Ɛfesesebi 3:14 - EBƆRƐ BE KAWƆL

¹⁴ Amoso nɛ mee gbir Etuto

Ɛfesesebi 3:14 ပူးပေါင်းရင်းမြစ်များ

1 Bewura 19:18

Basa ŋgboŋ ashunu nɛ b maŋ gbir m bunyaŋ kegbir nɛ baa tre Baal na nɛ n yige n sa ma kumu.”

1 Bewura 8:54

Ewura Sɔlɔmɔn ka kule Enyɛnpe Ebɔrɛ n loge, nɛ e niŋito n yili bɔrɛsure nɛ e gbir kumo ase na be anishito

2 Kronikɛls 6:13

Sɔlɔmɔn daŋ wora danyaŋ be ketempreŋ nɛ kumo be nteŋ la ayadra ashunu nɛ bargato nɛ kumo be mparto gba la ayadra ashunu nɛ bargato nɛ kumo be jeŋgreŋ la ayadra anu nna n yili kelɔnɛ na be kowushina be nferinto. E daŋ yuu kusɔ jeŋgreŋ ere nna nseŋ gbir kumo so m maŋ mbe enɔana so esoso, kakpa nɛ ekama beeŋ baa wu mo,

Ɛzra 9:5

Kaaseso be sarga be kelara be jemanɛ ka fo, nɛ n ta kagbenejija nɛ ma asɔ kpɛatoso na loŋ ŋ koso n ya gbir nseŋ maŋ ma enɔana so kabɔrɛkule to ŋ ŋini Enyɛnpe ma Ebɔrɛ na

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Aizaaya 45:23

Ma kɔnɔ naseso la kashenteŋ nna, kumo alɛ maa chɛrga. M bɔ ntaŋ n nase kɔnɔ fanɛ ekama beeŋ ba gbir ma kumuli nseŋ shuŋ ma, Enyɛnpe Ebɔrɛ na.

Danɛl 6:10

Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ.

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Ashuŋ Shunso 20:36

Pɔɔl ka malga n loge nɛ mo nɛ bumo kikɛ gbir ŋ kule Ebɔrɛ.

Ashuŋ Shunso 21:5

Ama anyi be keyige bumo n yɔ be saŋɛ ka ba fo nɛ an lar bumo kutɔ ndoŋ. Bumo kikɛ nɛ bumo be beche nɛ mbia e daŋ shuŋi anyi n lar kadegboŋ na to nɛ an kikɛ ya gbir shishɛr so ashi teku na ase ŋ kule Ebɔrɛ.

Ashuŋ Shunso 7:60

Ndoŋ nna nɛ e gbir nseŋ kaŋɛ awɔrso: “Enyɛnpe, ta bumo be kulubi ere m paŋ bumo.” Kede be kaman nɛ e wu.

Ashuŋ Shunso 9:40

Nɛ Pita shin nɛ bumo kikɛ lar ebu na to nɛ e gbir ŋ kule Ebɔrɛ nseŋ kilgi ŋ kaŋɛ ebuni na: “Tabita, koso!” E ka bugi mbe anishi n wu Pita nɛ e niŋi to n chena.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ɛfesesebi 3:15

nɛ ebɔrɛso nɛ kasawule so be kebɛso be kakurge kikɛ bee nya kumo be ketre ashi mo to na kumuli na.

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.