Ɛfesesebi 4:1 - EBƆRƐ BE KAWƆL

¹ Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 4:1 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 5:24

Inɔk nɛ Ebɔrɛ daa ji keteri nna loŋ m ba fo saŋko nɛ Ebɔrɛ ta mo n yɔ ebɔrɛso nɛ e maŋ wu.

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Ashuŋ Shunso 9:31

Kumo be kaman nɛ asɔriebi nɛ b daa wɔ Judiya na nɛ Galili nɛ Samɛria na lar bumo be etɔrɔ na to n nya kagbenewushi gbrɛ. Kiyoyu Cheeŋ na e daŋ shin nɛ b daŋ yɔ anishito nseŋ wora keshi n ti so a wɔ Enyɛnpe be kebunyaŋ be kebaawɔtɔ to.

Romebi 11:29

Ŋkpal manɛ so, Ebɔrɛ be kakɛ nɛ mbe ketre esa a sa mbe kumu maa chɛrga.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

1 Kɔrintebi 4:16

Amoso, mee kule menyi nna fanɛ men baa kute ma to.

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 4:12

Ŋ kurgepoana, mee kule menyi nna fanɛ men baa du fanɛ ma, ŋkpal manɛ so, ma alɛ gba baŋ ba ki fanɛ menyi nna. Dra na men daa maŋ wora ma kulubi kama, ama naniere bre menyee wora.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ɛfesesebi 4:4

Eyur koŋwule nɛ Kiyoyu koŋwule e wɔtɔ fanɛ kananɛ tama koŋwule nɛ Ebɔrɛ tre menyi m ba wɔtɔ kumo to na gba wɔtɔ na.

Ɛfesesebi 5:2

A daga fanɛ kasha e baa juŋkpar menyi kebaawɔtɔ ere to fanɛ kananɛ Kristo sha anyi nseŋ ta mbe kumu n sa anyi nɛ loŋ be kakɛ na walɛ a la sarga nɛ kumo be efɛa bee dufɛ viim a par Ebɔrɛ na.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 3:14

Amoso, m baŋ niŋi tinini nna a yɔ nɛ n ya ji ŋkpa be tɔnɔ nɛ Ebɔrɛ kpal kumo so a bɔla Kristo Yesu so a tre basa esoso fanɛ b ba sɔ na.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 2:6

Amoso, men ka sɔ Yesu Kristo fanɛ men Nyɛnpe ere, men keta men be amu fanɛ basa nɛ bumo nɛ mo ki kukoŋwule a kɔ mo to kpakpa

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 2:12

An daa leŋ menyi to a lɔlɔ menyi nseŋ daa kaŋɛ menyi kananɛ menyeeŋ baa wora nɛ menyi be kebaawɔtɔ e baa par Ebɔrɛ nɛ e bee tre menyi a ba mbe kuwura nɛ kemaŋkura na to na.

2 Tɛsalɔnikaebi 1:11

Amoso nɛ anyee kule anyi be Ebɔrɛ saŋkama a sa menyi fanɛ e shin nɛ men be kebaawɔtɔ e baa du fanɛ kananɛ e tre menyi fanɛ men ba kaa kɔ na. Anyee kule mo fanɛ e ta mbe eleŋ na n shin nɛ men be kelela be kasha na e wora kashenteŋ n shin nɛ men be yirda be kushuŋ na e bɔlɔ so nyam.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.

Taites 2:10

A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

1 Pita 3:9

Men sa maa laŋɛ kulubi a ka kulubi ŋko a laŋɛ katege a ka katege. Ama kusɔ nɛ k daga e la fanɛ men baa nɛfa basa nɛ baa wora menyi loŋ be alubiana, ŋkpal manɛ so, Ebɔrɛ ka tre menyi na, nɛfa nɛ e nase kɔnɔ fanɛ e beeŋ sa menyi.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Jɔn 1:5

Naniere malɛ mee kule fo nna fanɛ fo shin nɛ an kikɛ e baa sha abar be asheŋ, kumo alɛ maŋ la kamalga naseso popɔr ko nna nɛ mee sibɛ a sa fo, kumo nɛ an nya sososo na kikɛ na nna.