Ɛfesesebi 2:15 - EBƆRƐ BE KAWƆL

¹⁵ E ta mbe kumu ŋ kpra Juwebi be mbra na nɛ kumo be ntaŋana nɛ loŋ e shin nɛ basa yiri ntuŋ anyɔ na e ba abar so m ba ki basa koŋwule, saŋɛ na so e beeŋ bar kagbenewushi bumo to.

Ɛfesesebi 2:15 ပူးပေါင်းရင်းမြစ်များ

Aizaaya 9:6

Ebɔrɛ sa anyi ebi ko! E sa anyi ebinyɛn! Mo e naŋ baa la anyi be ewura. Baaŋ tre mo Mamachi be asoetojipo, nɛ Ebɔrɛ Lempo nɛ Etuto nɛ e wɔtɔ Mbaanaayɔ nɛ Kayurwushi be Ewurbi.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 3:10

Bumo nɛ b ta bumo be nfɛra n wɔtɔ mbra na be kebɛso na to na wɔ kɔnɔso to nna na, ŋkpal manɛ so, le nɛ abɔrɛsibɛ na bee kaŋɛ: “Ebɔrɛ be kɔnɔso wɔ ekama nɛ e maa bɛ mbra na be kawɔl na so nɛnɛ saŋkikɛ na so nna.”

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Galeeshaebi 6:15

Nɛ esa maŋ kɔ kusholi ŋko e kɔ, k maŋ tir kuraa, kusɔ nɛ k tir e la kebaakɔ kebaawɔtɔ popɔr na.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 2:14

Ŋkpal manɛ so, mo gbagba e la anyi be kagbenewushi nɛ esa nɛ e bee bar anyi basa yiri ntuŋ anyɔ abar so. E jija kebarga to nɛ k daa wɔ anyi nɛ basa be nferinto na, kumo e la kekishi be kebarga to na.

Ɛfesesebi 2:16

Loŋ na basa anyɔ na beeŋ ki basa koŋwule nɛ bumo nɛ Ebɔrɛ malɛ e nyalɛ ŋkpal kedibi largato na so, saŋɛ na so malɛ e beeŋ shin nɛ kebarga to na e loge.

Ɛfesesebi 4:16

Mo to nɛ eyur na kikɛ to m pɛ to kpakpa a wɔ abar so a du fanɛ kananɛ awibichɛkpa nɛ achin bee pɛ esa be eyur a wɔ abar so nɛ mbaana na be kekama bee nya a shuŋ kumo be ashuŋ nɛnɛ na. Nɛ loŋ malɛ baa wora, eyur na bee bɔla kasha be kebaawɔtɔ kikɛ to nna a daŋ a yɔ anishito.

Kɔlɔsiebi 2:14

An kini kewora kusɔ nɛ Ebɔrɛ sibɛ mbe mbra na to na, ama e kplaŋ loŋ be kulubi na so ŋ kpra anyi be kemur nɛ Ebɔrɛ be mbra na kaŋɛ anyi fanɛ anyeeŋ mur na, kumo e la fanɛ Ebɔrɛ ta an be alubi nna n lɛ ŋkpal b ka gbir Yesu Kristo m mata kedibi largato na so so.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 3:10

n nya kebaawɔtɔ popɔr lela nɛ Ebɔrɛ to nsaa wɔtɔ a lɔŋɛ kumo nɛ k ba kaa du fanɛ mo gbagba peya na nɛ men baa pin mo nɛnɛ.

Kɔlɔsiebi 3:11

Loŋ na bumo nɛ b kɔ kebaawɔtɔ popɔr na maaŋ naa kɔ ŋkpɛato a kaŋɛ fanɛ eko la kanyamase nɛ eko malɛ la Juwebi be esa, ŋko ede ku, ede bre maŋ ku kututu, ede la efɔ, ede la edɔtopo, ŋko ede la kenya nɛ ede wɔ mbe kumu. Yesu Kristo na nawule e la bumo be kusɔ kama.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

Hibruwebi 7:16

Mo ere, mannɛ dimɛdi be ekpaana so nɛ e bɔla ŋ ki bɔrɛmatapo, ŋkpa nɛ esa maaŋ tiŋ n jija so nɛ e bɔla ŋ ki.

Hibruwebi 8:13

To, kananɛ e bee tre kɔnɔ naseso ere kusɔ popɔr ere bee ŋini fanɛ e ta sososo peya na nna ŋ ki kedra na. Kusɔ kama malɛ nɛ k chɛr bee dra to nna a maŋ naa chɛr ko nsaa choŋ kuraa.

Hibruwebi 9:23

Asɔ ere la ebɔrɛso be kaduli be asɔ nna nɛ a daga b ka bɔla le be aworbi ere so n fɔr amo so. Ama ebɔrɛso be asɔ bre gbagba, esarga nɛ k chɔ ade peyaana ere nawule e naaŋ tiŋ n fɔr amo so.