Ditɛronɔmi 9:29 - EBƆRƐ BE KAWƆL

²⁹ Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”

Ditɛronɔmi 9:29 ပူးပေါင်းရင်းမြစ်များ

1 Bewura 8:15

Le nɛ e daŋ kaŋɛ: “Kapandi e baa la Enyɛnpe Ebɔrɛ Israɛl be Ebɔrɛ na peya! Mo e daŋ shin nɛ mbe nnɔ naseso bɔlɔ so n sa n tuto ewura Deevid nseŋ kaŋɛ mo le:

1 Bewura 8:51

Fo basa gbagba e la bumo nɛ b daa ji awurfoŋ ga nɛ fo lara bumo ashi Ijipt be kasawule so na.

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 100:3

Men baa nyi fanɛ Enyɛnpe na e la Ebɔrɛ! Mo e to anyi nɛ an la mbe basa; an du fanɛ mbe mbolpɔ nna nɛ e bee keni so.

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 136:12

Mbe eleŋgboŋ nɛ enɔ lempo so nɛ e bɔla so n lara bumo ashi Ijipt be efuli so; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Nshɛ 77:15

Fo eleŋgboŋ na nɛ fo ta m mɔlga fo basa nɛ b la Jeekɔb nɛ Josɛf be kaman to ebi na.

Nshɛ 95:7

Mo e la anyi be Ebɔrɛ, nɛ anyi alɛ la mbe basa. An du fanɛ mbe mbolpɔ nɛ e bee keni so nna. Men baŋ nu mbe ebɔl kabre,

Ɛksodɔs 19:5

Amoso naniere nɛ men baŋ wora kasonu cheche n sa ma nseŋ bɛ ma kɔnɔkoŋwule be ŋkre na so bre, menyeeŋ baa kraa la ma basa gbagba nɛ mee sha ga ashi basa kikɛ to na. Kasawule ere kikɛ la meya nna.

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 63:19

Naniere fee wora anyi nna fanɛ fo ka maŋ naŋ ji kuwura anyi so ŋ ku so ŋko an ka daa maŋ la fo basa ŋ ku so na.

Aizaaya 64:8

Ama fo, Enyɛnpe Ebɔrɛ na e la an tuto. Anyi ere du fanɛ ebɔ nna nɛ fo alɛ du fanɛ mba nɛ mpuliya be epɔrpo. Fo e to anyi,

Jɛremaya 27:5

mo gbagba be eleŋgboŋ so nɛ e to durnya nɛ edimɛdi nɛ kasawule so be asɔbɔya kikɛ nsaa lara esa nɛ e beeŋ ji amo kikɛ so kuwura.

Ditɛronɔmi 32:9

E lara Jeekɔb be kenana bre nna n sa mbe kumu.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 4:34

Kegbir ko malɛ daŋ ber kagbene fanɛ k beeŋ ya lara basa ko ashi efuli ko so m ba ki kumo gbagba be basa fanɛ kananɛ Enyɛnpe Ebɔrɛ na wora ashi Ijipt be efuli so na a? Menyi gbagba be anishito nɛ Enyɛnpe Ebɔrɛ na bɔla mbe yukugboŋ nɛ eleŋ so n shin nɛ alɔ mɔso nɛ kena nɛ emamachisheŋ be yiri yiri wora nseŋ naŋ shin nɛ asheŋ nɛ a bee keta kufu wora nɛ men wu amo.

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.