Ɛfesesebi 3:18 - EBƆRƐ BE KAWƆL

¹⁸ Saŋɛ na so menyi, n ta Ebɔrɛ be basa kikɛ n ti so, beeŋ nya nfɛra m pin kananɛ Ebɔrɛ be kasha wɔ mpar nɛ kananɛ k wɔ nteŋ nɛ kananɛ k du jeŋgreŋ nɛ kananɛ k du chiŋgeliŋ.

Ɛfesesebi 3:18 ပူးပေါင်းရင်းမြစ်များ

2 Kronikɛls 6:41

Enyɛnpe Ebɔrɛ, koso m bɔla ŋkre be deka nɛ k yili a sa eleŋ nɛ fo kɔ na so n luri bɔrɛlambu ere to, nsaa wɔ ndoŋ mbaanaayɔ. Nɛfa fo bɔrɛmatapoana ashi kusɔ kama nɛ baa wora to nseŋ shin nɛ fo basa malɛ kikɛ be ŋgbene e fuli bumo ŋkpal fo kelela nɛ fee wora a sa bumo so.

Nshɛ 103:17

Enyɛnpe Ebɔrɛ na bee lara mbe kasha nɛ k maa chɛrga na a ŋini bekama nɛ baa bunyaŋ mo mbaanaayɔ nna; mo alɛ nsaa wora a bɔlɔ mbe nnɔ naseso so a sa bumo be kaman to ebi

Nshɛ 116:15

Basa nɛ baa shuŋ Ebɔrɛ nɛnɛ na be luwu be asheŋ tir ga n sa Enyɛnpe Ebɔrɛ na.

Nshɛ 132:9

Shin nɛ fo bɔrɛmatapoana e baa wora asheŋ niŋiso, nseŋ shin nɛ fo basa nɛ baa ji kashenteŋ a sa fo na e baa boŋ nshɛ nsaa ji eyur kagbenefuliso.

Nshɛ 139:6

Kananɛ fo nyi ma na la mamachi nna; m maaŋ tiŋ m pin kumo to.

Nshɛ 145:10

O Enyɛnpe Ebɔrɛ, fo asɔ to so kikɛ beeŋ kpaŋ fo, nɛ fo basa kikɛ e di fo epaŋ.

Aizaaya 55:9

Kananɛ ebɔrɛso wɔ esoso a chɔ kasawule so na, aloŋ nɛ ma kasheŋwora nɛ nfɛra fɛso chɔ menyi peya.

Zakareya 14:5

Kumo be kaman nɛ men bɔla ketaŋɛ nɛ kebee na baŋɛ to anyɔ n dese n ya fo kakpa nɛ baa tre Azɛl na n shile. Kananɛ men nanaana daŋ shile saŋɛ nɛ kasawule daŋ gbuŋgbuŋ Juda be ewura Uziya be jemanɛ so na gbagba chap nɛ menyi alɛ gba beeŋ shile m mɔlga menyi be amu. Kumo be kaman nɛ Enyɛnpe Ebɔrɛ na nɛ mbe emalaika kikɛ e ba.

Baru lela nɛ Jɔn kute na 15:13

Kasha kama maŋ naa chɔ le be kasha ere fanɛ esa ka beeŋ ta mbe ŋkpa n sa mo teriana.

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

2 Kɔrintebi 13:13

Ebɔrɛ be basa larasoana na kikɛ bee chɔrɔ menyi.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Galeeshaebi 3:13

Ama Kristo sɔ anyi ashi kɔnɔso nɛ mbra na bee bar na to nna n yige. E yili anyi be katelamu to nna n shin nɛ b so mo gbagba kɔnɔ n sa anyi, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ esa kama nɛ baa ta a shiga kedibi so nna.”

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Ɛfesesebi 1:15

Ŋkpal le ere so, baŋ yili saŋɛ nɛ n nu kananɛ men yirda an Nyɛnpe Yesu na nɛ kananɛ menyee sha Ebɔrɛ be basa kikɛ so, m maŋ naŋ yige kebaachɔrɔ Ebɔrɛ ŋkpal menyi so,

Ɛfesesebi 3:19

Kashenteŋto esa ba maaŋ tiŋ m pin mbe kasha na to n ya loge, ama kumo nɛ mee kule mo fanɛ e shin nɛ men ba pin nɛ k tiŋ n shin nɛ Ebɔrɛ e bɔlɔ men be kebaawɔtɔ kikɛ to nyam.

Kɔlɔsiebi 1:4

ŋkpal manɛ so, an nu kananɛ men kraa yirda Yesu Kristo nɛ kananɛ men kraa sha bumo nɛ b la Ebɔrɛ peya kikɛ

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Kelaraŋŋini 3:21

Esa kama nɛ e kɔ m pɔɔ so, meeŋ sa mo ekpa nɛ e tu ma n chena ma kuwurputi so fanɛ kananɛ ŋ kɔ m pɔɔ so nseŋ chena n Tuto kutɔ ashi mbe kuwurputi so na.