Ɛfesesebi 1:22 - EBƆRƐ BE KAWƆL

²² Ebɔrɛ ta kusɔ kikɛ nna n wɔtɔ mbe enɔ to nseŋ lara mo fanɛ e baa la kusɔ kikɛ be kumu a sa asɔri na.

Ɛfesesebi 1:22 ပူးပေါင်းရင်းမြစ်များ

Jɛnesis 3:15

Ma alɛ beeŋ ta kedoŋ n wɔtɔ fo nɛ eche na be nferinto nseŋ naŋ ta kedoŋ n wɔtɔ fo pibi nɛ eche na be kebia to. Eche na be kebia na beeŋ baa bɛa fo kumu to nɛ fo alɛ e baa duŋ mbe kenaŋkuŋ.”

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Nshɛ 91:13

Feeŋ pɔɔ ebuluŋ lempo so nseŋ chichi awɔ lubi gba so, nɛ e maaŋ tiŋ n wora fo shɛŋ.

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

Ɛfesesebi 3:21

Kemaŋkura koŋwule na e baa la mo peya ashi asɔri na to nɛ Kristo Yesu to jemanɛ kikɛ to naniere hale mbaanaayɔ. Amɛn.

Ɛfesesebi 5:23

Ŋkpal manɛ so, ekul na e la mbe eche be kumu fanɛ kananɛ Kristo la asɔri be kumu nɛ k la mbe eyur nɛ e la kumo be emɔlgapo na.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

Kɔlɔsiebi 1:8

Mo e kaŋɛ anyi kananɛ menyee sha Ebɔrɛ be basa ashi Kiyoyu Cheeŋ na to.

Kɔlɔsiebi 2:10

Ŋkpal menyi nɛ Yesu Kristo nɛ e la eleŋ be yiri kikɛ be enimu na ka ki kukoŋwule so, men kɔ ŋkpa kikɛ.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

1 Timoti 3:15

saŋɛ na so ŋ kaŋ maŋ naŋ tiŋ m ba manaŋ, kawɔl ere beeŋ ŋini fo kebaawɔtɔ nɛ k daga fanɛ anyi nɛ an la Ebɔrɛ be kanaŋ to ebi nɛ baa tre ŋkpa to be Ebɔrɛ be asɔri na ka wora. Asɔri na e kɔ kashenteŋ be keŋini na to nsaa keni kumo so.

Hibruwebi 2:8

nseŋ ta kusɔ kikɛ m bɔɔ mo enɔ.” Kekaŋɛ fanɛ Ebɔrɛ ta kusɔ kikɛ m bɔɔ mo enɔ ere bee ŋini fanɛ shɛŋ shɛŋ maŋ ti asɔ na so. Naniere bre, anyi maŋ naa wu kusɔ kama ka bee nu a sa mo.