Ditɛronɔmi 9:3 - EBƆRƐ BE KAWƆL

³ Ama menyi ere beeŋ wu naniere fanɛ Enyɛnpe menyi be Ebɔrɛ na beeŋ juŋkpar menyi fanɛ gbaŋgbaŋ to be edɛ na. E beeŋ pɔɔ bumo so n sa menyi jemanɛ nɛ menyeeŋ baa kɔ bumo na, saŋɛ na so, menyeeŋ mur bumo nseŋ suge bumo be kasawule, fanɛ kananɛ e nase kɔnɔ na.

Ditɛronɔmi 9:3 ပူးပေါင်းရင်းမြစ်များ

Ɛksodɔs 23:23

Nɛ ma malaika na e juŋkpar menyi n yɔ Amɔriebi nɛ Hitebi nɛ Pɛrizebi nɛ Keenanebi nɛ Hivebi nɛ Jebusiebi be nsawule so nɛ m mur bumo kikɛ.

Ɛksodɔs 24:17

Israɛlebi na bre kutɔ, Enyɛnpe Ebɔrɛ be kemaŋkura nɛ k daŋ nyaŋɛ n yuu kebee na so daa du fanɛ edɛgboŋ ko ka bee chɔɔ na.

Aizaaya 27:4

Kumo be kaman, m maŋ naŋ nya agbo n wɔtɔ ndibi sɔrso be kudɔ na. Nɛ fanɛ ewi be yiri yiri kɔr kumo to gba, meeŋ tia amo kikɛ n chɔɔ m mur cheche.

Aizaaya 30:27

Enyɛnpe Ebɔrɛ na be eleŋgboŋ nɛ kemaŋkura shi kufɔ kufɔ a ba. Edɛ nɛ edishi e naa ŋini mbe agbo. E malga nɛ mbe kɔnɔ to be mmalga bee chɔ fanɛ edɛ na.

Aizaaya 30:30

Enyɛnpe Ebɔrɛ na beeŋ shin nɛ ekama e nu mbe ebɔlgboŋ nɛ k kɔ kufu na nɛ mbe agbogboŋ nɛ k du fanɛ edɛ wuloŋ wuloŋ nɛ bɔrɛfugboŋ nɛ abɔrɛjembubi nɛ bɔrɛchu damta na be asheŋ.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Maika 2:13

Meeŋ bugi ekpa n sa ma basa nseŋ juŋkpar bumo n lar kenyaya nɛ b wɔtɔ ashi efuli pɔtɛana so m ba ki bumo be ewura.”

Matiu 15:10

Nɛ Yesu tre jimaŋ na m ba mo kutɔ m ba kaŋɛ bumo: “Men kaŋ kusoe n nu nfe nseŋ pin to.

Maak 7:14

Nɛ Yesu naŋ tre jimaŋ na m ba mo kutɔ m ba kaŋɛ bumo: “Menyi kikɛ e kaŋ kusoe n nu nfe nseŋ pin to.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Ɛfesesebi 5:17

Amoso, men sa maa la bewulpo. Men baa wora ania a pin kusɔ nɛ Enyɛnpe bee sha fanɛ an baa wora.

Ditɛronɔmi 1:30

Enyɛnpe men be Ebɔrɛ na e naaŋ juŋkpar ŋ kɔ n sa menyi, fanɛ kananɛ men wu e ka wora ashi Ijipt be efuli so

Ditɛronɔmi 20:1

Nɛ men kaŋ yɔ nɛ men ya kɔ men doŋana kena nseŋ wu fanɛ bumo be egbaŋɛ nɛ egbaŋɛturko nɛ benapo shi a chɔ menyeya, men sa maa ŋana bumo. Ŋkpal manɛ so, Enyɛnpe menyi be Ebɔrɛ nɛ e kɔ n suge menyi ashi Ijipt be efuli so na beeŋ chɛ menyi to ŋ kɔ.

Ditɛronɔmi 20:4

Menyi nɛ Enyɛnpe menyi be Ebɔrɛ na e naa yɔ kena na to; mo alɛ beeŋ shin nɛ men kɔ m pɔɔ so.

Ditɛronɔmi 4:24

ŋkpal manɛ so, Enyɛnpe, menyi be Ebɔrɛ na beeŋ tiŋ a du fanɛ edɛ nɛ k bee ji a mur. E la Ebɔrɛ nɛ e maa sha kechamana nna.

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Ditɛronɔmi 7:22

Saŋɛ nɛ menyee kɔ a yɔ anishito na, Enyɛnpe Ebɔrɛ na malɛ beeŋ baa tintiŋ efuliana na be basa a lar kasawule na so gbrɛgbrɛbi. E maaŋ shin nɛ men mur bumo kikɛ kela koŋwule, ŋkpal manɛ so, nɛ men mur bumo kikɛ epul to, kupuŋ to be asɔbɔya lubi beeŋ wora keshi ŋ ki kabɔlar n sa menyi.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.

2 Tɛsalɔnikaebi 1:8

m ba gberge basa nɛ b maŋ nyi Ebɔrɛ nɛ bumo nɛ b maa bɛ an Nyɛnpe Yesu be baru lela na so kusoe.

Hibruwebi 12:29

Ŋkpal manɛ so, anyi be Ebɔrɛ na du fanɛ edɛ chɔɔso nna a mur basa.

Joshuwa 11:12

Joshuwa daŋ kɔ m pɔɔ nde na kikɛ nɛ amo be bewura so nna nseŋ mɔ basa nɛ b wɔ amo to kikɛ fanɛ kananɛ Enyɛnpe Ebɔrɛ be kayɛrbi Mosis daŋ kaŋɛ mo fanɛ e wora na.

Joshuwa 11:8

Nɛ Enyɛnpe Ebɔrɛ ta bumo m bɔɔ Israɛlebi na enɔ nseŋ shin nɛ b pɔɔ bumo so n ju m buu bumo so ŋ kɔ bumo n ya fo Misrefɔf Mayim nɛ Sidɔn ashi kelargato be esoso be kaba so, n ta loŋ n ya fo Mispa be ketaŋɛ nɛ k wɔ epeŋilarkpa na, m mɔ bumo kikɛ.

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Joshuwa 3:11

Enyɛnpe nɛ e la durnya kikɛ be Ebɔrɛ na be ŋkre be deka na beeŋ juŋkpar menyi n yuu Jɔɔdan be lɔr na to.

Joshuwa 3:14

Basa na ka lar bumo be keeyi to nɛ b ya dii Jɔɔdan be lɔr na, nɛ bɔrɛmatapoana na sulɔ Enyɛnpe Ebɔrɛ be ŋkre be deka na n juŋkpar bumo.

Demujipoana 4:14

Ndoŋ nna nɛ Dɛbora kaŋɛ Barak le: “Yɔ! Enyɛnpe Ebɔrɛ na e naa juŋkpar fo! E teŋ pɔɔ Sisɛra so n sa fo kabre.” Ndoŋ nna nɛ Barak juŋkpar nɛ mbe benapo ŋgboŋ kudu na gbelge kebee nɛ baa tre Tabɔɔ na so n yɔ.