Ɛfesesebi 4:17 - EBƆRƐ BE KAWƆL

¹⁷ Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ɛfesesebi 4:17 ပူးပေါင်းရင်းမြစ်များ

Nehemaya 13:15

Ma alɛ daŋ naŋ dara m pin kusɔ nɛ Juda be basa na bee wora Kewushiachɛ na. Mannɛ kebaachichi asɔrso nɛ baa tre greep na so a wora yabra nawule nɛ b daa wora ama b daa teŋi ayu, nsaa chuge egreep nɛ figi be asɔrso nɛ adɔjibi pɔtɛana kikɛ n ti so nna Kewushiachɛ na. Bumo alɛ daa naa ta ekurma a sulɔ amo nna a yɔ Jerusalɛm n ya ka fa. Amoso n daŋ kpele bumo kusoe nna fanɛ b sa maŋ naa fa ajibi Kewushiachɛ.

Jɛremaya 42:19

Ndoŋ nna nɛ n naŋ kaŋɛ le: “Enyɛnpe Ebɔrɛ na teŋ ŋ kaŋɛ menyi basa nɛ men ka a wɔ Juda be efuli so na fanɛ men sa maŋ yɔ Ijipt be efuli so. Ŋkpal loŋ so mee kpele menyi kusoe naniere nna

Levitikɔs 15:18

Nɛ enyɛn nɛ eche di abar nɛ enyɛn na ba eyur nɛ nchu lar mo to, enyɛn nɛ eche na kikɛ daga kebɛr nchu, ama bumo alɛ kraa beeŋ baa wɔ eyurpi to n ya fo kaaseso.

Luuk 16:28

n ya fiɛ n sipoana so nɛ b sa maŋ ba ebesa be kakpa ere. Ŋkpal manɛ so, besipo anu nɛ ŋ kɔ.’

Ashuŋ Shunso 14:15

“Manɛ e ba nɛ menyee wora loŋ? Anyi alɛ gba la enyiŋgbasa nna fanɛ menyi. An ba nfe nna nɛ an ba kaŋɛ menyi baru lela na be asheŋ n shin nɛ men lar le be asheŋ jiga ere to m ba Ebɔrɛ nɛ e wɔ ŋkpa to nsaa la esa nɛ e to ebɔrɛso nɛ kasawule nɛ teku nɛ asɔ nɛ a wɔ amo to na kikɛ kutɔ.

Ashuŋ Shunso 18:5

Sailas nɛ Timoti ka shi Masɛdonia m ba nɛ Pɔɔl yige kusɔ kama nsaa wɔtɔ a bɔ kubɔya na a bugi kumo to nɛnɛ a kaŋɛ Juwebi na fanɛ Yesu e la Kristo na.

Ashuŋ Shunso 2:40

Kesheŋ ere nɛ Pita daŋ kaŋɛ bumo nseŋ ta le be mmalga ŋ kaŋɛ bumo kenishipereso: “Men mɔlga menyi be amu ashi kasogberge nɛ k bee ba le be basa lubi ere so na to.”

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

1 Kɔrintebi 1:12

Kusɔ nɛ mee ber e la fanɛ men wɔtɔ nna a kaŋɛ abar le: “Pɔɔl nɛ ma ere bɛ so,” nɛ ede kaŋɛ: “Apɔlɔs nɛ ma ere bɛ so,” nɛ ede malɛ e kaŋɛ: “Sifas nɛ ma ere bɛ so,” nɛ eko malɛ e kaŋɛ: “Kristo nɛ ma ere bɛ so.”

1 Kɔrintebi 15:50

Bekurgepoana, mee kaŋɛ menyi nna na fanɛ kusɔ nɛ b ta eyur nɛ ŋklaŋ n wora maaŋ tiŋ n nya Ebɔrɛ be kuwura na to n luri, kusɔ nɛ k bee bɛ malɛ kikɛ maaŋ tiŋ n nya kakpa nɛ luwu maŋ wɔtɔ n luri.

2 Kɔrintebi 9:6

Men baa nyiŋi fanɛ esa kama nɛ e bee duu asɔ miiriso, beeŋ teŋi miiriso be asɔ nna nɛ esa kama malɛ nɛ e bee duu asɔ damaso beeŋ teŋi asɔ damaso nna.

Galeeshaebi 3:17

Kusɔ nɛ mee ŋini nde fanɛ: Ebɔrɛ e daŋ nase kɔnɔ fanɛ e beeŋ bɛ kɔnɔ na so. Kumo be nfɛ alfa ana nɛ adesa be kaman nɛ mbra na lar, ama mbra na maaŋ tiŋ m ba jija Ebɔrɛ be kɔnɔ naseso na nseŋ kpra kumo.

Galeeshaebi 5:3

Men shin nɛ n naŋ laŋɛ ŋ kaŋɛ menyi kenishipereso, ekama nɛ e shin nɛ b ku mo kututu, kumo ere a daga fanɛ amodoŋwura ka bɛ mbra na so kikɛ nyam.

Ɛfesesebi 1:22

Ebɔrɛ ta kusɔ kikɛ nna n wɔtɔ mbe enɔ to nseŋ lara mo fanɛ e baa la kusɔ kikɛ be kumu a sa asɔri na.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ditɛronɔmi 27:10

amoso men baa wora mo kasonu nsaa bɛ mbe mbraana nɛ n ta a sa menyi kabre ere kikɛ so.”

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:4

Mee kaŋɛ menyi ade kikɛ nna nɛ men sa maŋ shin nɛ esa kikɛ e tiŋ n ta efɛ be kamɔrɔji n shin nɛ men foe ekpa.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Timoti 5:21

Ebɔrɛ nɛ Kristo Yesu nɛ emalaika nɛ b lara n yili na be anishito nɛ n yil a kaŋɛ fanɛ fo nu n sa le be keŋiniana ere nsaa maŋ kpal fo ka nyi esa ko be kebaawɔtɔ so a ji mo ŋkpɛatoso be demu.

1 Timoti 6:13

Ebɔrɛ nɛ e bee sa kusɔ kikɛ ŋkpa nɛ Yesu Kristo nɛ e yili Gomena Pɔnshes Pailat be anishito n ji shɛda lela na be anishito nɛ n yil a kaŋɛ fo fanɛ fo baa nu a sa asɔ nɛ ŋ ŋini fo na kikɛ

2 Timoti 4:1

Ebɔrɛ nɛ Kristo Yesu nɛ e beeŋ ji bumo nɛ baaŋ baa wɔ ŋkpa to nɛ bumo nɛ b wu na demu be anishito nɛ n yil nsaa kpal mbe kenamba na nɛ mbe kuwura na so a kaŋɛ fo fanɛ

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.