Ɛfesesebi 4:11 - EBƆRƐ BE KAWƆL

¹¹ Mo koŋwule na e daŋ ta basa ko ŋ ki beshuŋipo n shin nɛ bede malɛ ki abɔrɛsheŋ be bewuŋkaŋɛpoana nɛ bede malɛ ki baru lela be mbɔ nseŋ shin nɛ bede malɛ ki epasta nɛ beŋinipo.

Ɛfesesebi 4:11 ပူးပေါင်းရင်းမြစ်များ

2 Kronikɛls 15:3

Israɛlebi na daŋ yige keshuŋ kashenteŋ be Ebɔrɛ na n chɛr ga. B daa maŋ naa kɔ bɔrɛmatapoana nɛ baa ŋini bumo Ebɔrɛ be akpa. Amoso b daa maŋ naa bɛ Ebɔrɛ be mbra so.

Jɛremaya 3:15

Meeŋ shin nɛ basa nɛ b nyi asheŋ nsaa nu a sa ma e ji menyi so kuwura nsaa keni menyi so fanɛ mbolpɔkpapo.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Ashuŋ Shunso 13:1

Anebiana nɛ beŋinipo ko daa wɔ Antiɔk be asɔriebi na to. Bumo be atreana e daa la Baanabas nɛ Saimɔn, emo nɛ baa tre esa lembir na nɛ Sairini be Lisias nɛ Maneeyen, emo nɛ b daŋ bela mo nɛ Gomena Hɛrɔd na nɛ Sɔɔl.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ashuŋ Shunso 21:8

Kumo be ŋklade nɛ an lar ndoŋ n yɔ Sizariya n ya luri baru lela malgapo Filip pe. E daa la basa ashunu nɛ bebɛsopoana na daŋ lara Jerusalɛm na be eko nna.

Romebi 12:7

Fo kama nɛ fo kakɛ la fo braana be kebaashuŋ, fo baa shuŋ bumo. Nɛ k naa la keŋini, fo baa ŋini.

1 Kɔrintebi 12:4

Kiyoyu to be ŋkɛ be nnaŋ to e wɔtɔ, ama Kiyoyu koŋwule na e naa sa amo kikɛ.

Ɛfesesebi 2:20

Men du fanɛ egbal be kaba nna nɛ kumo be kifi la beshuŋipo nɛ anebiana na, nɛ Kristo Yesu malɛ gbagba la kumo be gbaltɔlase.

Ɛfesesebi 3:5

Saŋɛ na be esa kikɛ daa maŋ nyi le be wulo be kesheŋ nɛ e bɔla Kiyoyu na to m bugi to ŋ ŋini mbe beshuŋipo cheembiana nɛ mbe anebiana ere.

Ɛfesesebi 4:8

Amoso nɛ abɔrɛsibɛ na bee kaŋɛ le na fanɛ: “E ka daŋ dii n yɔ esoso na, e daŋ yɛr anya nna nseŋ kɛ basa ŋkɛana.”

2 Timoti 4:5

Fo ere, baa kɔ fo kumu to nɛnɛ kusɔ kama to. Baa ji tɔrɔ be kanyiti nsaa wora kushuŋ nɛ k daga fanɛ baru lela be emalgapo kaa bee wora. Baa shuŋ kushuŋ nɛ Ebɔrɛ ta m bɔɔ fo enɔ na kikɛ nyam.

Hibruwebi 5:12

A daŋ daga fanɛ men baa la beŋinipo naniere, ama hale mbre she esa e naaŋ laŋɛ ŋ ŋini menyi kashenteŋ be abɔrɛsheŋ be sososo na, men maa pin to. A daŋ daga fanɛ men baa tiŋ a ji ajibi gbɛgbɛso naniere, ama kenyipo nɛ menyi alɛ kraa nuu na.

Juud 1:17

Ama menyi ere, n teri lelaana, men baa nyi asɔ nɛ an Nyɛnpe Yesu Kristo be beshuŋipoana na daŋ kaŋɛ fanɛ a beeŋ wora na.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 21:14

Kadegboŋ na be egbal daa kɔ egbaltɔlase kuduanyɔ nɛ gbaltɔlase kama malɛ daa kɔ Kpakpafɔlbi na be beshuŋipo kuduanyɔ na be ekoŋwule kama be ketre.