Ditɛronɔmi 7:6 - EBƆRƐ BE KAWƆL

⁶ A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

Ditɛronɔmi 7:6 ပူးပေါင်းရင်းမြစ်များ

1 Bewura 3:8

Naniere, ma nɛ fo ta ŋ ki fo basa nɛ fo lara nɛ b shibi m baŋ so kekarga na be ewura,

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Nshɛ 114:2

Juda be kebonfu nɛ Ebɔrɛ daŋ ta ŋ ki mbe kakpa cheembi, nsaa wɔ ndoŋ a ji kuwura Israɛl be kasawule kikɛ so.

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 50:5

E yɛ: “Men tre ma basa nɛ baa ji kashenteŋ a sa ma nsaa lara sarga a sa ma na, nɛ ma nɛ bumo e wora kɔnɔkoŋwule be ŋkre.”

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Aizaaya 41:8

Israɛlebi, men la ma nyɛrbi nna. Ma e lara menyi. Menyi nɛ men la nteri Eebraham be kaman to ebi na nɛ n lara.

Aizaaya 41:9

Durnya be mboŋ wɔfɔ kikɛ nɛ n shi ŋ keta menyi m ba, nseŋ kaŋɛ menyi le: ‘Men la ma nyɛrbi nna.’ M maŋ kini menyi n lɛ.

Aizaaya 6:13

Basa kudu to be esa koŋwule gba ka kasawule na so, mo alɛ gba beeŋ mur. E beeŋ ki fanɛ kedibi gboŋgboŋi nɛ b ku n lɛ be keyimu.” (Keyimu na yili n sa Ebɔrɛ be basa ka beeŋ naŋ fara kepopɔr to nna.)

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Jɛremaya 2:3

Israɛlebi, men la n nawule peya nna. Men daa la ma kapetɛ cheembi nna; nɛ ŋ kpal loŋ so n shin nɛ awurfoŋ nɛ jɛrbi damta ba bekama nɛ b daa mɛaŋ menyi na so.”

Ezikɛl 20:5

nseŋ naŋ kaŋɛ bumo fanɛ kusɔ nɛ Enyɛnpetale Ebɔrɛ na bee kaŋɛ e la fanɛ kachɛ nɛ e lara menyi nɛ men baa la mbe basa na, e daŋ bɔ ntaŋ nna n nase kɔnɔ n sa Jeekɔb nɛ men tutoana nseŋ lara mbe kumu ŋ ŋini bumo ashi Ijipt be efuli so ŋ kaŋɛ fanɛ e beeŋ baa la menyi nɛ men be kaman to ebi be Ebɔrɛ.

Levitikɔs 20:24

N nase kasawule nɛ kenya n ji nseŋ nuu yɛlyɛla so ere be kɔnɔ nna n sa menyi fanɛ k ki menyeya. Ma alɛ beeŋ ta kumo n sa menyi nɛ k baa la menyi be kapetɛsɔ. Ma e la Enyɛnpe Ebɔrɛ, men be Ebɔrɛ nɛ n lara menyi n yili nɛ men baa kɔr efuli pɔtɛana be basa to na.

Levitikɔs 20:26

Men baa du cheembi nsaa la n nawule be basa, ŋkpal manɛ so, ma, Enyɛnpe Ebɔrɛ na du cheembi nna. Ma alɛ e lara menyi n yili nɛ men baa kɔr efuli pɔtɛana be basa to, saŋɛ na so menyeeŋ baa la ma nawule peya.

Eemɔs 3:2

Enyɛnpe Ebɔrɛ yɛ: “Menyi nawule nɛ n lara ashi efuliana kikɛ so fanɛ men baa la meya, amoso nɛ meeŋ gberge menyi kusoe alegaiso ŋkpal menyi be alubi so na.”

Malakai 3:17

Enyɛnpetale na yɛ: “Baaŋ baa la ma basa. Kachɛ nɛ ŋ gbagba beeŋ ba ji asheŋ nɛ amo be ekpa so na meeŋ kuŋ bumo fanɛ kananɛ etuto bee kuŋ ebi nɛ e kɔ kasonu n sa mo na.

Ashuŋ Shunso 13:17

Israɛlebi be Ebɔrɛ e daŋ lara an nanaana Juwebi n shin nɛ b wora keshi ga saŋɛ nɛ b daa la befɔ a wɔ Ijipt be kasawule so na.

Romebi 9:4

Ma basa Israɛlebi nɛ n de na. Bumo nɛ Ebɔrɛ ta ŋ ki mbe mbia n shin nɛ b nya mbe kemaŋkura na n ti so. E nase kebaawɔtɔ koŋwuleso be kɔnɔ n sa bumo nseŋ sa bumo mbra na nɛ bɔrɛlambu na to be kabɔrɛshuŋ na nɛ b nya Ebɔrɛ be nnɔ naseso n ti so.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 14:21

Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.

Ditɛronɔmi 26:18

Ŋkpal loŋ so, Enyɛnpe Ebɔrɛ na gba sɔ menyi fanɛ mo gbagba be basa nɛ e bee sha ga kabre, fanɛ kananɛ e nase kɔnɔ na. Mo alɛ bee kaŋɛ menyi nna fanɛ men baa wora mbe mbraana kikɛ kasonu.

Ditɛronɔmi 26:19

Enyɛnpe Ebɔrɛ na e to efuliana na kikɛ, ama e beeŋ shin nɛ men nya ketre, nɛ b kpaŋ nseŋ maŋkura menyi a chɔ amo kikɛ. Menyi alɛ beeŋ baa la Enyɛnpe menyi be Ebɔrɛ na be basa gbagba nna, fanɛ kananɛ e nase kɔnɔ na.”

Ditɛronɔmi 28:9

Nɛ menyeeŋ wora Enyɛnpe menyi be Ebɔrɛ na kasonu nseŋ wora kusɔ kama nɛ e kaŋɛ menyi, e beeŋ shin nɛ men baa kraa la mo gbagba be basa fanɛ kananɛ e nase kumo be kɔnɔ na.

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 4:37

Kasha nɛ Enyɛnpe Ebɔrɛ na kɔ n sa men nananyɛnana na so nɛ e lara menyi nɛ men baa la mo gbagba be basa nseŋ bɔla mbe yukugboŋ so n lara menyi ashi Ijipt be efuli so m ba.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

2 Pita 2:5

ŋko nɛ e daa maŋ yige saŋɛ na be durnyaebi nseŋ daŋ bar nchu m ba sɔ durnya kikɛ nɛ kumo to be basa lubi mur nseŋ daŋ lara Nowa nɛ e daa la Ebɔrɛ be anishito be alelashemmalgapo na nɛ basa ashunu ko na, e beeŋ yige le be beŋinipo fɛpoana ere a?

2 Pita 2:9

Amoso, men baa nyi fanɛ Enyɛnpe na nyi kananɛ e bee lara bɔrɛshapoana ashi bumo be kechɔŋkeniana to nseŋ naa nyi kananɛ e beeŋ baa kɔ bɔrɛkinipoana nɛ e kɔ a wɔ kasogberge to a jo demujiachɛ na,

1 Samuɛl 12:22

Ebɔrɛ na e lara menyi fanɛ mo gbagba be basa. Ŋkpal mbe ketre ka shibi so, e maaŋ yige menyi kikɛ.