Ɛfesesebi 1:6 - EBƆRƐ BE KAWƆL

⁶ Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ɛfesesebi 1:6 ပူးပေါင်းရင်းမြစ်များ

Nshɛ 22:20

N doŋana du fanɛ njɔnɔ nna. Mɔlga ma nɛ b sa maŋ mɔ ma.

Nshɛ 60:5

Enyɛnpe Ebɔrɛ, nu anyi be kekule nseŋ ta fo enɔ lempo na m mɔlga anyi nɛ an la fo basa shaso na.

Aŋasa 16:4

Enyɛnpe Ebɔrɛ e nyi kusɔ so so nɛ e lɔŋɛ kusɔ kama nɛ e lɔŋɛ; E wora belubiworapo gba nna a jo bumo be kemur be kachɛ.

Aizaaya 42:1

Enyɛnpe Ebɔrɛ na yɛ: “Ma kenya nde, ma e naa sa mo eleŋ. Mo e la esa nɛ n lara, nɛ ma kagbene bee fuli mo so. N ta ma Kiyoyu nna n sa mo, nɛ e bar keji asheŋ nɛ amo be ekpa so ashi efuliana so.

Aizaaya 43:21

B la basa nɛ n to bumo n sa ma kumu nna, nɛ b baa boŋ nshɛ a kpaŋ ma!”

Aizaaya 61:11

Kananɛ esa bee duu kusɔ nɛ k kɔr n daŋ nɛnɛ na, nɛ Enyɛnpetale Ebɔrɛ na gba beeŋ mɔlga mbe basa nseŋ shin nɛ b baa wɔ kebaawɔtɔ niŋiso to; saŋɛ na so efuliana na be basa kikɛ beeŋ baa kpaŋ mo.

Aizaaya 61:3

fɔŋfɔŋ bumo nɛ baa shu nli Jerusalɛm to na. E yɛ, n sa basa kagbenefuli nɛ kagbenewushi; mannɛ kagbenejija damta. E yɛ, n sa bumo kapandi be nshɛ, mannɛ kebɔltofinfin. Baaŋ baa du fanɛ ndibi nɛ Enyɛnpe Ebɔrɛ gbagba duu nna. Bumo kikɛ beeŋ baa wora kusɔ nɛ k daga, nseŋ kpaŋ Ebɔrɛ ŋkpal kusɔ nɛ e wora so.

Jɛremaya 23:6

E kaŋ m ba ji kuwura, Juda be basa kikɛ beeŋ nya bumo be amu nɛ shɛŋ shɛŋ maaŋ naa tɔrɔ bumo nɛ Israɛl be basa e baa wɔ kayurwushi be kebaawɔtɔ to. Le be ewura ere be ketre e naŋ baa la Enyɛnpe Ebɔrɛ e la anyi be Emɔlgapo.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Levitikɔs 15:15

Bɔrɛmatapo na beeŋ ta ekoŋwule n lara kulubi be sarga nseŋ ta kumo nɛ k ka na n lara sarga chɔɔso. Kananɛ e beeŋ wora enyɛn nɛ e nya alenfia na be kenyalɛso be kesheŋ wora nna na.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 20:9

Ndoŋ nna nɛ e shin nɛ bumo nɛ b yɔ kushuŋ na to fanɛ kerfi anu na be ekama ba sɔ lebra be kachɛ koŋwule be kakɔka.

Matiu 3:17

Kumo be kaman nɛ ebɔl shi esoso ŋ kaŋɛ le: “M Pibinyɛn shaso nɛ ma kagbene bee fuli mo so ga nde.”

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Baru lela nɛ Jɔn kute na 10:17

Kusɔ nɛ k ba nɛ n Tuto na bee sha ma na e la fanɛ ŋ ka shuli n ta ma ŋkpa a sa basa nɛ n naŋ bɛta n nya kumo so.

Baru lela nɛ Jɔn kute na 3:35

Amodoŋwura e la Ebinyɛn na nɛ Etuto na malɛ bee sha mo, amoso, e ta kusɔ kama nna m bɔɔ mo enɔ.

Romebi 8:1

Bumo nɛ b wɔ Kristo Yesu to naniere bre, kejimbri be kasogberge maŋ naa wɔ bumo so.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ɛfesesebi 1:14

Kiyoyu Cheeŋ na e la anyi be tɔɔnɛ a sa anyi tama fanɛ anyeeŋ nya kusɔ nɛ Ebɔrɛ nase kɔnɔ fanɛ e beeŋ sa mbe basa na fanɛ bekama nɛ b la mo peya beeŋ nya bumo be amu nsaa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ɛfesesebi 1:18

Ma alɛ nseŋ kraŋ naa kule Ebɔrɛ fanɛ e shin nɛ men bugi men be ŋgbene to n tiŋ m pin tama mo nɛ men nya ŋkpal e ka tre menyi na so to, nseŋ naa pin mamachi be enɛfagboŋ nɛ e nase kɔnɔ fanɛ e beeŋ sa mbe basa na to.

Ɛfesesebi 2:7

E wora loŋ nna nɛ e ŋini jemanɛ kama nɛ k bee ba to ebi fanɛ kananɛ e ta mbe kuwɔr be kakɛgboŋ damtaana nɛ e bɔla mbe kasha so n sa anyi na ŋ kɛ anyi ashi Kristo Yesu to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 3:9

Ama mannɛ fanɛ ŋ gbagba ka bɔla mbra na so a kɔ alelasheŋ Ebɔrɛ be anishito so. M bɔla Kristo so nna n nya alelasheŋ Ebɔrɛ be anishito. Yirda nɛ baa ta a nya amo ashi mo koŋwule na kutɔ.

Filipaiebi 4:19

Ma Ebɔrɛ kɔ dama nɛnɛ, mo alɛ beeŋ bɔla Kristo Yesu so n sa menyi men be asheŋ tirso kikɛ nyam.

Kɔlɔsiebi 1:13

An Tuto na sɔ anyi ashi Setani be tentembiri be kuwurji to n yige nseŋ ta anyi n wɔtɔ mo Pibinyɛn shaso na be kuwurji to.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.