Ditɛronɔmi 8:5 - EBƆRƐ BE KAWƆL

⁵ Menyi alɛ e naa nyiŋi fanɛ Enyɛnpe menyi be Ebɔrɛ na e naa niŋi menyi nseŋ naa gberge menyi kusoe fanɛ kananɛ betuto nɛ benioana bee bela bumo be mbia na.

Ditɛronɔmi 8:5 ပူးပေါင်းရင်းမြစ်များ

2 Samuɛl 7:14

Meeŋ ki mo tuto, nɛ mo alɛ e baa la m pibinyɛn. E baŋ wora n foe, meeŋ niŋi mo fanɛ kananɛ etuto bee niŋi mbe kebia na.

Nshɛ 89:32

kumo ere meeŋ gberge bumo kusoe ŋkpal bumo be alubi so. Meeŋ shin nɛ b ji awurfoŋ ŋkpal bumo be kewora n jija so.

Nshɛ 94:12

Kagbenefuli la ekama nɛ fo Enyɛnpe Ebɔrɛ na bee bela nsaa ŋini mo fo mbra na peya nna!

Aŋasa 13:24

Esa kama nɛ e maa gberge mbe mbia kusoe a ŋini bumo asheŋ maa sha bumo nna na. Esa kama nɛ e bee sha mbe mbia bee gberge bumo kusoe nna a ŋini bumo asheŋ saŋɛ nɛ k daga.

Aŋasa 3:11

M pibinyɛn, sa maa kini Enyɛnpe Ebɔrɛ na be kebela be kasogberge ŋko mbe kefiɛso be keŋini.

Aŋasa 3:12

Ŋkpal manɛ so, basa nɛ Enyɛnpe Ebɔrɛ na bee sha nɛ e bee niŋi ekpa, fanɛ kananɛ etuto bee wora mo pibi shaso na.

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Aizaaya 1:3

Ana nɛ ekurma nyi basa nɛ b wɔ bumo nsaa bela bumo. Ama ma basa, Israɛlebi, bre maŋ nyi ma. B maa pin asheŋ to gba kuraa.”

Ezikɛl 12:3

Amoso, dimɛdi pibi, bela fo adiiku nseŋ wora fanɛ b ka nyaŋ fo a yɔ efuli pɔtɛ wɔfɔ so. Wora le pɔɛŋ nɛ epeŋi e tɔr. Kumo be kaman nɛ fo yɔ kakpa nɛ ekama beeŋ wu fo n ya kaa nite a yɔ a ba. B kaŋ wu fo kaa bee wora loŋ, ashere baaŋ pin fanɛ b la basa nɛ b pal kaman n sa ma nna.

Ezikɛl 18:28

Ŋkpal b ka fɛ bumo be asheŋ wora so na be asheŋ nseŋ yige asheŋ lubi na be kewora so nɛ baaŋ ji efute.

1 Kɔrintebi 11:32

Ama nɛ Enyɛnpe na baŋ sa anyi kasogberge n niŋi anyi ekpa, e bee wora loŋ nna, saŋɛ na so, e maaŋ ta anyi n ti durnyaebi so m mur.

Ditɛronɔmi 1:31

nɛ keshishɛrsawule so na. Men wu kananɛ e keta menyi, fanɛ kananɛ etuto bee keta mbe kebia a nite na, m ba nfe kayurwushiso.’

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:36

E daŋ shin nɛ mbe ebɔl shi ebɔrɛso m ba nɛ men nu, saŋɛ na so e beeŋ ŋini menyi asheŋ. Mo alɛ naŋ shin nɛ men wu mbe edɛ cheembi kasawule ere so nna nɛ e bɔla kumo to m malga n sa menyi.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 8:6

Amoso men baa wora Enyɛnpe Ebɔrɛ na be mbraana na kasonu nsaa ta kufu nɛ kechicha chicha a bunyaŋ mo.

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.