Ditɛronɔmi 9:26 - EBƆRƐ BE KAWƆL

²⁶ Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

Ditɛronɔmi 9:26 ပူးပေါင်းရင်းမြစ်များ

2 Samuɛl 7:23

Efuli pɔtɛana so ebi kikɛ malɛ maŋ naa wɔtɔ a du fanɛ Israɛl be efuli so ebi nɛ fo lara kenyaya to ashi Ijipt be efuli so nseŋ ta bumo ŋ ki fo gbagba be basa ere so. Fo asheŋ tumase damta nɛ fo wora nɛ fo ketre dii na so e shin nɛ efuli pɔtɛana kikɛ ta bumo agbirana n shile efuliana na so, saŋɛ na so, fo basa beeŋ sɔ ndoŋ n chena.

1 Bewura 8:51

Fo basa gbagba e la bumo nɛ b daa ji awurfoŋ ga nɛ fo lara bumo ashi Ijipt be kasawule so na.

1 Bewura 8:53

Fo ka lara an nananyɛnana ashi Ijipt be kasawule so na, nɛ fo kaŋɛ fo kayɛrbi Mosis fanɛ durnya ere kikɛ to, Israɛlebi nɛ fo lara fanɛ b baa la fo basa.”

Nehemaya 1:10

Enyɛnpe Ebɔrɛ, fo nyɛrbi nɛ fo gbagba be basa nna na. Ŋkpal manɛ so, fo gbagba be eleŋgboŋ nɛ fo ta m mɔlga bumo nɛ b baa la fo basa.

Nshɛ 106:23

Ebɔrɛ daŋ nya agbo nna ŋ kaŋɛ fanɛ e beeŋ mur mbe basa na; ama Mosis nɛ e lara nɛ e baa la mbe kayɛrbi na, e mata mo nɛ e maŋ naŋ mur bumo.

Nshɛ 107:2

Basa kama nɛ Enyɛnpe Ebɔrɛ mɔlga bumo ashi bumo doŋana be enɔ to na e kpaŋ mo.

Nshɛ 28:9

Enyɛnpe Ebɔrɛ, mɔlga fo basa; nɛfa fo basa laraso. Baa keni bumo so fanɛ kananɛ mbolpɔkpapo bee keni mbe mbɔlpo so na mbanaayɔ na.

Nshɛ 57:1

Enyɛnpe Ebɔrɛ, jande wu ma kuwɔr. Wu ma kuwɔr, ŋkpal manɛ so fo kutɔ nɛ mee nya kekuŋ. Fo aba to nɛ mee shile a ŋana nɛ kenishipere e choŋ pɔɛŋ nɛ n lar.

Nshɛ 77:15

Fo eleŋgboŋ na nɛ fo ta m mɔlga fo basa nɛ b la Jeekɔb nɛ Josɛf be kaman to ebi na.

Nshɛ 78:35

B daŋ nyiŋi fanɛ Ebɔrɛ la bumo be ekumpo nna, nseŋ daŋ naŋ nyiŋi fanɛ Enyɛnpetale Ebɔrɛ e la bumo be emɔlgapo.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 33:13

To, nɛ ma shɛŋ bee par fo bre, ŋini ma fo ekpaana nɛ m pin fo nfɛra, nsaa shuŋ fo a wora fo aparsheŋ. Baa nyiŋi fanɛ fo gbagba e lara basa ere nɛ b la feya.”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Aizaaya 44:23

Men kaŋɛ esoso nɛ kasawule kikɛ fanɛ a fara a boŋ nshɛ! Men naŋ kaŋɛ abee nɛ kupo to be ndibi kikɛ fanɛ amo alɛ gba e baa shuli nshɛ na so! Enyɛnpe Ebɔrɛ na mɔlga mbe basa Israɛlebi, n shin nɛ mbe kemaŋkura dii efuli ashi Israɛl be efuli so.

Aizaaya 63:19

Naniere fee wora anyi nna fanɛ fo ka maŋ naŋ ji kuwura anyi so ŋ ku so ŋko an ka daa maŋ la fo basa ŋ ku so na.

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Maika 6:4

Ma e lara menyi nseŋ mɔlga menyi ashi kenyaya to ashi Ijipt be efuli so. Mosis nɛ Ɛɛrɔn nɛ Miriam nɛ n daŋ shuŋi fanɛ b ya juŋkpar menyi n lar ndoŋ.

Ditɛronɔmi 13:5

Kumo be kaman nɛ men mɔ basa nɛ baa kute edare be afito ŋko anebiana nɛ baŋ kaŋɛ menyi fanɛ men lar Enyɛnpe Ebɔrɛ nɛ e lara menyi kenyaya to ashi Ijipt be efuli so kaman na. Le be basa ere la basa lubi nna nsaa wora ania nɛ b lara menyi kebaawɔtɔ nɛ Enyɛnpe Ebɔrɛ na kaŋɛ fanɛ men baa kɔ na to. A daga fanɛ men mɔ bumo, saŋɛ na so menyeeŋ lara kulubi ere ashi menyi to.

Ditɛronɔmi 15:15

Men baa nyiŋi fanɛ menyi alɛ gba daa la anya nna ashi Ijipt be efuli so nɛ Enyɛnpe menyi be Ebɔrɛ na sɔ menyi n yige. Amoso nɛ mee ta mbra ere a sa menyi na.

Ditɛronɔmi 21:8

Amoso, Enyɛnpe Ebɔrɛ, ta m paŋ fo basa Israɛlebi nɛ fo kɔ n suge ashi Ijipt be efuli so na. Ta m paŋ anyi nsaa maŋ shin nɛ esa nɛ b mɔ ere be luwu be kulubi a baa bɛ anyi.”

Ditɛronɔmi 32:9

E lara Jeekɔb be kenana bre nna n sa mbe kumu.

Ditɛronɔmi 7:8

Ama Enyɛnpe Ebɔrɛ na lara menyi ŋkpal e ka bee sha menyi so nɛ ŋkpal e ka bee sha kewora m bɔlɔ mbe kɔnɔ naseso nɛ e nase n sa men nananyɛnana na so. Amoso nɛ e bɔla mbe eleŋgboŋ so n sɔ menyi n yige kenyaya to ashi Ijipt be efuli so na.

Ditɛronɔmi 9:12

Kumo be kaman nɛ Enyɛnpe Ebɔrɛ na kaŋɛ ma le: “Nya manaŋ ŋ gbelge kebeegboŋ na so n yɔ, ŋkpal manɛ so, basa nɛ fo juŋkpar n lar Ijipt be efuli so na ki basa jiga nseŋ wora kulubi. B teŋ kplaŋ kusɔ nɛ ŋ kaŋɛ bumo fanɛ b baa wora na so nseŋ lɔŋɛ kegbir n sa bumo be amu.”

Ditɛronɔmi 9:27

Baa nyiŋi Eebraham nɛ Aizek nɛ Jeekɔb nɛ b daa la fo nyɛrbi dra dra na be asheŋ, nsaa maŋ keni basa ere be ŋkpensheŋ nɛ kumukpakpaso nɛ kulubi nɛ b wora.

Ditɛronɔmi 9:29

Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 9:12

E ka daŋ luri lambu na to kela koŋwule pati na, mannɛ mboe nɛ anabi be ŋklaŋ nɛ e daŋ ta n luri ndoŋ. Mo gbagba be ŋklaŋ nɛ e daŋ ta n luri acheembiana to be kakpa cheembi na to n ya nya kesɔnyige be kebaawɔtɔ nɛ k maŋ kɔ ekar na n sa anyi.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.

1 Samuɛl 7:9

Ndoŋ nna nɛ Samuɛl mɔ kubɔlpobi n ta kumo kikɛ n chɔɔ n lara sarga n sa Enyɛnpe Ebɔrɛ fanɛ e chɛ Israɛlebi to. Nɛ Enyɛnpe Ebɔrɛ nu mbe kabɔrɛkule na.