Ɛfesesebi 2:13 - EBƆRƐ BE KAWƆL

¹³ Ama naniere ashi Kristo to, menyi nɛ saŋko men daa maŋ taga Ebɔrɛ to na, Ebɔrɛ bɔla Kristo be luwu na so nna n shin nɛ men ba taga mo to.

Ɛfesesebi 2:13 ပူးပေါင်းရင်းမြစ်များ

Nshɛ 22:7

Ekama nɛ e wu ma bee wora ma shia nna. Baa fifi amu nna nsaa tege ma a kaŋɛ:

Nshɛ 73:27

O Enyɛnpe Ebɔrɛ, bekama nɛ b kplaŋ fo so beeŋ mur cheche. Fo alɛ beeŋ mur bekama nɛ b maŋ ji kashenteŋ n sa fo.

Aizaaya 11:10

Jemanɛ ko bee ba nɛ ewura popɔr nɛ e beeŋ shi ewura Deevid be kuwurji be kabuna na e baa la tɔɔnɛ n sa efuliana na. Baaŋ baa gama abar so mbe kuwurade to nsaa sa mo bunyaŋ.

Aizaaya 43:6

Meeŋ kaŋɛ basa nɛ b wɔ kelargato be esoso nɛ bumo nɛ b wɔ kelargato be kaseto na kikɛ fanɛ, b sa menyi, nɛ men la ma basa, ekpa nɛ men baa yɔ! Ma alɛ beeŋ naŋ kaŋɛ bumo fanɛ b shin nɛ men shi efuli pɔtɛana nɛ a wɔ kufɔ kufɔ, nɛ durnya be kaplɛkama m bɛta m ba menyi gbagba be efuli so.

Aizaaya 49:12

Ma basa beeŋ shi kufɔ kufɔ m bɛta m ba epe. Baaŋ shi kelargato be esoso nɛ epeŋitɔrkpa be kaba so, nɛ kebonfu nɛ baa tre Aswan nɛ k wɔ kelargato be kaseto be kaba so na kikɛ m bɛta m ba epe.”

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Aizaaya 60:4

Men keni ŋ kulti kusɔ nɛ k bee wora ere. Menyi be basa bee gama abar so nna nɛ b bɛta m ba epe! Menyi be mbinyɛnsobi beeŋ shi kufɔ, kufɔ m ba, nɛ b keta menyi be mbichesobi enɔ to fanɛ mbibi m ba sa menyi.

Aizaaya 60:9

Teku so be ekuloŋgboŋ nɛ e shi aplasawule wɔfɔ wɔfɔ so nna. Ebɔrɛ be basa nɛ e sulɔ a ba epe. Bumo alɛ keta bumo be shuwa nɛ gbiti nna a ba. Enyɛnpe Israɛl be Ebɔrɛ cheembi na e shin nɛ loŋ wora nɛ mbe basa e nya kemaŋkura. Saŋɛ na so baaŋ baa shuŋ mo nsaa bunyaŋ mo.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Jɛremaya 16:19

Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”

Baru lela nɛ Jɔn kute na 10:16

Ŋ kraa kɔ mbolpɔ ko nɛ a maŋ wɔ mbolpɔ ere to. A daga fanɛ m bar loŋ be mbolpɔ na gba nɛ amo alɛ gba e ba kaa nu ma ebɔl nɛ amo kikɛ e baa la kukoŋwule nsaa kɔ ekpapo koŋwule.

Ashuŋ Shunso 15:14

Naniere nɛ Saimɔn kute kananɛ Ebɔrɛ fara n sha nnyamase na n lara bumo to be basa nɛ baaŋ baa la mo peya.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Ashuŋ Shunso 22:21

Nɛ Enyɛnpe kaŋɛ ma: ‘Lar nɛ n shuŋi fo kufɔ kufɔ nnyamase kutɔ.’ ”

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 5:17

Amoso, nɛ esa kama baa wɔ Kristo na to, kepɔrso popɔr e la mo, asheŋ dra na kikɛ choŋ nɛ asheŋ popɔr ba.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 2:12

Men daa la befɔ nna ashi Israɛl be efuli so ebi to. Menyi alɛ be shɛŋ daa maŋ wɔ nnɔkoŋwule nɛ a wɔ Ebɔrɛ nɛ Israɛlebi be nferinto na to, ŋkpal mbe nnɔ naseso nɛ e nase n sa mbe basa na so. Men daa wɔ durnya ere to nna a maŋ kɔ tama kikɛ, menyi alɛ daa maa ta Ebɔrɛ a wɔtɔ men be asheŋ to.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 2:6

E tiŋi anyi nɛ Kristo nna nseŋ shin nɛ anyi nɛ mo chena ebɔrɛso ashi mo koŋwule Kristo Yesu na to.

Hibruwebi 9:18

To, amoso nɛ sososo be kɔnɔkoŋwule be ŋkre na gba daa maŋ la shɛŋ ama b daŋ ta ŋklaŋ nna n shuŋ kumo be ashuŋ na.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.