Ditɛronɔmi 8:15 - EBƆRƐ BE KAWƆL

¹⁵ Men baa nyiŋi kananɛ e juŋkpar menyi keshishɛrsawule gboŋgboŋi nɛ awɔ lubi nɛ nna wɔ kumo so na to. Nchu daa maŋ wɔ ndoŋ nɛ Enyɛnpe Ebɔrɛ na shin nɛ kefalta baŋɛ nɛ nchu lar kumo to saŋɛ na so, menyeeŋ nya n nuu.

Ditɛronɔmi 8:15 ပူးပေါင်းရင်းမြစ်များ

Nshɛ 105:41

E daŋ shin nɛ kefalta pante nɛ nchu lar kumo to eleŋso, a shile keshishɛrsawule na so fanɛ lɔr na nna.

Nshɛ 114:8

ŋkpal manɛ so, mo e naa shin nɛ kefalta kpakpaso bee pante a lar nchu nɛ a bee dese fanɛ kepa ŋko a shile fanɛ kabombi na.

Nshɛ 136:16

Enyɛnpe Ebɔrɛ na e daŋ juŋkpar mbe basa keshishɛrsawule so na; mbe kasha nɛ k maa chɛrga na malɛ wɔtɔ nna mbaanaayɔ.

Aizaaya 30:6

Ebɔrɛ be kubɔya nɛ e sa asɔbɔya nɛ a wɔ kiyi nɛ k wɔ Juda be efuli so be kelargato be kaseto be kaba so na nde: “Menyi basa ere bee ta ekurma nɛ enyɔma a sulɔ asɔ lela nɛ amo be yawu du kpakpa a bɔla efuli lubiana nɛ ebuluŋ nɛ awɔ lubi wɔ amoso to a yɔ efuli nɛ k maaŋ tiŋ n chɛ menyi to so.

Aizaaya 35:7

nɛ shishɛrpumpuŋ tushiso e ki apa, nɛ nsawule nɛ a wɔl a dese kikɛ e nya abuye amo so. Kakpa nɛ ejiŋkaamu daa wɔ na, beeŋ ki kakpa nɛ agasa nɛ achufitiri bee kɔr.

Aizaaya 43:19

Men baa keni kusɔ popɔr nɛ meeŋ wora na ekpa. K tea wora gba! Menyeeŋ tiŋ n wu kumo naniere! Meeŋ wora ekpa keshishɛrsawule so nseŋ shin nɛ men nya mbombi ashi kasawule wɔlso so.

Jɛremaya 2:6

Ŋ ka daŋ mɔlga bumo ashi Ijipt be efuli so nseŋ juŋkpar bumo m bɔla kasawule fuloŋ nɛ k la eshishɛr nɛ e biti abar so nawule nseŋ naa la kasawule wɔlso nɛ k kɔ kufu nɛ esa kikɛ maŋ wɔ kumo so ŋko a sha kenite kumo so na be kaman, men nananyɛnana be shɛŋ daa maŋ wɔ ma to.

Hoziya 13:5

Ma e keni menyi so saŋɛ so nɛ men daa wɔ keshishɛrsawule tushiso na so na.

Nɔmbɛs 20:11

Kumo be kaman nɛ Mosis maŋ mbe kekpabi so ŋ ŋmɛa kefalta na ale anyɔ. Epul to nɛ nchu lar kefalta na to eleŋso a wurge nɛ basa na nɛ bumo be asɔbɔya kikɛ nuu.

Nɔmbɛs 21:6

Ndoŋ nna nɛ Enyɛnpe Ebɔrɛ shin nɛ awɔ lubi luri bumo to n duŋ Israɛlebi na be bedamta nɛ b wu.

1 Kɔrintebi 10:4

nseŋ daŋ nuu asɔnuuso koŋwule mo nɛ a daŋ shi Ebɔrɛ kutɔ na. Kefalta mo nɛ kumo nɛ bumo daa na na kutɔ nɛ b daŋ nuu amo. Kefalta na e la Kristo na.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 32:13

Kumo be kaman nɛ e shin nɛ b ji kuwura abeesawule so, nseŋ naŋ shin nɛ b ji asɔ nɛ b dɔ n nya bumo be adɔ to. B daŋ nya emushoŋ ashi abee so n ji; bumo be ɔlifs be ndibi purge nɛnɛ kejasawule so.