Ditɛronɔmi 8:3 - EBƆRƐ BE KAWƆL

³ Amoso nɛ e daŋ shin nɛ akoŋ pɛ menyi, kumo be kaman nɛ e sa menyi ajibi nɛ menyi nɛ men nananyɛnana maŋ naŋ ji ŋ ku so na. Ajibi na nɛ baa tre ‘manna’ na. Mo alɛ daŋ wora loŋ nna nɛ e ŋini menyi fanɛ a maŋ daga fanɛ men baa wɔtɔ ŋkpal ajibi nawule so, ama ŋkpal kusɔ kama nɛ Enyɛnpe Ebɔrɛ na kaŋɛ so.

Ditɛronɔmi 8:3 ပူးပေါင်းရင်းမြစ်များ

Nshɛ 105:40

B ka daŋ kule mo ajibi, mbuibi nɛ baa tre kweels na nɛ ebɔrɛso be ajibi nɛ baa tre manna na nɛ e sa bumo, nɛ b daa nya a ji a moɛ.

Nshɛ 37:3

Yirda Enyɛnpe Ebɔrɛ na, nsaa wora alelasheŋ. Saŋɛ na so feeŋ chena kasawule ere so n nya kekuŋ.

Matiu 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ a maŋ daga nyiŋgbasa ka wɔtɔ ŋkpal ajibi nawule so, ama e wɔtɔ nna ŋkpal kamalga kikɛ nɛ k bee shi Ebɔrɛ be kɔnɔ to a lar so.”

Luuk 4:4

Nɛ Yesu kaŋɛ mo le: “Abɔrɛsibɛ na bee kaŋɛ fanɛ: ‘A maŋ daga nyiŋgbasa ka wɔtɔ ŋkpal ajibi nawule so.’ ”

1 Kɔrintebi 10:3

Bumo kikɛ daŋ ji kejibi koŋwule mo nɛ k daŋ shi Ebɔrɛ kutɔ na,

Ditɛronɔmi 29:5

Nfɛ adena nɛ Enyɛnpe Ebɔrɛ na juŋkpar menyi m bɔla keshishɛrsawule so na, menyi be asɔbuuso nɛ asɛbta malɛ daŋ maŋ wu kikɛ.

Ditɛronɔmi 29:6

Men daŋ maŋ kɔ ajibi nɛ men ji ŋko yabra belbelso ŋko nsa be yiri kikɛ nɛ men nuu. Ama Enyɛnpe Ebɔrɛ na daŋ sa menyi ajibi jiso nɛ asɔnuuso ŋ ŋini menyi fanɛ mo e la menyi be Ebɔrɛ.

Ditɛronɔmi 32:47

Ebɔrɛ be mbraana na maŋ la mmalga fuloŋ nna. Amo e naaŋ sa menyi ŋkpa tenteŋ. Amoso, men baa wora amo kasonu nseŋ nya ŋkpa tenteŋ ashi kasawule nɛ k dese Jɔɔdan be lɔr na be kaba ndoŋ nɛ menyee yɔ nɛ men ya kɔ n sɔ n chena so na so.”

Ditɛronɔmi 9:9

Ma e daŋ dii n yɔ kebeegboŋ na be awɔlto n ya sɔ ajembu peŋgeleŋ peŋgelembi nɛ menyi nɛ Enyɛnpe Ebɔrɛ na be kɔnɔkoŋwule be ŋkre nɛ baa tre amo Mbra Kudu na deŋ so na. Nchɛ adena nɛ nnyɛ adena nɛ n wɔ ndoŋ a maa ji ŋko a nuu.