Ɛfesesebi 3:13 - EBƆRƐ BE KAWƆL

¹³ Amoso, mee kule menyi nna fanɛ men sa maa pɔ aba ŋkpal ŋ ka bee wu tɔrɔ a sa menyi so so, men be kelela so nɛ loŋ be asheŋ bee nya ma.

Ɛfesesebi 3:13 ပူးပေါင်းရင်းမြစ်များ

Zefanaiya 3:16

Jemanɛ ko bee ba nɛ b kaŋɛ Jerusalɛmebi le: ‘Men sa maa ŋana kufu! Menyi alɛ e sa maŋ pɔ aba ŋko a yil chaam ŋkpal kufu so!

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

2 Kɔrintebi 1:6

Nɛ an baŋ ji awurfoŋ, menyi be keleŋto nɛ kumɔlga so so nɛ an ji loŋ be awurfoŋ na. Nɛ an baa nya keleŋto, kumo ere, menyi alɛ gba beeŋ nya loŋ be keleŋto nna na. Kumo alɛ e naa shin nɛ menyee nya eleŋ nɛ men tiŋ n nyiti awurfoŋ koŋwule nɛ anyee ji na.

2 Kɔrintebi 4:1

To, ŋkpal Ebɔrɛ ka wu anyi kuwɔr n sa anyi le be kushuŋ ere so, anyi maa pɔ aba.

Galeeshaebi 6:9

Amoso, men sa maŋ shin nɛ kelela be kewora e baa gben menyi, ŋkpal manɛ so, nɛ an baa maŋ pɔ aba nsaa kɔ to loŋ, kachako anyeeŋ nya kelela be kewora be asɔ.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ditɛronɔmi 20:3

Israɛl be benapo, men nu nfe! Menyee yɔ kena to kabre nna na, ama men sa maŋ kpal men doŋana so a lɔ kufu ŋko a jija kenyɛn ŋko a chicha.

Filipaiebi 2:18

Menyi alɛ gba e shin nɛ men be ŋgbene e baa dese menyi nɛ men tu ma n shin nɛ men be ŋgbene e baa fuli menyi.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

2 Tɛsalɔnikaebi 3:13

Bekurgepoana, men sa maŋ shin nɛ kelela be kewora e baa gben menyi.