Ditɛronɔmi 9:1 - EBƆRƐ BE KAWƆL

¹ Israɛlebi, men nu nfe! Menyee sha kedii lɔrgboŋ nɛ baa tre Jɔɔdan na nna n ya kɔ n sɔ efuliana nɛ amo be basa kɔ eleŋ a chɔ menyi be kasawule n chena so na. Bumo be ndegboŋ kɔ egbalana nɛ amo be jeŋgreŋ du fanɛ a kaa bee chute awɔlpa nna.

Ditɛronɔmi 9:1 ပူးပေါင်းရင်းမြစ်များ

Jɛnesis 11:4

Kede be kaman nɛ b kaŋɛ le: “Naniere bre men shin nɛ an pɔr kadegboŋ n sa anyi be amu nseŋ pɔr ketempreŋ jeŋgreŋ n ya chute awɔlpa, saŋɛ na so, anyi be ketre beeŋ dii nɛ anyi maaŋ naŋ pesaŋ to a wɔ kasawule so kikɛ.”

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Danɛl 4:11

Kedibi na daŋ daŋ nna hale n ya chute awɔlpa nɛ durnya ere to be esa kikɛ bee wu kumo.

Eemɔs 2:9

Ama ŋkpal bumo so, nɛ m mur Amɔriebi nɛ b daa wɔ nteŋ fanɛ ndibi tenteŋ nɛ baa tre Sida na, nsaa kɔ eleŋ malɛ fanɛ ndibi gboŋgboŋi lempo na. N daŋ mur bumo be ayabi nɛ achin kikɛ nna cheche.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 33:51

fanɛ e kaŋɛ Israɛlebi na le: “Men baŋ dii Jɔɔdan be lɔr na n yɔ Keenan be kasawule so,

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 11:23

Aloŋ nɛ Enyɛnpe Ebɔrɛ na beeŋ chɛ menyi to nɛ men sɔ kasawule na. Efuliana nɛ a wɔ ndoŋ na be basa shibi nsaa kɔ eleŋ a chɔ menyi, ama e beeŋ tintiŋ bumo n lar kasawule na so jemanɛ nɛ menyeeŋ baa kɔ bumo na.

Ditɛronɔmi 11:31

Menyee dii Jɔɔdan be lɔr na nna nɛ men ya sɔ kasawule nɛ Enyɛnpe menyi be Ebɔrɛ na bee ta a sa menyi nɛ men chena so na nna na. Nɛ men kaŋ ya sɔ kumo n chena ndoŋ,

Ditɛronɔmi 27:2

Kachɛ nɛ menyi beeŋ dii lɔr nɛ baa tre Jɔɔdan na n yɔ kasawule nɛ Enyɛnpe menyi be Ebɔrɛ na bee ta a sa menyi ere so, menyeeŋ ta ajembu gboŋgboŋi n yuu nseŋ baga eshishɛr n la amo.

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 4:1

Ade kikɛ be kaman, nɛ Mosis kaŋɛ basa na le: “Nɛ menyee wora mbraana nɛ mee ŋini menyi ere kikɛ kasonu, menyeeŋ baa wɔtɔ nseŋ tiŋ n ya chena kasawule nɛ Enyɛnpe Ebɔrɛ nɛ men nananyɛnana shuŋ na, bee ta a sa menyi na so.

Ditɛronɔmi 4:38

Men ka lar a ba malɛ, mo e daa ju efuliana nɛ b kɔ eleŋ ga a chɔ menyi na a lar nsaa ta bumo be nsawule a sa menyi fanɛ kananɛ e fara a wora ere.

Ditɛronɔmi 6:10

Ade be kaman nɛ Mosis naŋ kaŋɛ Israɛlebi na le: “Kananɛ Enyɛnpe Ebɔrɛ nɛ e nase kɔnɔ n sa men nananyɛnana, Eebraham nɛ Aizek nɛ Jeekɔb, fanɛ e beeŋ ta kasawule nɛ nde gboŋgboŋi nɛ a kɔ nwu lela nɛ menyi gbagba maŋ pɔr amo

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 1:11

“Men nite keeyi na to ŋ kaŋɛ men be basa kikɛ fanɛ b bela ase n ta bumo be ajibi nɛ nchu, ŋkpal manɛ so nchɛ asa be kefɛato menyeeŋ dii Jɔɔdan be lɔr na n ya sɔ kasawule nɛ Enyɛnpe menyi be Ebɔrɛ na kɔ a sa menyi na so.”

Joshuwa 1:15

n ya fo saŋkama nɛ Enyɛnpe na beeŋ sa bumo alɛ gba ewushi fanɛ kananɛ e sa menyi na. Kumo be kaman pɔɛŋ nɛ men bɛta n ya chena men be kasawule nɛ Enyɛnpe Ebɔrɛ be kayɛrbi Mosis ta n sa menyi ashi Jɔɔdan be lɔr na be epeŋilarkpa na.”

Joshuwa 14:12

Naniere ta kebeeso be efuli nɛ Enyɛnpe Ebɔrɛ nase kɔnɔ kamɔnchɛ afanɛ e beeŋ sa ma na n sa ma. An teŋ kaŋɛ fo fanɛ basa tenteŋ gboŋgboŋi nɛ baa tre Anakebi na e wɔ ndegboŋ nɛ b pɔr egbal ŋ kulti na to ashi efuli na kikɛ so. Ashere Enyɛnpe Ebɔrɛ beeŋ yili ma kaman nɛ n ju bumo n lar fanɛ kananɛ Enyɛnpe Ebɔrɛ kaŋɛ na gbagba chap.”

Joshuwa 3:14

Basa na ka lar bumo be keeyi to nɛ b ya dii Jɔɔdan be lɔr na, nɛ bɔrɛmatapoana na sulɔ Enyɛnpe Ebɔrɛ be ŋkre be deka na n juŋkpar bumo.

Joshuwa 3:16

epul to nɛ lɔr na ku to nɛ nchu nɛ a shil a ba na bɛta kaman n ya fo kade nɛ baa tre Adam nɛ k wɔ Zaretan be efuli so na. Ndoŋ nna nɛ lɔr na be nchu nɛ a shil a yɔ na malɛ shile n ya luri Teku nɛ baa tre Araba na to, (kumo e la Nfɔl be Teku na). Kumo be kaman nɛ basa na dii lɔr na n yɔ kumo be kaba nɛ Jɛriko wɔ na.

Joshuwa 3:6

Le nɛ Joshuwa daŋ kaŋɛ bɔrɛmatapoana na malɛ: “Men ta Enyɛnpe Ebɔrɛ be ŋkre be deka na n juŋkpar basa na a yɔ.” Nɛ b ta kumo n juŋkpar bumo.

Joshuwa 4:19

Kafɛ to be kufɔl sososo be kachɛ kudusopo nɛ basa na daŋ dii Jɔɔdan be lɔr na n ya wora bumo keeyi ashi kade nɛ baa tre Gilgaal nɛ k wɔ Jɛriko be epeŋilarkpa be kaba so na.

Joshuwa 4:5

ŋ kaŋɛ bumo le: “Men be ekama e yɔ men Nyɛnpe Ebɔrɛ be ŋkre be deka na ase ashi Jɔɔdan be lɔr na be nferinto n ya ta kejembu n deŋi mbe kebatemu so n yili katelamu n sa mbe kanaŋ ashi Israɛl be nnaŋ kuduanyɔ na to.