Ɛfesesebi 2:8 - EBƆRƐ BE KAWƆL

⁸ Ŋkpal manɛ so, Ebɔrɛ be kuwɔr be kakɛ so e shin nɛ men bɔla yirda so n nya kumɔlga, mannɛ men gbagba be ashuŋ shunso so nɛ men nya kumo. K la Ebɔrɛ be kakɛ nna.

Ɛfesesebi 2:8 ပူးပေါင်းရင်းမြစ်များ

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 20:9

Ndoŋ nna nɛ e shin nɛ bumo nɛ b yɔ kushuŋ na to fanɛ kerfi anu na be ekama ba sɔ lebra be kachɛ koŋwule be kakɔka.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Luuk 7:50

Nɛ Yesu kaŋɛ kache na: “Baa yɔ nɛ kagbenewushi, fo yirda e mɔlga fo.”

Baru lela nɛ Jɔn kute na 3:36

Esa kama nɛ e yirda Ebinyɛn na kɔ ŋkpa nɛ k maŋ kɔ ekar na, ama esa kama nɛ e kini Ebinyɛn na, maaŋ wu ŋkpa na, ama Ebɔrɛ be agbo e naaŋ baa wɔ mo so.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 6:35

Nɛ Yesu kaŋɛ bumo: “Ma e la loŋ be bodobodo nɛ k bee sa ŋkpa na. Ekama nɛ e ba ŋ kutɔ, akoŋ maaŋ pɛ mo kikɛ nɛ ekama nɛ e yirda ma, achukoŋ malɛ maaŋ pɛ mo.

Baru lela nɛ Jɔn kute na 6:37

Esa kama nɛ n Tuto na ta m bɔɔ ma enɔ beeŋ ba ŋ kutɔ nɛ ekama malɛ nɛ e ba ŋ kutɔ, m maaŋ ju mo n lɛ kikɛ.

Baru lela nɛ Jɔn kute na 6:40

Ŋkpal manɛ so, n Tuto be aparsheŋ e la fanɛ esa kama nɛ e wu ma, Nyiŋgbasa Pibinyɛn na nseŋ yirda, amodoŋwura beeŋ nya ŋkpa nɛ k maŋ kɔ ekar na nɛ n tiŋi mo ashi luwu to lalaloge be kachɛ na.”

Baru lela nɛ Jɔn kute na 6:44

Esa kama maaŋ tiŋ m ba ma kutɔ ama Etuto nɛ e shuŋi ma na baŋ bar mo ŋ kutɔ nna, ma alɛ beeŋ tiŋi amodoŋwura ashi luwu to lalaloge be kachɛ na.

Baru lela nɛ Jɔn kute na 6:65

Kumo be kaman nɛ e naŋ kaŋɛ le: “Amoso nɛ n daŋ kaŋɛ menyi fanɛ esa kama maaŋ tiŋ m ba ŋ kutɔ ama Etuto na e naaŋ shin nɛ amodoŋwura na e ba na.”

Ashuŋ Shunso 13:39

Men baa nyi fanɛ ekama nɛ e yirda mo, b sɔ mo ashi kulubi be yiri kikɛ to n yige.

Ashuŋ Shunso 14:27

B ka ba Antiɔk nɛ b shɛr asɔriebi na kikɛ ŋ kaŋɛ bumo asɔ nɛ bumo nɛ Ebɔrɛ wora kikɛ nɛ kananɛ e bugi ekpa n sa nnyamase gba nɛ b yirda.

Ashuŋ Shunso 15:11

Akai, loŋ maŋ nyalɛ. An yirda fanɛ Enyɛnpe Yesu be kuwɔr be kakɛ na so nɛ an nya kumɔlga. Loŋ malɛ e la bumo alɛ gba.”

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 16:31

Nɛ b kaŋɛ mo: “Yirda Enyɛnpe Yesu Kristo nɛ fo nɛ fo laŋ to ebi e nya kumɔlga.”

Romebi 10:14

Ama nuso nɛ baaŋ wora n shu n tre esa nɛ b maŋ yirda? Nɛ nuso malɛ nɛ baaŋ wora n yirda emo nɛ baaŋ shu n tre na nɛ esa pɔtɛ baa maŋ kaŋɛ bumo mbe asheŋ? Ŋko nɛ esa pɔtɛ baa maŋ bɔ kubɔya na n sa bumo, nuso nɛ baaŋ wora n nu?

Romebi 10:17

Amoso, yirda bee shi kubɔya na be kenu to nna nɛ kubɔya na be kenu malɛ bee shi kemalga Kristo na be asheŋ to.

Romebi 4:16

Amoso, yirda e la kɔnɔ naseso be kumu, saŋɛ na so, loŋ be kɔnɔ naseso na beeŋ baa la Ebɔrɛ be kakɛ be tɔɔnɛ a sa Eebraham be kaman to ebi kikɛ, mannɛ bumo nɛ baa bɛ mbra na so nawule na, ama bumo nɛ b yirda Ebɔrɛ fanɛ kananɛ Eebraham daŋ yirda na gba ti so. Ŋkpal manɛ so, Eebraham e la anyi kikɛ be etuto ashi abɔrɛsheŋ be kaplɛa so.

Romebi 4:5

Ama esa nɛ e lara mbe yirda ashi mbe ashuŋ shunso to n lɛ nseŋ ta yirda na n deŋi Ebɔrɛ nɛ e bee shin nɛ alubiworapoana bee ji a lar mbe anishito na so, loŋ be yirda na beeŋ ki alelasheŋ Ebɔrɛ be anishito n sa mo.

Romebi 9:16

Amoso, k maŋ la kusɔ nɛ k bee wora ŋkpal nyiŋgbasa be kusɔ nɛ e bee sha so ŋko mbe ashuŋ shunso so, k la Ebɔrɛ be kuwɔr nna.

Galeeshaebi 3:14

E sɔ anyi nna n yige nɛ nɛfa nɛ Ebɔrɛ ta n sa Eebraham na e bɔla Yesu Kristo so m ba nnyamase so, saŋɛ na so anyeeŋ nya Kiyoyu Cheeŋ nɛ Ebɔrɛ daŋ nase kɔnɔ fanɛ e beeŋ sa na.

Galeeshaebi 3:22

Ama abɔrɛsibɛ na bee kaŋɛ fanɛ durnya kikɛ wɔ alubi be enɔ to nna, amoso, basa nɛ b yirda beeŋ nya kakɛ nɛ Ebɔrɛ nase kɔnɔ fanɛ e beeŋ sa na ŋkpal b ka bee yirda Yesu Kristo so.

Ɛfesesebi 1:19

Kumo be kaman nɛ men naŋ pin mbe eleŋgboŋ nɛ k wɔ anyi nɛ an yirda ere to.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Filipaiebi 1:29

Ŋkpal manɛ so, mannɛ fanɛ Ebɔrɛ sa menyi ekpa nna fanɛ men yirda Kristo na nawule, ama e ta tɔrɔ gba nna n ti yirda na so n sa menyi ŋkpal Kristo koŋwule na so.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.

1 Pita 1:5

Loŋ be enɛfa na la menyi nɛ Ebɔrɛ kpal men be yirda so n ta mbe eleŋ a keni menyi so a jo saŋɛ nɛ kumɔlga beeŋ lar efuli lalaloge be jemanɛ na peya nna.