Ɛfesesebi 1:8 - EBƆRƐ BE KAWƆL

⁸ Mbe kanyiasheŋ kikɛ to nɛ mbe lakal kikɛ to nɛ e yili kumo loŋ

Ɛfesesebi 1:8 ပူးပေါင်းရင်းမြစ်များ

Nshɛ 104:24

Enyɛnpe Ebɔrɛ, kanyiasheŋ so nɛ fo bɔla n to asɔ damta. Fo asɔ to so nɛ e kɔ ŋkpa sɔ kasawule so kikɛ nna.

Aŋasa 8:12

Ma, kanyiasheŋ, e naa sa asheŋ be kepin to nɛ kenyi nɛ demu be keji nɛ kumo be ekpa so be nfɛra.

Aizaaya 52:13

Ade kikɛ be kaman, nɛ Enyɛnpe Ebɔrɛ kaŋɛ le: “Asheŋ beeŋ nite nɛnɛ n sa ma kenya ashi kusɔ kama nɛ e bee wora to. Mo alɛ beeŋ nya kemaŋkuragboŋ nɛ basa e kpaŋ mo ga.

Matiu 11:19

Nɛ ma alɛ, Nyiŋgbasa Pibinyɛn ba kaa ji nsaa nuu nɛ ekama naa kaŋɛ le: ‘Men keni kanyɛn ere, ajibishapo nɛ nsanuupo nɛ lamposɔpoana nɛ alubiworapoana bumo teri e la mo.’ Ama enyiashempo be asheŋ woraso malɛ e naa ŋini kanyiasheŋ ka kɔ kashenteŋ.”

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

Romebi 5:15

Kashenteŋ nna fanɛ ŋkpal esa koŋwule na be kulubi na so, basa damta wu. Ama le be basa anyɔ ere kɔr abar to, ŋkpal manɛ so, Ebɔrɛ be kagbene koŋwuleso be kakɛ na nɛ Adam be kulubi na kɔr abar to. Ebɔrɛ be kuwɔr be kakɛ na chɔ Adam be kulubi na ga. Loŋ koŋwule na nɛ mbe kagbene koŋwuleso be kakɛ nɛ e bee bɔla esa koŋwule Yesu Kristo be kuwɔr na so a sa basa damta na gba chɔ kumo.

1 Kɔrintebi 2:7

Kanyiasheŋ mo nɛ anyee malga kumo be asheŋ ere la Ebɔrɛ be wulo be kanyiasheŋ nna nɛ k daŋ ŋana basa so. Ama pɔɛŋ nɛ Ebɔrɛ to durnya ere, e yili asheŋ ere nna, saŋɛ na so anyeeŋ tu mo n luri mbe kemaŋkura to.

Ɛfesesebi 1:11

Kusɔ nɛ Ebɔrɛ bee kre nsaa nase so nɛ kusɔ kikɛ bee bɔla a wora. Mo koŋwule Ebɔrɛ na malɛ e nase kumo dra dra na kikɛ fanɛ e beeŋ bɔla Kristo so nna n lara anyi nɛ an ba kaa la mbe basa gbagba.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 1:9

nseŋ naŋ bugi wulo be kesheŋ naseso nɛ e yili fanɛ e beeŋ bɔla Kristo so n shin nɛ loŋ e wora na n sa anyi.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 5:12

nsaa boŋ le awɔrso a kaŋɛ: “Kpakpafɔlbi nɛ b mɔ na e daga nɛ e nya eleŋ nɛ dama nɛ kanyiasheŋ nɛ kuwibi to be eleŋ nɛ bunyaŋ nɛ kemaŋkura nɛ epaŋ be kedi.”