Ditɛronɔmi 7:9 - EBƆRƐ BE KAWƆL

⁹ Ŋkpal loŋ so, men baa nyiŋi fanɛ Enyɛnpe menyi be Ebɔrɛ na nawule e la Kashenteŋ be Ebɔrɛ nsaa la Kashenteŋjipo. E beeŋ wora m bɛ mbe kɔnɔkoŋwule be ŋkre so nseŋ lara mbe kasha nɛ k maa loge na ŋ ŋini basa nɛ baa sha mo nsaa wora mbe mbraana kasonu na, yili kenana ko n ya fo kenana ko loŋ be kagboŋ so.

Ditɛronɔmi 7:9 ပူးပေါင်းရင်းမြစ်များ

Jɛnesis 17:7

Meeŋ nase ma kɔnɔkoŋwule be ŋkre n sa fo nɛ fo kaman to ebi nɛ bumo alɛ be kaman to ebi mbaanaayɔ. Meeŋ baa la fo nɛ fo kaman to ebi kikɛ be Ebɔrɛ.

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 9:15

meeŋ nyiŋi ma nɛ menyi nɛ asɔ futeso kikɛ be kɔnɔkoŋwule be ŋkre na. Kumo e la fanɛ m maaŋ naŋ shin nɛ nchu e bɔlɔ m mur kusɔ futeso kikɛ.

1 Bewura 8:23

Enyɛnpe nɛ fo la Israɛl be Ebɔrɛ na, ashi esoso nɛ kasawule kikɛ, Ebɔrɛ kikɛ maŋ naa wɔtɔ fanɛ fo. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ nɛ b ta bumo be ŋgbene kikɛ a wora kasonu a sa fo na nna.

1 Kronikɛls 16:15

Men sa maŋ kaŋ teŋ Ebɔrɛ be ŋkre nɛ e kre mbaanaayɔ na kikɛ so,

2 Kronikɛls 6:14

ŋ kule Ebɔrɛ le: “Enyɛnpe nɛ fo la Israɛl be Ebɔrɛ na, Ebɔrɛ kikɛ maŋ naa wɔtɔ fanɛ fo ashi esoso nɛ kasawule kikɛ. Fo maa teŋ ŋkre nɛ fo nɛ fo basa nase n sa abar na so kikɛ. Fo alɛ bee ŋini bumo fo kasha saŋɛ so nɛ b ta bumo be ŋgbene kikɛ a wora kasonu a sa fo na nna.

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Nshɛ 103:18

nɛ basa nɛ baa bɛ mbe kɔnɔkoŋwule be ŋkre so nsaa wora mbe mbraana kasonu kashenteŋto na.

Nshɛ 105:8

E bee nyiŋi a bɛ mbe kɔnɔkoŋwule be ŋkre nɛ mbe nnɔ naseso nɛ e nase n sa menyi na so hale n ya fo yili kenana ko m ba tu kenana ko be ntuŋ kagboŋ so nna.

Nshɛ 119:75

Enyɛnpe Ebɔrɛ, n nyi fanɛ fo mbra niŋi nna; fo ekpa so nɛ fo gberge ma kusoe.

Nshɛ 146:6

Ebɔrɛ e to esoso nɛ kasawule; mo e to teku nɛ kumo to be asɔ kikɛ nyam. Jemanɛ kikɛ e bee wora a bɔlɔ mbe nnɔ naseso so nna.

Nshɛ 36:6

Fo asheŋ woraso niŋi ekpa nna nsaa du fanɛ kebeegboŋ nɛ k maa gbuŋgbuŋ na. Kananɛ fee mige basa be asheŋ to a ji asheŋ nɛ amo be ekpa so du chiŋgeliŋ fanɛ teku nna. Fo enɔ to nɛ edimɛdi nɛ asɔbɔya kikɛ wɔ.

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Aizaaya 49:7

Israɛl be basa, ma e la Enyɛnpe menyi be Ebɔrɛ cheembi na. Ma alɛ e la menyi be emɔlgapo! Men daa la anya nna n sa efuli pɔtɛana be bewura nɛ baa keni menyi jiga. Naniere kɔnɔ nɛ mee nase a sa menyi nde: “Bewurjipo nɛ kenimujiana beeŋ gbir m bunyaŋ menyi. Menyeeŋ tiŋ n yirda ma! Ŋkpal manɛ so, ma e la Enyɛnpe menyi be Ebɔrɛ nɛ menyi alɛ la ma basa laraso.”

Jɛremaya 32:18

Fo lara fo kasha nɛ k maa chɛrga na ŋ ŋini basa ŋgboŋ to ŋgboŋ to, nseŋ gberge basa asoe ŋkpal bumo tutoana nɛ bumo nioana be alubi so. Fo la Ebɔrɛ gboŋgboŋi nsaa kɔ yuku nna nɛ fo ketre la Enyɛnpetale Ebɔrɛ.

Nfabel 3:23

Esa beeŋ tiŋ n yirda Enyɛnpe Ebɔrɛ na jemanɛ kikɛ nɛ e baa wu mo kuwɔr kachipurso kikɛ.

Danɛl 9:4

Ma kabɔrɛkule na to nɛ m bugi to ŋ kaŋɛ Enyɛnpetale Ebɔrɛ na alubi nɛ ma basa wora ŋ kaŋɛ le: “Enyɛnpe Ebɔrɛ nɛ fo shibi nɛ anyee bunyaŋ fo nɛ fee ji kashenteŋ a sa fo ŋkre nɛ fo nase na nsaa ŋini bekama nɛ baa sha fo nsaa wora fo aparsheŋ na kasha saŋkama na,

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 1:9

Ebɔrɛ mo nɛ e tre menyi fanɛ menyi nɛ mo Pibinyɛn Yesu Kristo an Nyɛnpe e baa kɔ kebaawɔtɔ koŋwule na la esa nɛ esa beeŋ tiŋ n yirda nna.

1 Kɔrintebi 10:3

Bumo kikɛ daŋ ji kejibi koŋwule mo nɛ k daŋ shi Ebɔrɛ kutɔ na,

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

2 Kɔrintebi 1:18

Kananɛ Ebɔrɛ maa chɛrga kɔnɔ na, loŋ koŋwule na nɛ anyi alɛ gba be kamalga maŋ la mm nɛ m-m be kamalga.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Ditɛronɔmi 4:35

Enyɛnpe Ebɔrɛ na daŋ wora ade kikɛ nna ŋ ŋini menyi, saŋɛ na so menyeeŋ pin fanɛ mo nawule e la Ebɔrɛ nɛ ekama maŋ naa wɔtɔ n ti mo so.

Ditɛronɔmi 4:39

Amoso men nyiŋi kabre fanɛ Enyɛnpe Ebɔrɛ na e la Ebɔrɛ ashi ebɔrɛso nɛ kasawule so kikɛ. Ebɔrɛ kikɛ maŋ naa wɔtɔ n ti mo so.

Ditɛronɔmi 5:10

Ama mee sha bumo nɛ baa sha ma nsaa wora ma kasonu a bɛ ma mbraana so na nna hale n ya fo bumo be kekurge to be kenana kagboŋ.

1 Tɛsalɔnikaebi 5:24

Emo nɛ e tre menyi na beeŋ wora le be asheŋ, ŋkpal manɛ so, e la emo nɛ esa beeŋ tiŋ n yirda nna.

2 Tɛsalɔnikaebi 3:3

Ama Enyɛnpe bre maa chɛrga mbe asheŋ to kikɛ. E beeŋ sa menyi eleŋ nseŋ pete menyi ashi kulubi to.

2 Timoti 2:13

Nɛ anyi ere kɔ nnɔkilgi gba, mo ere maŋ kɔ kɔnɔkilgi, ŋkpal manɛ so, e maaŋ tiŋ n wora asheŋ n da mbe da so.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Hibruwebi 10:23

Men shin nɛ an baa kɔ anyi be shɛda na to kpakpa nsaa maa gbuŋgbuŋ to, ŋkpal manɛ so, esa nɛ e nase kɔnɔ n sa anyi na maa yɛ asheŋ a chɛrga kɔnɔ kikɛ.

Hibruwebi 11:11

Yirda e daŋ shin nɛ mbe eche Sɛɛra daŋ bel nseŋ daŋ nya eleŋ n di kedampo, ŋkpal manɛ so, e daŋ baa nyi geeŋ fanɛ esa nɛ e daŋ sa mo loŋ be kɔnɔ naseso na daa beeŋ wora kusɔ nɛ e daŋ kaŋɛ fanɛ e beeŋ wora na.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Jɔn 1:9

Ama nɛ fanɛ an bugi to ŋ kaŋɛ Ebɔrɛ anyi be alubi bre, e la esa nɛ e niŋi nna nɛ anyeeŋ tiŋ n yirda mo nɛ e ta anyi be alubi kikɛ nyam m paŋ anyi nseŋ fɔr kulubi kikɛ nyam ashi anyi be ŋgbene to.

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.

Demujipoana 5:31

Enyɛnpe Ebɔrɛ, shin nɛ fo doŋana kikɛ e mur fanɛ Sisɛra na! Ama shin nɛ bekama nɛ baa sha fo na e baa du fanɛ epeŋi ka bee pete na! Ndoŋ nna nɛ kayurwushi naŋ ba efuli na so beeŋ wora nfɛ adena.