Ditɛronɔmi 9:2 - EBƆRƐ BE KAWƆL

² Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.

Ditɛronɔmi 9:2 ပူးပေါင်းရင်းမြစ်များ

Job be kawɔl 11:10

Nɛ fanɛ Ebɔrɛ ti fo ebu ŋko n yɛr fo demujikpa, manɛ nɛ feeŋ tiŋ n wora mo?

Ɛksodɔs 9:11

Ŋkpal loŋ be alɔbi na ka daŋ pɛ ŋkilgiwuraana na gba so b daa maŋ naŋ tiŋ n yili Mosis be anishito.

Danɛl 11:16

Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Danɛl 8:4

Nɛ kpakpa na yeŋ to a tɛto a yɔ epeŋitɔrkpa nɛ kelargato be esoso nɛ kelargato be kaseto be mba so. Kusɔbɔya malɛ kikɛ maŋ tiŋ n yili n tu kumo ŋ kɔ m pɔɔ kumo so. Amoso kumo be kepar nɛ k daa wora nsaa nya eleŋ ga a ti so.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 13:28

Ama basa nɛ b wɔ ndoŋ na kɔ eleŋ ga nseŋ pɔr egbal ŋ kulti ndegboŋ nɛ a wɔ ndoŋ na kikɛ nɛnɛ. An wu Anak be kanaŋ to be basa tenteŋ gboŋgboŋi lempoana gba ndoŋ.

Nɔmbɛs 13:33

An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:21

Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Ditɛronɔmi 7:24

Mo alɛ beeŋ naŋ sa menyi yuku bumo be bewura so nɛ men mɔ bumo nɛ esa maaŋ naa nyiŋi bumo be asheŋ gba kuraa. Esa kama maaŋ tiŋ ŋ kuŋ menyi be kemur bumo akpa.

Joshuwa 11:21

Loŋ be jemanɛ na so nɛ Joshuwa ya kɔ nseŋ mur basa tenteŋ gboŋgboŋi nɛ baa tre Anakebi nɛ b wɔ abee so ashi Hibrɔn nɛ Debir nɛ Anaab nɛ Juda be abee be fuliso kikɛ ashi Israɛl be kasawule so. Joshuwa daŋ kɔ mur bumo nɛ bumo be nde kikɛ nna.

Joshuwa 11:22

Anakebi na be ekama daa maŋ naa wɔ Israɛl be efuli so. Gaaza nɛ Gaaf nɛ Ashdɔd nawule nɛ beko daa wɔ.

Joshuwa 15:14

Ndoŋ nna nɛ Kalɛb ju Anak be kaman to ebi na ashi Hibrɔn be kade to. Bumo e daa la Shishai nɛ Ahiman nɛ Talmai be mbuna na.