Ditɛronɔmi 9:27 - EBƆRƐ BE KAWƆL

²⁷ Baa nyiŋi Eebraham nɛ Aizek nɛ Jeekɔb nɛ b daa la fo nyɛrbi dra dra na be asheŋ, nsaa maŋ keni basa ere be ŋkpensheŋ nɛ kumukpakpaso nɛ kulubi nɛ b wora.

Ditɛronɔmi 9:27 ပူးပေါင်းရင်းမြစ်များ

Jɛnesis 19:29

Ebɔrɛ malɛ ka daŋ mur ketaŋɛ to be nde na nɛ e nyiŋi Eebraham nseŋ lara Lɔt ashi kemur be tɔrɔ nɛ e daŋ ta n lɛ nde nɛ Lɔt daa wɔ amo be kuko to na to.

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Ɛksodɔs 13:5

Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Aŋasa 21:12

Ebɔrɛ nɛ e niŋi na, nyi kusɔ nɛ k bee wora belubiworapoana pe. Mo alɛ e naŋ bar bumo kaseto.

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Jɛremaya 50:20

Loŋ be jemanɛ na kaŋ fo, kulubi kikɛ maaŋ naa wɔ Israɛl be efuli so, nɛ kumu kpakpaso kikɛ malɛ maaŋ naa wɔ Juda be efuli so. Ŋkpal manɛ so, meeŋ ta basa nɛ n yige bumo nɛ b ji efute na be alubi m paŋ bumo. Ma, Enyɛnpe Ebɔrɛ e kaŋɛ na.”

Levitikɔs 26:42

meeŋ nyiŋi ma nɛ Jeekɔb nɛ Aizek nɛ Eebraham be kɔnɔkoŋwule be ŋkre na nseŋ naŋ tiŋi ma kɔnɔ nɛ n nase fanɛ meeŋ sa ma basa kasawule na to.

Levitikɔs 26:45

Meeŋ tiŋi kɔnɔkoŋwule be ŋkre nɛ ma nɛ bumo nanaana daŋ kre jemanɛ nɛ n daŋ lara ma basa ashi Ijipt be efuli so m ba nɛ efuliana na kikɛ wu ma eleŋgboŋ na to. Ma, Enyɛnpe Ebɔrɛ na beeŋ baa la bumo be Ebɔrɛ.”

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

Ditɛronɔmi 9:28

Nɛ fo mur bumo, Ijiptebi na beeŋ kaŋɛ fanɛ fo maŋ tiŋ n ta fo basa na n yɔ kasawule nɛ fo nase bumo kumo be kɔnɔ na so nna nseŋ ya mɔ bumo keshishɛrsawule so ŋkpal fo ka kishi bumo so.

1 Samuɛl 25:25

Jande sa maŋ kaŋ nu n sa Nabaal, esa jiga na. Mbe ketre na be kifito e la ewulpo! Nɛ mo alɛ be asheŋ woraso nɛ mbe ketre na duli abar. Ma ere daa maŋ wɔtɔ nna nɛ fo nyɛrbi na ba.