romebi 2:19

Mannɛ fo koŋwule na e naa kaŋɛ fanɛ fo e baa la esa nɛ e bee keta betanpo kekpabi nsaa du fanɛ kefulto a sa bumo nɛ b wɔ tentembiri to na a?

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

1 Kɔrintebi 2:8

Basa nɛ b kɔ eleŋ durnya ere to daa maŋ nyi le be kanyiasheŋ ere, ŋkpal manɛ so, nɛ b daa nyi kumo nna, b daa maaŋ gbir an Nyɛnpe mo nɛ e kɔ kemaŋkura na m mata kedibi largato so.

2 Kɔrintebi 3:14

Ama kashenteŋto bumo be ŋgbeneana daŋ ti nna a du kpakpa, hale kabre b baŋ kraŋ kɔnɔkoŋwule be ŋkre dra na, kusɔ kuŋso na kraa wɔtɔ nna, ŋkpal manɛ so, Kristo nawule so nɛ kusɔ kuŋso na bee lar ashi to.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

Galeeshaebi 4:8

Saŋɛ na men daa maŋ nyi Ebɔrɛ, amoso, men daa la ayoyuana nɛ basa bee fɛ fanɛ a la Ebɔrɛ nɛ amo alɛ maŋ la na be anya nna.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Kɔlɔsiebi 1:21

Saŋɛ na menyi nɛ Ebɔrɛ daŋ barga abar nna nɛ men daa la mo doŋana, ŋkpal men be nfɛra nɛ asheŋ lubi so.

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

Hibruwebi 5:2

Ŋkpal asheŋ ka bee gben mo alɛ gba ashi ekpa damtaana to so e nyi kananɛ e beeŋ ta kanyiti a keni bumo nɛ b maŋ nyi nɛ basa mo nɛ baa foe na so.

Hibruwebi 9:7

Ama bɔrɛmatapo nimuso na nawule e daa luri ebu nyɔsopo na to kela koŋwule kafɛ kama to. Mo alɛ gba daa maaŋ tiŋ n luri ndoŋ ama e ta ŋklaŋ nna n luri n ya lara mo gbagba be alubi so be sarga nseŋ naŋ yili basa na be katelamu to n lara sarga ŋkpal bumo be alubi nɛ b wora a maŋ de so na so.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Pita 1:14

Kananɛ naniere men la kasonu be mbia ere bre, men sa maŋ naŋ shin nɛ men be ayɛlgasɔ nɛ men daa kɔ saŋɛ nɛ men daa maŋ nyi Ebɔrɛ be ekpa na e naa wɔ menyi.

1 Jɔn 2:11

Ama ekama nɛ e bee kishi mo niopibi wɔ tentembiri to nna na, mo alɛ nsaa na tentembiri to. E maŋ nyi kakpa nɛ e bee yɔ, ŋkpal manɛ so, tentembiri na e naa shin nɛ e maa wu.