Ditɛronɔmi 7:25 - EBƆRƐ BE KAWƆL

²⁵ Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:25 ပူးပေါင်းရင်းမြစ်များ

2 Bewura 23:14

Ewura Josaya daŋ bure agbir jembu na to nna kpachɛrkpachɛrbi nseŋ ku kegbirche Ashira be kapɔrduli na n lɛ nseŋ ta edimɛdi be awibi n fari kaboŋ nɛ a daa yili na be kaplɛkama.

1 Kronikɛls 14:12

Filistiebi be benapo na ka shile n yige bumo be agbir na nɛ Deevid kaŋɛ mbe benapo na fanɛ b ya chɔɔ amo.

Ɛksodɔs 20:17

Men sa maa yɛlga men baraana be nwu ŋko bumo be beche ŋko bumo be anya ŋko bumo be ana ŋko ekurma ŋko kusɔ kama nɛ k la men braana peya.”

Ɛksodɔs 32:20

Kumo be kaman nɛ e ta kenabi nɛ basa na lɔŋɛ na malɛ n wɔtɔ edɛ to nɛ k ŋalga nɛ e kɔr kumo to fanɛ nyifu na nseŋ ta kumo n wɔtɔ nchu to n shin nɛ Israɛlebi na nuu amo.

Ɛksodɔs 8:26

Ndoŋ nna nɛ Mosis kaŋɛ: “Nɛ an wora loŋ, k maaŋ bɔla ekpa, ŋkpal manɛ so, asɔbɔya nɛ anyeeŋ ta n lara sarga n sa Enyɛnpe Ebɔrɛ, an be Ebɔrɛ na beeŋ baa la kusɔ nɛ Ijiptebi bee kishi na nna. Nɛ anyi alɛ ta asɔbɔya nɛ Ijiptebi bee kishi n lara sarga, b maaŋ kpa anyi ajembu m mɔ a?

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 41:24

Menyi gbagba nɛ asɔ nɛ menyee wora kikɛ maŋ la shɛŋ. Basa nɛ baa shuŋ menyi na la basa nɛ mbushu pɛ bumo nna!

Levitikɔs 13:52

Saŋɛ na so, bɔrɛmatapo na beeŋ chɔɔ kusɔ na, ŋkpal manɛ so, k la kapuu lubi nna nɛ a daga fanɛ b ta edɛ m mur kumo.

Levitikɔs 19:4

Men sa maŋ kaŋ kplaŋ ma so n ya shuŋ agbir. Men sa maŋ ta abɛlso ŋko kusɔ kama n wora kapɔrduli be yiri kikɛ ŋ ki agbir a shuŋ kumo. Ma e la Enyɛnpe, men be Ebɔrɛ na.

Zefanaiya 1:3

Ma alɛ beeŋ mur edimɛdi nɛ asɔbɔya nɛ mbuibi nɛ ekɔrɔtɔ kikɛ. Meeŋ bar basa lubi kaseto nseŋ mur nyiŋgbasa kikɛ kasawule ere so. Esa kikɛ maaŋ pete. Ma, Enyɛnpe Ebɔrɛ na e kaŋɛ na.

Ditɛronɔmi 12:3

Men bure bumo be agbirsure nɛ eshabɔrɛ nɛ b ta ajembu m pɔr na nseŋ chɔɔ asɔ kama nɛ a yili n sa kegbir cheso nɛ baa tre Ashira na, saŋɛ na so basa maaŋ naŋ shuŋ agbirana na ashi loŋ be mboŋ kikɛ.

Ditɛronɔmi 13:16

Kumo be kaman nɛ men chala basa na be asɔ kikɛ ashi kade na be kelɔnɛ so nseŋ chɔɔ amo nɛ kade na nɛ kusɔ kama nɛ k wɔ kumo to fanɛ sarga n sa Enyɛnpe menyi be Ebɔrɛ na. A daga k dese alambure loŋ nɛ b sa maŋ naŋ lɔŋɛ kumo m pɔr kikɛ hale mbaanaayɔ.

Ditɛronɔmi 17:1

Men sa maŋ kaŋ ta kena ŋko kubolpɔ nɛ k kɔ doro kikɛ n lara sarga n sa Enyɛnpe Ebɔrɛ na, ŋkpal manɛ so, e kishi loŋ ga.

Ditɛronɔmi 23:18

Kumo be kaman, ekama nɛ e wora loŋ n nya amansherbi e sa maŋ ta amo m ba Enyɛnpe Ebɔrɛ na kutɔ nɛ e ba tia kɔnɔ naseso kikɛ. Ŋkpal manɛ so, Enyɛnpe Ebɔrɛ na kishi agbirlambu to be esakale ga.

Ditɛronɔmi 27:15

Ebɔrɛ be kɔnɔsho beeŋ ba esa kama nɛ e beeŋ ta kejembu ŋko kedibi ŋko kebɛlso n lɔŋɛ kegbir a shuŋ ashiri to so. Ŋkpal manɛ so, Enyɛnpe Ebɔrɛ na kishi kagbirshuŋ ga. Nɛ basa nɛ b yil Ebal be kebee so na kikɛ e shuli so le: ‘Amɛn!’

Ditɛronɔmi 7:16

A daga fanɛ men mur efuli kama nɛ Enyɛnpe Ebɔrɛ na shin nɛ men pɔɔ kumo be basa so na cheche nsaa maŋ wu bumo kuwɔr. Men sa maŋ kaa shuŋ bumo be agbirana, ŋkpal manɛ so, loŋ beeŋ tiŋ m bar menyi luwu.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:21

n daŋ wu Babilɔnebi be piŋi lela ko, nɛ gbiti nɛ kumo be egbɛ sa fanɛ kilo anyɔ, nɛ shuwa fanɛ kilo be bargato ka wɔ asɔ nɛ an suge na to nna nɛ amo be asheŋ par ma alegaiso nɛ n ta amo n ya puli ma wajɛbu to. Gbiti na e wɔ kaseto.”

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”