Ɛfesesebi 2:17 - EBƆRƐ BE KAWƆL

¹⁷ Le be kagbenewushi be baru lela ere nɛ e ba bɔ n sa menyi nɛ men daa maŋ taga mo to na nɛ bumo nɛ b taga mo to na kikɛ.

Ɛfesesebi 2:17 ပူးပေါင်းရင်းမြစ်များ

Nshɛ 148:14

Mo e shin nɛ mbe efuli nya eleŋ, saŋɛ na so, mbe basa, Israɛlebi kikɛ, nɛ bumo be asheŋ wɔ mbe kagbene to na, beeŋ baa kpaŋ mo. Men baa kpaŋ Enyɛnpe Ebɔrɛ na!

Nshɛ 75:1

O Ebɔrɛ, anyee di fo epaŋ, ŋkpal fo ka taga anyi to so! Ekama bee ji eyur nna a malga fo mamachisheŋ be asheŋ.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Aizaaya 27:5

Ama nɛ ma basa bumo doŋana bee sha fanɛ m baa kuŋ bumo bre, b shin nɛ ma nɛ bumo e nya kayurwushi anyi be kefɛato.”

Aizaaya 52:7

K la mamachi be kesheŋ nna fanɛ esa ka beeŋ wu kabɔ ka ta kagbenewushi be baru n shi abee so a gbelge to a ba nɛ e ba sa basa. Kekɔmpɔɔso be kebomboŋ nɛ e bee ber a sa Jerusalɛm to ebi a kaŋɛ le: “Menyi be Ebɔrɛ e la Ewura!”

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Matiu 10:13

Nɛ laŋ na to ebi baŋ daga loŋ be kechɔrɔ, kagbenewushi na beeŋ baa wɔ bumo so. Ama nɛ b baŋ maŋ daga kechɔrɔ na, men naŋ leŋi men be kagbenewushi na be kɔnɔ.

Luuk 15:8

Ŋko eche mo e naaŋ baa kɔ gbiti be ndarbi kudu nɛ kuko e foe nɛ e maaŋ chɔɔ fitila so nseŋ fige mbe ebu ŋ keni kakpa kikɛ nɛnɛ n fin kumo loŋ hale n ya wu kumo?

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Romebi 10:14

Ama nuso nɛ baaŋ wora n shu n tre esa nɛ b maŋ yirda? Nɛ nuso malɛ nɛ baaŋ wora n yirda emo nɛ baaŋ shu n tre na nɛ esa pɔtɛ baa maŋ kaŋɛ bumo mbe asheŋ? Ŋko nɛ esa pɔtɛ baa maŋ bɔ kubɔya na n sa bumo, nuso nɛ baaŋ wora n nu?

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.

Ditɛronɔmi 4:7

Efuligboŋ ŋko kefimbi kikɛ maŋ wɔtɔ a kɔ Ebɔrɛ nɛ e mata bumo nsaa nu bumo be kekule fanɛ kananɛ Enyɛnpe, anyi be Ebɔrɛ na du n sa anyi ere kikɛ. Jemanɛ kama nɛ an kule mo kechɛto, e bee nu anyi be kekule nna.