Ditɛronɔmi 9:18 - EBƆRƐ BE KAWƆL

¹⁸ Ndoŋ nna nɛ n ta enɔ m buu anishi so ŋ kurgi kumu n yuu to nseŋ kule Enyɛnpe Ebɔrɛ na. Nchɛ adena nɛ nnyɛ adena nɛ m maa ji ŋko a nuu. Ma alɛ daŋ wora le nna ŋkpal men nananyɛnana ka wora kulubi n da Enyɛnpe Ebɔrɛ na so nɛ e nya agbo na so.

Ditɛronɔmi 9:18 ပူးပေါင်းရင်းမြစ်များ

2 Samuɛl 12:16

Nɛ ewura Deevid kule Ebɔrɛ a fin fanɛ kebia na e nya alenfia. E daa kishi nna a kule Ebɔrɛ nsaa dese kasawule kanyɛso kikɛ.

1 Bewura 19:8

Nɛ anebi Elaija koso n ji nseŋ nuu nchu nɛ ajibi na sa mo eleŋ nɛ e nite nchɛ adena kikɛ hale n yɔ kebee cheembi nɛ baa tre Sainai na.

Ɛzra 10:6

Kumo be kaman nɛ e lar bɔrɛlambu na to n yɔ Eliyashib pibinyɛn, Jehohanan, be ebu to n ya ka wɔ ekishi to. Ajibi nɛ nchu daa maŋ beta mbe kɔnɔ, ŋkpal basa na ka maŋ ji kashenteŋ n sa Ebɔrɛ na so.

Nshɛ 106:23

Ebɔrɛ daŋ nya agbo nna ŋ kaŋɛ fanɛ e beeŋ mur mbe basa na; ama Mosis nɛ e lara nɛ e baa la mbe kayɛrbi na, e mata mo nɛ e maŋ naŋ mur bumo.

Ɛksodɔs 34:28

Nchɛ adena nɛ nnyɛ adena nɛ Mosis daŋ ta a wɔ Enyɛnpetale Ebɔrɛ na kutɔ nsaa maa ji ŋko a nuu. Loŋ be saŋɛ nɛ Enyɛnpe Ebɔrɛ daŋ sibɛ kɔnɔkoŋwule be ŋkre be mmalga na n deŋi ajembu pantraŋ pantrambi anyɔ na so. Amo e la mbra kudu na.

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Ditɛronɔmi 10:10

Jemanɛ nɛ n naŋ ta ajembu peŋgeleŋ peŋgelembi popɔr anyɔ na n dii kebee na so na, nchɛ adena nɛ nnyɛ adena nɛ n naŋ ji ndoŋ fanɛ kananɛ n daŋ keji ndoŋ na. Ndoŋ nna nɛ Enyɛnpe Ebɔrɛ na naŋ nu ma kekule nseŋ shuli fanɛ e maaŋ mur bumo.

Ditɛronɔmi 9:17

Amoso Israɛl be basa na gbagba be anishito nɛ n daŋ ta ajembu peŋgeleŋ peŋgelembi anyɔ na n lɛ nɛ a bure to.

Ditɛronɔmi 9:25

Amoso nɛ n daŋ buu anishi so nseŋ kurgi kumu n yuu to ashi Enyɛnpe be wajɛbu na to nchɛ adena nɛ nnyɛ adena a kule Ebɔrɛ na, ŋkpal manɛ so, n daa nyi geeŋ fanɛ e daa kre kemur bumo nna.

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.