Ditɛronɔmi 8:2 - EBƆRƐ BE KAWƆL

² Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Ditɛronɔmi 8:2 ပူးပေါင်းရင်းမြစ်များ

Jɛnesis 22:1

Eebraham wɔtɔ loŋ nɛ kachako Ebɔrɛ ba nɛ e ba wora mo ŋ keni, nseŋ tre mo: “Eebraham!” Nɛ Eebraham shuli ŋ kaŋɛ: “Ma nde.”

2 Kronikɛls 32:31

Babilɔn be bejuŋkparpoana ka shuŋi mbɔ fanɛ b ya bishi ewura Hɛzekaya etɔɔnɛsheŋ nɛ Ebɔrɛ sa mo na, Ebɔrɛ daŋ wora mo nna ŋ keni e bee ji kashenteŋ a sa mo nseŋ shin nɛ ewura Hɛzekaya sa bumo mo gbagba atuwebi.

2 Kronikɛls 33:12

Ewura Manase ka wɔ kabuti to ashi Babilɔn na nɛ e bar mbe kumu kaseto n sa Enyɛnpe mbe Ebɔrɛ na nseŋ kule mo fanɛ e chɛ mo to.

2 Kronikɛls 33:19

Ewura Manase be kabɔrɛkule nɛ kananɛ Ebɔrɛ nu mbe kekule, nɛ alubi nɛ e wora kikɛ pɔɛŋ nseŋ chɛrga, nɛ nnyamase be agbirana nɛ e shuŋ nɛ mboŋ nɛ e pɔr kegbirche Ashira nɛ agbirana be mpɔrduli, nɛ asheŋ nɛ e wora kikɛ be asheŋ wɔ anebiana be adrasheŋ be nwɔl to.

Nehemaya 9:19

“Ŋkpal fo kuwɔrwu ka shi ga so fo daa ŋini bumo ekpa nna saŋkikɛ, fo alɛ daa maŋ yige bumo n lɛ keshishɛrsawule so. Fo daa bɔla kuwɔlpa so nna a ŋini bumo ekpa kapaso nsaa bɔla edɛ be kabɔlpi so a juŋkpar bumo kanyɛso.

Job be kawɔl 33:17

Ebɔrɛ bee malga nna a sa bumo edare to nɛ k shin nɛ b lar alubi nɛ kamoowu to.

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 106:7

An nanaana ka daa wɔ Ijipt be efuli so na, bumo be lakal daa maa wɔ Ebɔrɛ be mamachi be asheŋ woraso so; ŋko kasha so. Jemanɛ nɛ b daa dii teku peper na, b daŋ pal kaman nna n sa mo.

Nshɛ 136:16

Enyɛnpe Ebɔrɛ na e daŋ juŋkpar mbe basa keshishɛrsawule so na; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 77:11

Enyɛnpe Ebɔrɛ, meeŋ baa nyiŋi fo asheŋgboŋ nɛ emamachisheŋ nɛ fo wora dra dra na be asheŋ.

Nshɛ 81:7

Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Ɛksodɔs 15:25

Ndoŋ nna nɛ Mosis shu n tre Enyɛnpe Ebɔrɛ nɛ Enyɛnpe Ebɔrɛ na ŋini mo kedibi ko nɛ e ta kumo n lɛ nchu na to, nɛ a kilgi nchu belbelso. Enyɛnpe Ebɔrɛ ka wora bumo ŋ keni na nɛ e sa bumo mbra

Ɛksodɔs 16:35

Israɛlebi na daŋ ji manna na nfɛ adena nna. B ji amo hale n ya fo Keenan be kasawule so nseŋ chena ndoŋ.

Ɛksodɔs 16:4

Ndoŋ nna nɛ Enyɛnpe Ebɔrɛ kaŋɛ Mosis: “Keni meeŋ shin nɛ ajibi e shi esoso n wurge fanɛ bɔrɛ na n sa menyi nɛ basa na e baa lar n ya kaa muu amo kananɛ baaŋ tiŋ n ji karechɛ kama. Loŋ nɛ meeŋ wora bumo ŋ keni baa bɛ ma keŋini so a?

Ɛksodɔs 20:20

Ndoŋ nna nɛ Mosis kaŋɛ basa na: “Men sa maa lɔ kufu. Ebɔrɛ ba nna nɛ e ba wora menyi ŋ keni nseŋ shin nɛ men baa wora mo kasonu nsaa maa wora alubi.”

Aŋasa 17:3

Edɛ nɛ baa ta a wora shuwa nɛ gbiti a keni a pin amo be kela; ama Enyɛnpe Ebɔrɛ na e naa wora dimɛdi be kagbene a keni.

Aizaaya 2:17

Kachɛ na kaŋ fo, baaŋ bar esa kama nɛ e bee maŋ mbe kumu so nɛ ekama nɛ e bee fɛ fanɛ e shi ga kaseto. Enyɛnpe Ebɔrɛ na nawule e naaŋ nya kemaŋkura.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Ezikɛl 20:19

Ma e la Enyɛnpe, menyi be Ebɔrɛ na; men be ma mbraana nɛ ma keŋini so.

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Nɔmbɛs 14:33

Ŋkpal men ka maŋ kɔ yirda so, menyi be mbia beeŋ baa wɔ keshishɛrsawule ere so a kilgi to a ji awurfoŋ nfɛ adena hale nɛ menyi be esa lalalogesopo e wu.

Luuk 18:14

Nɛ Yesu naŋ kaŋɛ: “Ma e kaŋɛ menyi na fanɛ Ebɔrɛ shin nɛ lamposɔpo na ki elelapo mbe anishito n yɔ epe. Ama Farisinyɛn na bre maŋ nya loŋ, ŋkpal manɛ so, esa kama nɛ e bee maŋ mbe kumu so, baaŋ bar mo kaseto, ama ekama nɛ e bee bar mbe kumu kaseto, baaŋ maŋ mo so.”

Baru lela nɛ Jɔn kute na 2:25

E daa maŋ naa sha dimɛdi kikɛ ka chɛ mo to ŋ ŋini mo kananɛ basa du, ŋkpal manɛ so, e daa nyi kusɔ nɛ k wɔ dimɛdi to.

Ditɛronɔmi 1:3

Israɛl be basa na ka lar Ijipt be efuli so be kafɛ adenasopo na be kufɔl kudukakosopo na be kachɛ juŋkparso na nɛ Mosis kaŋɛ basa na kusɔ nɛ Enyɛnpe Ebɔrɛ na kaŋɛ mo fanɛ e kaŋɛ bumo na kikɛ.

Ditɛronɔmi 1:33

nɛ jemanɛ kikɛ e daa juŋkpar menyi a ŋini menyi kakpa nɛ menyi beeŋ yuu keeyi n chena ashi menyi be enite to na be kɔnɔ so. Edɛ be kabulpi so nɛ e daa bɔla a juŋkpar menyi kanyɛso, nsaa bɔla kuwɔlpa so a juŋkpar menyi kapaso a ŋini menyi ekpa nɛ kakpa nɛ menyi beeŋ yuu keeyi n chena.

Ditɛronɔmi 13:3

men sa maŋ kaa nu a sa bumo. Enyɛnpe menyi be Ebɔrɛ na e naa bɔla bumo so a sha kewora menyi ŋ keni nseŋ pin fanɛ menyee sha mo nɛ menyi be ŋgbene kikɛ ŋko menyi maa sha mo.

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Ditɛronɔmi 29:5

Nfɛ adena nɛ Enyɛnpe Ebɔrɛ na juŋkpar menyi m bɔla keshishɛrsawule so na, menyi be asɔbuuso nɛ asɛbta malɛ daŋ maŋ wu kikɛ.

Ditɛronɔmi 32:7

Men laŋɛ menyi be nfɛra n yɔ dra na be nchɛ so; men bishi basa nɛ b kurge menyi na kusɔ nɛ k daŋ wora, nseŋ naŋ bishi basa kpar nɛ b kaŋɛ menyi adrasheŋ.

Ditɛronɔmi 7:18

Men sa maa ŋana bumo, ama men baa nyiŋi kusɔ nɛ Enyɛnpe menyi be Ebɔrɛ na wora Ijipt be ewura nɛ mbe basa na.

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

Jeems 1:3

Ŋkpal manɛ so, men nyi fanɛ nɛ men baŋ pɔɔ kechɔŋkeni na so a yirda Ebɔrɛ, menyeeŋ nya eleŋ n ti so a tiŋ a pɔɔ kechɔŋkeni be yiri kikɛ so.

Jeems 4:10

Men baa yɔɔ men be amu Ebɔrɛ be anishito nɛ e maŋ menyi so.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Demujipoana 2:22

Meeŋ bɔla bumo so n wora Israɛlebi ere ŋ keni fanɛ baaŋ bɛ ma, Enyɛnpe Ebɔrɛ na be ekpa so fanɛ kananɛ bumo nanaana bɛ so na a!”

Demujipoana 3:4

E daŋ yige bumo nna nɛ e wora Israɛlebi na ŋ keni baaŋ nu nseŋ bɛ mbra nɛ e ta m bɔla Mosis so n sa bumo nananyɛnana na so a.