Ɛfesesebi 1:9 - EBƆRƐ BE KAWƆL

⁹ nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 1:9 ပူးပေါင်းရင်းမြစ်များ

Nshɛ 33:11

Kusɔ nɛ Enyɛnpe na kre bre wɔtɔ nna mbaanaayɔ. Kusɔ nɛ e yili maa chɛrga kikɛ.

Jɛremaya 2:29

Menyee malga a gbiti ma nna fanɛ m maa mɔlga menyi, ama ma alɛ bee kaŋɛ menyi nna fanɛ menyi e kini ma nseŋ lar ma kaman.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Luuk 12:32

Ma basa, men maŋ shi, ama men sa maa lɔ kufu. Ŋkpal manɛ so, men Tuto be keparso nna nɛ e yili kumo fanɛ e beeŋ ta mbe kuwura na n sa menyi.

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Ashuŋ Shunso 13:48

Nnyamase na ka nu loŋ nɛ bumo be ŋgbene fuli bumo ga nɛ b yɛ Enyɛnpe be kubɔya na wɔ ebel. Nɛ bumo nɛ Ebɔrɛ lara fanɛ b nya Ebɔrɛ be ŋkpa nɛ k maŋ kɔ ekar na ki beyirdapo.

Ashuŋ Shunso 2:23

Ebɔrɛ gbagba be kasha nɛ kashennyi so nɛ e daŋ yili kumo saŋɛ na kikɛ fanɛ baaŋ ta Yesu m bɔɔ menyi enɔ. Menyi shin nɛ basa lubi gbir mo m mata kedibi largato so m mɔ.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

Romebi 11:25

Ŋ kurgepoana, kashenteŋ be wulo ko wɔtɔ nɛ mee sha fanɛ men pin kumo, saŋɛ na so men maaŋ ta menyi be amu fanɛ basa nyiashempo. Kumo nde fanɛ kumu kpakpaso be kebaawɔtɔ nɛ k ba Israɛlebi so na maŋ ba nna nɛ k ba kaa wɔtɔ mbaanaayɔ, kumo be ekar e la saŋɛ nɛ nnyamase nɛ baaŋ nya kumɔlga na kikɛ ya loge nyam.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

Galeeshaebi 1:12

Mannɛ nyiŋgbasa ko kutɔ nɛ n nya kumo ŋko ŋ koya kumo. Yesu Kristo e lara kumo efuli n sa ma.

Galeeshaebi 1:15

Ama ŋkpal Ebɔrɛ be kuwɔr be kakɛ na so e lara ma nseŋ tre ma nna pɔɛŋ gba nɛ b kurge ma nɛ m ba shuŋ mo.

Galeeshaebi 1:16

Mo alɛ ka naŋ yili kumo mbe kagbene to n lara mo Pibinyɛn ŋ ŋini ma nɛ n tiŋ m bɔ baru lela n sa nnyamase, m maŋ yɔ esa kama kutɔ epul na to n ya bishi asheŋ to m pin.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 1:8

Mbe kanyiasheŋ kikɛ to nɛ mbe lakal kikɛ to nɛ e yili kumo loŋ

Ɛfesesebi 3:11

Ebɔrɛ wora loŋ nna ŋkpal mbe kesheŋ naseso nɛ e bɔla an Nyɛnpe Kristo Yesu so n wora dra dra na kikɛ so.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

2 Timoti 1:9

Ebɔrɛ mɔlga anyi nna nseŋ tre anyi fanɛ an ba ki mbe basa ŋkpal kusɔ nɛ mo gbagba yili nɛ mbe kuwɔr be kakɛ so, mannɛ kusɔ nɛ an wora so, Kristo Yesu so nɛ e bɔla n wu anyi kuwɔr pɔɛŋ nɛ kusɔ kikɛ fara dra dra na kikɛ.