Ditɛronɔmi 9:13 - EBƆRƐ BE KAWƆL

¹³ Kede be kaman, nɛ Enyɛnpe Ebɔrɛ na naŋ kaŋɛ ma le: “N nyi kananɛ Israɛl be basa ere kpeŋ nsaa beeŋ tiŋ n lar ma kaman.

Ditɛronɔmi 9:13 ပူးပေါင်းရင်းမြစ်များ

Jɛnesis 11:5

Ndoŋ nna nɛ Enyɛnpe Ebɔrɛ ba wu kadegboŋ na nɛ ketempreŋ jeŋgreŋ nɛ basa na daa pɔr na

Jɛnesis 18:21

Amoso nɛ mee yɔ nɛ n ya keni fanɛ asheŋ nɛ b yɛ baa wora na kikɛ la kashenteŋ nna a. Saŋɛ na so meeŋ pin kusɔ nɛ k wɔtɔ.”

2 Bewura 17:14

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.

Nshɛ 50:7

Ma basa, men nu. Israɛlebi, menyi be Ebɔrɛ na bee ji demu nna a gbiti menyi.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 7:11

Menyee tama fanɛ ma bɔrɛlambu la beyu be eŋanakpa nna a? Mee wu kusɔ nɛ menyee wora na kikɛ.

Hoziya 6:10

N wu asheŋ nɛ a maŋ walɛ kekeni ashi Israɛl be efuli so kikɛ. Ma basa ta bumo be amu n wɔtɔ eyurpi to ŋkpal b ka bee shuŋ agbir so.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ditɛronɔmi 10:16

Amoso yili kabre a yɔ, men baa wora Enyɛnpe Ebɔrɛ na kasonu nseŋ yige menyi be ŋkpensheŋ na.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Ditɛronɔmi 9:6

A daga men baa nyi fanɛ Enyɛnpe menyi be Ebɔrɛ na maa ta kasawule lela nɛ k bee wora adɔjibi ga na nna a sa menyi ŋkpal k ka daga menyi so. Mannɛ aloŋ nna, ŋkpal manɛ so, men kpeŋ nna.