Ditɛronɔmi 9:19 - EBƆRƐ BE KAWƆL

¹⁹ N daa ŋana Enyɛnpe Ebɔrɛ na be agbogboŋ nna, ŋkpal manɛ so, e daŋ nya agbo nna ga hale n daa sha kemur bumo. Ama Enyɛnpe Ebɔrɛ na naŋ nu ma kekule.

Ditɛronɔmi 9:19 ပူးပေါင်းရင်းမြစ်များ

Nshɛ 106:19

B ka ya fo kebee nɛ baa tre Sainai na ase, b daŋ ta shuwa nna n lɔŋɛ gbolu fɔlbi nna a bunyaŋ kumo.

Nshɛ 106:23

Ebɔrɛ daŋ nya agbo nna ŋ kaŋɛ fanɛ e beeŋ mur mbe basa na; ama Mosis nɛ e lara nɛ e baa la mbe kayɛrbi na, e mata mo nɛ e maŋ naŋ mur bumo.

Nshɛ 78:59

Ŋkpal kusɔ nɛ b wora na so, Ebɔrɛ daŋ nya agbo nna nseŋ kini Israɛl be basa na n lɛ.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 32:14

Ndoŋ nna nɛ Enyɛnpe Ebɔrɛ chɛrga mbe nfɛra nsaa maŋ naŋ bar tɔrɔ na bumo so.

Ɛksodɔs 33:17

Ndoŋ nna nɛ Enyɛnpe Ebɔrɛ kaŋɛ Mosis: “Ŋkpal ŋ ka nyi fo nɛnɛ nɛ fo asheŋ malɛ bee par ma so, meeŋ wora kusɔ nɛ fo kaŋɛ na gbagba chap.”

Ɛksodɔs 34:10

Ndoŋ nna nɛ Enyɛnpe Ebɔrɛ kaŋɛ Mosis: “Naniere ma nɛ Israɛlebi wora kɔnɔkoŋwule be ŋkre, ma alɛ beeŋ wora asheŋgboŋ nɛ a maŋ naŋ wora basa kama to ashi durnya to kikɛ bumo be anishito. Efuliana nɛ a kulti menyi na be basa beeŋ wu asheŋ tumase nɛ a bee keta kufu nɛ ma, Enyɛnpe Ebɔrɛ na beeŋ wora n sa menyi.

Nɔmbɛs 11:2

Ndoŋ nna nɛ basa na shu ŋ ŋini Mosis fanɛ e chɛ bumo to, nɛ e kule Enyɛnpe Ebɔrɛ nɛ edɛ na duŋ.

Ditɛronɔmi 10:10

Jemanɛ nɛ n naŋ ta ajembu peŋgeleŋ peŋgelembi popɔr anyɔ na n dii kebee na so na, nchɛ adena nɛ nnyɛ adena nɛ n naŋ ji ndoŋ fanɛ kananɛ n daŋ keji ndoŋ na. Ndoŋ nna nɛ Enyɛnpe Ebɔrɛ na naŋ nu ma kekule nseŋ shuli fanɛ e maaŋ mur bumo.

Ditɛronɔmi 11:17

Nɛ men wora loŋ, Enyɛnpe Ebɔrɛ na beeŋ nya agbo n wɔtɔ menyi nseŋ pɛ bɔrɛ nɛ menyi be adɔsawule e wɔl nɛ menyi be adɔjibi e wora ŋ gben. Kumo be kaman k maŋ chɛr nɛ menyi gbagba e wu m mur kasawule lela nɛ Enyɛnpe Ebɔrɛ na bee sa menyi na so.

Ditɛronɔmi 9:20

Kumo be kaman, Enyɛnpe Ebɔrɛ na daŋ nya agbo ga nna n wɔtɔ Ɛɛrɔn gba nseŋ daa sha kemɔ mo nɛ ŋ kule n sa mo alɛ gba.

Ditɛronɔmi 9:8

Men daŋ shin nɛ e nya agbo hale n daa sha kemur menyi gba kuraa nna ashi Sainai be kebeegboŋ na ase.

Hibruwebi 12:21

Kashenteŋto, kakpa na kikɛ daŋ ba ki kanaŋ ko nna hale nɛ Mosis gba kaŋɛ: “Kufu pɛ ma nna nɛ mee chicha.”