Ditɛronɔmi 8:7 - EBƆRƐ BE KAWƆL

⁷ Ŋkpal manɛ so, kasawule nɛ k kɔ mbombi nɛ achubu nɛ a bee bɔlɔ a shile a luri ataŋɛ to nɛ kepreŋsawule so kikɛ, nsaa wora adɔjibi ga na so nɛ Enyɛnpe menyi be Ebɔrɛ na kɔ menyi a yɔ so na.

Ditɛronɔmi 8:7 ပူးပေါင်းရင်းမြစ်များ

Jɛnesis 49:11

E beeŋ ba ta mbe kurmafɔlbi n chɛ m muni kefeelebi nɛ k bee sɔr asɔrso nɛ baa tre greep na be keyabi lela. E beeŋ ta nsa nɛ b ta kefeelebi be asɔrso nɛ baa tre greep na n wora nɛ a pere kpaw fanɛ ŋklaŋ na n fɔr mbe asɔbuuso. Kumo e naŋ ŋini fanɛ mbe ndibi sɔrso wora ga.

2 Bewura 18:32

n ya fo saŋɛ nɛ ewurgboŋ na beeŋ lɔŋɛ menyi n chena efuli nɛ k du fanɛ men gbagba be efuli, a kɔ ewaindibi be asɔrso nɛ menyeeŋ baa ta a wora eyabra, nɛ ayu nɛ men baa ta a wora ebodobodo, na so. K la kasawule nɛ k kɔ ɔlif be ŋku nɛ mushoŋ ga nna. Men baa kɔ kasonu n sa mo akoŋ maaŋ mɔ menyi ndoŋ kikɛ, menyeeŋ ba ji a moɛ. Men sa maŋ shin nɛ ewura Hɛzekaya e fule menyi nɛ men baa fɛ fanɛ Enyɛnpe Ebɔrɛ na beeŋ mɔlga menyi.

Nshɛ 104:10

Fo e shin nɛ abuye bee pete ataŋɛ to a ki elɔr a shile abee to a choŋ,

Nshɛ 106:24

B daa maŋ yirda kɔnɔ nɛ Ebɔrɛ nase n sa bumo, fanɛ e beeŋ sa bumo bumo gbagba be kasawule na; amoso kasawule lela na be asheŋ daa maa tir bumo.

Ɛksodɔs 3:8

Ŋkpal loŋ so, nɛ ŋ gbelge m ba nɛ m ba mɔlga bumo ashi Ijiptebi na be enɔ to nseŋ lara bumo ashi Ijipt be kasawule so n yɛr bumo kasawule lela nɛ k shi so. Kasawule mo nɛ k kɔ kanya alegaiso nsaa wora ajibi nɛnɛ. Loŋ be kasawule na so nɛ Keenanebi nɛ Hitebi nɛ Amɔriebi nɛ Pɛrizebi nɛ Hivebi nɛ Jebusiebi tase so na.

Aizaaya 36:17

n ya fo fanɛ ewurgboŋ na ka beeŋ lɔŋɛ menyi n chena efuli nɛ k du fanɛ men gbagba be efuli ere so. Ndoŋ la kakpa nɛ ewaindibi wɔtɔ nna nɛ men baa ta a wora eyabra a nuu, nɛ ayu malɛ gba wɔtɔ nɛ men baa ta a wora ebodobodo a we.

Aizaaya 5:1

Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Jɛremaya 2:7

Kumo be kaman nɛ m bar bumo kasawule nɛ k bee wora adɔjibi nɛnɛ so; saŋɛ na so, baaŋ dɔ n nya adɔjibi nɛ kasawule na so be asɔ lela ga. Ama b daŋ wora alubi n jija ma kasawule na, n shin nɛ kasawule nɛ n sa bumo na ki kusɔ nɛ ŋ gbagba kishi kumo.

Ezikɛl 17:5

Kumo be kaman nɛ kajɔnɔkoso na ta Israɛl be efuli so be keduuso n ya duu kasawule lela nɛ k mata kabombi so, kakpa nɛ k beeŋ baa nya nchu jemanɛ kikɛ nseŋ tiŋ n daŋ nɛnɛ na.

Ezikɛl 20:6

Loŋ be kachɛ na nɛ e nase kɔnɔ fanɛ e beeŋ lara bumo Ijipt be efuli so n yɔ kasawule nɛ k kɔ kanya alegaiso nsaa wora adɔjibi ga nseŋ naa la kasawule nɛ k walɛ a chɔ nsawule kikɛ nɛ mo gbagba fin n yili bumo na so.

Ditɛronɔmi 8:6

Amoso men baa wora Enyɛnpe Ebɔrɛ na be mbraana na kasonu nsaa ta kufu nɛ kechicha chicha a bunyaŋ mo.

Ditɛronɔmi 8:8

K la kasawule nɛ k beeŋ baa wora ayu nɛ amalo nɛ asɔrso be yiri yiri nsaa kɔ mushoŋ nna ga.

Demujipoana 18:10

Nɛ menyi alɛ gba yɔ ndoŋ menyeeŋ wu fanɛ basa na maa fɛ fanɛ kusɔ ko beeŋ wora bumo. Efuli na malɛ shi ga nsaa kɔ asɔ nɛ anyeeŋ baa sha kebaawɔtɔ to. Ebɔrɛ malɛ e ta amo n sa anyi.”