Ditɛronɔmi 8:8 - EBƆRƐ BE KAWƆL

⁸ K la kasawule nɛ k beeŋ baa wora ayu nɛ amalo nɛ asɔrso be yiri yiri nsaa kɔ mushoŋ nna ga.

Ditɛronɔmi 8:8 ပူးပေါင်းရင်းမြစ်များ

Jɛnesis 49:11

E beeŋ ba ta mbe kurmafɔlbi n chɛ m muni kefeelebi nɛ k bee sɔr asɔrso nɛ baa tre greep na be keyabi lela. E beeŋ ta nsa nɛ b ta kefeelebi be asɔrso nɛ baa tre greep na n wora nɛ a pere kpaw fanɛ ŋklaŋ na n fɔr mbe asɔbuuso. Kumo e naŋ ŋini fanɛ mbe ndibi sɔrso wora ga.

2 Samuɛl 4:6

B daŋ ya luri mbe laŋ to nna fanɛ b ka bee fin nyifu na.

1 Bewura 5:11

nɛ ewura Sɔlɔmɔn malɛ bee sa ewura Hiram ayu nɛ amo be egbɛ sa fanɛ kilo ŋgboŋ ŋgboŋto be ŋgboŋ alfa anyɔ nɛ ɔlif be ŋku lela egalɔn ŋgboŋ adekpanu, kafɛ kikɛ.

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

Nshɛ 147:14

Ebɔrɛ e shin nɛ men wɔ kayurwushi to ashi menyi be efuli so na. Mo e naa sa menyi ajibi lela.

Nshɛ 81:16

Ama menyi ere, ayu lela nɛ abee to be mushoŋchu nɛ meeŋ ta m bela menyi nɛ men ji m moɛ.”

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Jɛremaya 5:17

Baaŋ ji menyi be adɔjibi m mur nseŋ mɔ menyi be mbia. Bumo alɛ beeŋ mur menyi be asɔbɔya nɛ ndibi sɔrso kikɛ. Bumo be benapo beeŋ bure menyi be ndeana nɛ men pɔr egbalana ŋ kulti a wɔ amo to nsaa fɛ fanɛ shɛŋ maaŋ tiŋ n wora menyi na kikɛ n lɛ.

Ezikɛl 27:17

Juda nɛ Israɛl be basa gba daŋ ta ayu nɛ mushoŋ nɛ ɔlif be ŋku nɛ eposɔ ŋ ka fo asɔ faso be kukɔ.

Hoziya 2:22

Nɛ aboyu nɛ asɔrso nɛ baa tre greep na nɛ ɔlif kikɛ e wora ashi Jizreel be ketaŋɛ na to.

Hoziya 2:8

E daa maa pin fanɛ ma e sa mo ajibi nɛ asɔ nuuso nɛ ɔlif be ŋku nɛ shuwa nɛ gbiti nɛ e kilgi n ta amo a shuŋ Baal be kegbir na.

Maika 4:4

Loŋ be jemanɛ na, ekama na beeŋ chena mbe ndibi sɔrso be kudɔ to nɛ kayurwushi nɛ esa kikɛ maaŋ naa funti mo. Ŋkpal manɛ so, Enyɛnpetale Ebɔrɛ na be kɔnɔ naseso nna na.

Habakuk 3:17

Hale nɛ figi be ndibi maŋ sɔr gba, nɛ afeelebi nɛ baa tre greeps na maŋ kɔ asɔrso; hale nɛ ɔlif be ndibi maŋ sɔr shɛŋ, nɛ adɔsawule maŋ wora ajibi gba; hale nɛ kubolpɔ koŋwule gba maŋ naa wɔtɔ, nɛ kena koŋwule maŋ naa wɔ kenalu to gba,

Nɔmbɛs 13:23

Basa nɛ b shuŋi na ka fo ketaŋɛ nɛ baa tre Eshkɔl na to, nɛ b ku kesɔrso nɛ baa tre greep na be asɔrso be keyabi. Ŋkpal k ka daa shibi ga nsaa wɔ egbɛ so b daŋ ta kumo nna n deŋi kedibi so nɛ basa anyɔ cha abar n sulɔ kumo bumo be abatimu so a nite. B daŋ ta kedibi nɛ baa tre pomegranates na be asɔrso nɛ figidibi be asɔrso gba nna n ti kumo so.

Baru lela nɛ Jɔn kute na 6:13

Ndoŋ nna nɛ b tise n tise ayunyifu be bodobodo nɛ basa na daŋ we ŋ ka na m bɔlɔ nlantaŋɛ kuduanyɔ.

Baru lela nɛ Jɔn kute na 6:9

“Kebia ko wɔ nfe a kɔ ayunyifu be ebodobodo anu nɛ ekɔrɔtɔ anyɔ, ama manɛ nɛ a beeŋ tiŋ n wora n sa basa damta ere?”

Ditɛronɔmi 32:13

Kumo be kaman nɛ e shin nɛ b ji kuwura abeesawule so, nseŋ naŋ shin nɛ b ji asɔ nɛ b dɔ n nya bumo be adɔ to. B daŋ nya emushoŋ ashi abee so n ji; bumo be ɔlifs be ndibi purge nɛnɛ kejasawule so.

Ditɛronɔmi 32:14

Bumo be ana nɛ mboe sa bumo kenyipochu damta ga; Bashan be kasawule so nɛ bumo be mbolpɔ nɛ mboe nɛ ana daa ji. Bumo alɛ daŋ naa kɔ ayu lela nɛ yabra belbelso ga.

Ditɛronɔmi 6:3

Israɛlebi, men nu amo nɛnɛ nseŋ wora amo kasonu! Aloŋ e naaŋ shin nɛ asheŋ e nyalɛ n sa menyi nɛ men ki efuligboŋ nseŋ naŋ tiŋ n chena kasawule lela nɛ k bee wora adɔjibi ga na so, fanɛ kananɛ Enyɛnpe, an nanaana be Ebɔrɛ na, nase kɔnɔ na.

Ditɛronɔmi 8:7

Ŋkpal manɛ so, kasawule nɛ k kɔ mbombi nɛ achubu nɛ a bee bɔlɔ a shile a luri ataŋɛ to nɛ kepreŋsawule so kikɛ, nsaa wora adɔjibi ga na so nɛ Enyɛnpe menyi be Ebɔrɛ na kɔ menyi a yɔ so na.

Ditɛronɔmi 8:9

Ajibi ŋko shɛŋ be asheŋ maŋ du kpakpa kasawule na so. Abɛlso kpakpaso gba wɔ kumo be ajembu to nɛ esa beeŋ tiŋ ŋ kur kumo be apreŋ so n nya danyaŋ amo to.