Ɛfesesebi 3:6 - EBƆRƐ BE KAWƆL

⁶ Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Ɛfesesebi 3:6 ပူးပေါင်းရင်းမြစ်များ

Ezikɛl 47:22

K beeŋ baa la menyi be kapetɛ hale mbaanaayɔ. Nɛ menyi bee chige kasawule na to, befɔ kama nɛ menyi nɛ bumo wɔtɔ nɛ b kurge mbia nfe na gba daga fanɛ b nya bumo be kachige. A daga fanɛ men baa wora bumo fanɛ Israɛl be ndetobia nseŋ shin nɛ bumo alɛ gba e baa tu Israɛl be eyiriana na a to beri a nya kasawule na be kachige.

1 Kɔrintebi 12:12

Fanɛ kananɛ eyur baa la kukoŋwule kumo alɛ nsaa kɔ mba damta nɛ kumo be mba na kikɛ wɔ eyur koŋwule so na gbagba na nɛ Kristo gba du.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 3:3

Kumo e la wulo be kesheŋ naseso nɛ Ebɔrɛ bugi to ŋ ŋini ma na, kumo be asheŋ nɛ n teŋ sibɛ gbrɛ n sa menyi na.

Ɛfesesebi 5:30

Anyi alɛ la mbe eyur na be mba ko nna.

Ɛfesesebi 5:7

Men sa maŋ kaŋ tu bumo a wora loŋ be asheŋ.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.