Ɛfesesebi 1:17 - EBƆRƐ BE KAWƆL

¹⁷ fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 1:17 ပူးပေါင်းရင်းမြစ်များ

1 Kronikɛls 29:11

Fo kuwurgboŋ nɛ eleŋ nɛ kemaŋkura nɛ kuwurji wɔtɔ nna mbaanaayɔ. Fo e kɔ esoso nɛ kasawule so kikɛ be eleŋ nsaa ji kusɔ kama so kuwura.

Job be kawɔl 42:5

Beko kutɔ nɛ n daŋ nu fo asheŋ, ama naniere bre ŋ gbagba wu fo kenishiso.

Nshɛ 24:10

Wanɛ e la ewura nɛ kemankura kulti ere? Mo e la Enyɛnpetale Ebɔrɛ, elempo na.

Nshɛ 24:7

Men bugi kadegboŋ na be mbuna dra na; nɛ ewura nɛ kemankura kulti mo na e luri to.

Nshɛ 29:3

Enyɛnpe Ebɔrɛ na be ebɔl bee gbri teku so nna fanɛ bɔrɛ ka bee ponte na.

Ɛksodɔs 28:3

Shin nɛ basa nɛ ma ere Ebɔrɛ sa bumo enɔ to be kushuŋ be kenyi na, e lɔŋɛ Ɛɛrɔn be epiŋi na. Kumo be kaman nɛ b ta Ɛɛrɔn m bɔɔ ma Ebɔrɛ enɔ nɛ e shuŋ ma fanɛ bɔrɛmatapo.

Aŋasa 18:15

Enyiashempo kikɛ bela ase nna nɛ e koya asheŋ saŋkama.

Aŋasa 2:5

Fo wora loŋ, kumo ere feeŋ pin kusɔ nɛ k la kabɔrɛŋana nsaa tiŋ a pin Ebɔrɛ be asheŋ to.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Jɛremaya 2:11

Efuli kikɛ so be basa maŋ naŋ chɛrga bumo be agbirana. Bumo be agbirana na maŋ la Ebɔrɛ kashenteŋto gba. Ama ma ere be basa ta ma, Enyɛnpe Ebɔrɛ nɛ m bar bumo kemaŋkura na n chɛr agbirana nɛ a maaŋ tiŋ n wora shɛŋ n sa bumo.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 5:11

Kanyɛn ko wɔ fo kasawule ere so a kɔ agbir cheembi na be kiyoyu mo to. Saŋɛ nɛ fo tuto daa la ewura na, nɛ loŋ be kanyɛn na ŋini fanɛ e kɔ kenyi nɛ nfɛra nɛ kanyiasheŋ fanɛ kananɛ agbirana na kɔ na. Ndoŋ nna nɛ fo tuto ewura Nebukadneeza shin nɛ e ki belejipoana nɛ begba nɛ benyiashempoana kikɛ be ewura.

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 16:17

Nɛ Yesu kaŋɛ mo: “Mbo, Jɔn pibinyɛn Saimɔn, ŋkpal manɛ so, le be kashenteŋ be kamalga ere maŋ shi nyiŋgbasa ko kutɔ nna m ba fo to. N Tuto nɛ e wɔ ebɔrɛso na gbagba kutɔ nɛ k shi.

Matiu 20:33

Nɛ b kaŋɛ mo le: “Enyɛnpe, anyee sha kenaawu nna.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Luuk 12:12

Ŋkpal manɛ so, Kiyoyu Cheeŋ na beeŋ ŋini menyi kusɔ nɛ menyeeŋ kaŋɛ kumo be jemanɛ na gbagba to.”

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Baru lela nɛ Jɔn kute na 14:17

mo e la kashenteŋ be Kiyoyu na, nɛ e ba kaa wɔ menyi kutɔ mbaanaayɔ. Durnya ere to ebi maaŋ tiŋ n sɔ loŋ be Echɛtopo na, ŋkpal manɛ so, b maaŋ tiŋ n wu mo, bumo alɛ maŋ naa nyi mo. Ama menyi ere nyi mo, ŋkpal manɛ so, e beeŋ ba kaa wɔ menyi kutɔ nseŋ naa wɔ menyi be ŋgbeneana to.

Baru lela nɛ Jɔn kute na 14:26

Ama Echɛtopo na, mo e la Kiyoyu Cheeŋ nɛ n Tuto beeŋ shuŋi ma ketre to na kaŋ ba, e beeŋ ŋini menyi kusɔ kama nseŋ nyiŋi menyi asɔ nɛ ŋ kaŋɛ menyi kikɛ.

Baru lela nɛ Jɔn kute na 16:3

Bumo alɛ beeŋ wora loŋ nna ŋkpal b ka maŋ nyi Etuto ŋko ma so.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 20:17

Nɛ Yesu kaŋɛ mo: “Sa maŋ pɛ ma to, ŋkpal manɛ so, m maŋ naŋ bɛta n yɔ esoso Etuto na kutɔ. Ama yɔ n niopibiana na kutɔ n ya kaŋɛ bumo fanɛ mee bɛta nna a yɔ esoso n Tuto nɛ men Tuto nɛ ma Ebɔrɛ nɛ menyi be Ebɔrɛ kutɔ.”

Ashuŋ Shunso 6:10

Ama b daa maŋ tiŋ n ji m bri mo ŋkpal eleŋgboŋ nɛ Kiyoyu Cheeŋ na daŋ sa mo nɛ e malga so.

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Romebi 1:28

Ade malɛ kikɛ be kaman Ebɔrɛ yige bumo be asheŋ nna n sa bumo ŋkpal b ka kini kenyiŋi kashenteŋ be abɔrɛsheŋ na so nɛ b baa wɔtɔ a wora asheŋ nɛ a maŋ daga kikɛ.

Romebi 15:6

Saŋɛ na so menyi kikɛ beeŋ ta ebɔl koŋwule n di Ebɔrɛ an Nyɛnpe Yesu Kristo mo Tuto na epaŋ.

1 Kɔrintebi 12:8

Kiyoyu na bee kaa sa esa ko kanyiasheŋ be kamalga be kakɛ nna ŋkaa sa eko malɛ nfɛra mo nɛ a shi mo gbagba kutɔ nɛ e malga be kakɛ.

1 Kɔrintebi 14:6

Ŋ kurgepoana, nɛ m baŋ ba menyi kutɔ m ba kaa gbar ŋgbar mo nɛ m maa nu ŋkaa maŋ bar menyi kelaraŋŋini ko ŋko kanyiasheŋ ko ŋko kewu abɔrɛsheŋ ŋ kaŋɛ ŋko keŋini ko, mannɛ be tɔnɔ nɛ menyeeŋ nya?

1 Kɔrintebi 2:10

Ebɔrɛ bɔla mbe Kiyoyu so nna n lara asheŋ ere ŋ ŋini anyi. Ebɔrɛ be Kiyoyu na malɛ e naa wu asheŋ to nɛnɛ hale Ebɔrɛ be wulo to be asheŋ.

1 Kɔrintebi 2:8

Basa nɛ b kɔ eleŋ durnya ere to daa maŋ nyi le be kanyiasheŋ ere, ŋkpal manɛ so, nɛ b daa nyi kumo nna, b daa maaŋ gbir an Nyɛnpe mo nɛ e kɔ kemaŋkura na m mata kedibi largato so.

2 Kɔrintebi 12:1

A daga fanɛ m baa puchi hale nɛ k maŋ kɔ tɔnɔ gba. Ama naniere bre meeŋ malga ebɔrɛdareana nɛ kewuŋkaŋɛana nɛ Enyɛnpe sa na be asheŋ.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ɛfesesebi 3:5

Saŋɛ na be esa kikɛ daa maŋ nyi le be wulo be kesheŋ nɛ e bɔla Kiyoyu na to m bugi to ŋ ŋini mbe beshuŋipo cheembiana nɛ mbe anebiana ere.

Ɛfesesebi 4:13

Loŋ na an kikɛ beeŋ baa wɔ abar so ashi anyi be yirda nɛ anyi be kananɛ an nyi Ebɔrɛ Pibinyɛn na loŋ hale nɛ an ya kaa kɔ kebɛso na to be kenimufɛra n duli Kristo gbagba kusɔ kama to.

Filipaiebi 3:15

A daga fanɛ anyi nɛ an kɔ kebɛso ere to be kenimufɛra ere e baa kɔ asheŋ nɛ n teŋ kaŋɛ ere be nfɛra loŋ. Ama nɛ fo kama nɛ fo nfɛra kɔr le be asheŋ ere be ako to, Ebɔrɛ beeŋ bugi amo alɛ gba to n sa fo.

2 Timoti 2:25

a wɔtɔ a yɔɔ mbe kumu nsaa ŋini basa nɛ baa ji mo emɔrɔ asheŋ amo be ekpa so. Nɛ e bee wora loŋ, shere Ebɔrɛ beeŋ bugi ekpa n sa bumo nɛ b tuba m bɛ kashenteŋ be ekpa na so

Taites 1:1

Kawɔl ere shi ma Pɔɔl nɛ n la Ebɔrɛ be kenya nɛ Yesu Kristo be eshuŋipo na kutɔ nna. B shuŋi ma nna nɛ m ba shin nɛ Ebɔrɛ be basa laraso be yirda e wora keshi n ti so nɛ loŋ e shin nɛ b baa kɔ kabɔrɛŋana bumo to nseŋ naa pin kashenteŋ nɛ anyi be kabɔrɛbɛso ere bee ŋini

Jeems 2:1

Ŋ kurgepoana, ŋkpal men ka yirda an Nyɛnpe Yesu Kristo nɛ kemaŋkuragboŋ wɔ mo so na so, men sa maa kɔ ŋkpɛato.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

Kelaraŋŋini 7:12

ŋ kaŋɛ le: “Amɛn. Kapandi nɛ kemaŋkura nɛ kanyiasheŋ nɛ kechɔrɔ nɛ bunyaŋ nɛ eleŋ nɛ kuwibi to be eleŋ e baa la an be Ebɔrɛ na peya mbaanaayɔ. Amɛn.”