Ɛfesesebi 1:15 - EBƆRƐ BE KAWƆL

¹⁵ Ŋkpal le ere so, baŋ yili saŋɛ nɛ n nu kananɛ men yirda an Nyɛnpe Yesu na nɛ kananɛ menyee sha Ebɔrɛ be basa kikɛ so, m maŋ naŋ yige kebaachɔrɔ Ebɔrɛ ŋkpal menyi so,

Ɛfesesebi 1:15 ပူးပေါင်းရင်းမြစ်များ

Nshɛ 16:3

Enyɛnpe Ebɔrɛ fo basa la basa cheembi nna. Ma kagbene beeŋ fuli ma ga fanɛ n ti bumo so.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Ɛfesesebi 1:1

Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ be keparso na kutɔ nna a yɔ menyi, Ebɔrɛ be basa nɛ men wɔ Ɛfeses be kade to a bugi epunto a bɛ Kristo Yesu so na kutɔ.

Ɛfesesebi 3:18

Saŋɛ na so menyi, n ta Ebɔrɛ be basa kikɛ n ti so, beeŋ nya nfɛra m pin kananɛ Ebɔrɛ be kasha wɔ mpar nɛ kananɛ k wɔ nteŋ nɛ kananɛ k du jeŋgreŋ nɛ kananɛ k du chiŋgeliŋ.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 4:9

Kananɛ menyeeŋ baa sha men braana beyirdapo bre maŋ naŋ daga an ka naŋ sibɛ ŋ kaŋɛ menyi kumo be asheŋ. Ebɔrɛ teŋ ŋ ŋini menyi gbagba kananɛ menyeeŋ baa sha abar.

2 Tɛsalɔnikaebi 1:3

Bekurgepoana, a daga an ka bee chɔrɔ Ebɔrɛ saŋkama ŋkpal menyi so. An kɔ ekpa nɛ an chɔrɔ mo ŋkpal kananɛ men be yirda bee wora keshi a ti so so. Kananɛ men be ekama bee sha mo braana na gba bee ti so.

1 Timoti 1:14

An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.

1 Timoti 1:5

Anyi ere be keŋini ere be kumu e la kasha nɛ k shi kagbene cheembi nɛ nfɛra lela nɛ yirda kpakpaso to na nna.

Failimɔn 1:5

Ŋkpal manɛ so, mee nu kasha nɛ yirda nɛ men kɔ a sa Enyɛnpe Yesu nɛ beyirdapoana na kikɛ be asheŋ.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Jɔn 3:17

Ama esa kama nɛ e kɔ durnya ere to be asɔ nseŋ wu fanɛ mo niopibi daga kechɛto, mo alɛ nseŋ ti mbe kagbene a maŋ chɛ mo to, nuso nɛ Ebɔrɛ be kasha bee wora a chena esa na wura to?

1 Jɔn 4:21

To, le be kamalga naseso ere nɛ e ta m bɔɔ anyi enɔ fanɛ, esa kama nɛ e bee sha Ebɔrɛ e baa sha mo niopibi gba.